ଓଁ
ଭଗବତି ତବ ତୀରେ ନୀରମାତ୍ରାଶନୋଽହଂ
ବିଗତବିଷୟତୃଷ୍ଣଃ କୃଷ୍ଣମାରାଧୟାମି ।
ସକଲକଲୁଷଭଙ୍ଗେ ସ୍ୱର୍ଗସୋପାନଗଙ୍ଗେ
ତରଲତରତରଙ୍ଗେ ଦେବି ଗଙ୍ଗେ ପ୍ରସୀଦ ॥ ୧॥
ଭଗବତି ଭବଲୀଲାମୌଲିମାଲେ ତବାମ୍ଭଃ
କଣମଣୁପରିମାଣଂ ପ୍ରାଣିନୋ ଯେ ସ୍ପୃଶନ୍ତି ।
ଅମରନଗରନାରିଚାମରମରଗ୍ରାହିଣୀନାଂ
ବିଗତକଲିକଲଙ୍କାତଙ୍କମଙ୍କେ ଲୁଠନ୍ତି ॥ ୨॥
ବ୍ରହ୍ମାଣ୍ଡଂ ଖଣ୍ଡୟନ୍ତୀ ହରଶିରସି ଜଟାବଲ୍ଲିମୁଲ୍ଲାସୟନ୍ତୀ
ଖର୍ଲ୍ଲୋକାତ୍ ଆପତନ୍ତୀ କନକଗିରିଗୁହାଗଣ୍ଡଶୈଲାତ୍ ସ୍ଖଲନ୍ତୀ ।
କ୍ଷୋଣୀ ପୃଷ୍ଠେ ଲୁଠନ୍ତୀ ଦୁରିତଚୟଚମୂନିଂର୍ଭରଂ ଭର୍ତ୍ସୟନ୍ତୀ
ପାଥୋଧିଂ ପୁରୟନ୍ତୀ ସୁରନଗରସରିତ୍ ପାବନୀ ନଃ ପୁନାତୁ ॥ ୩॥
ମଜ୍ଜନମାତଙ୍ଗକୁମ୍ଭଚ୍ୟୁତମଦମଦିରାମୋଦମତ୍ତାଲିଜାଲଂ
ସ୍ନାନଂଃ ସିଦ୍ଧାଙ୍ଗନାନାଂ କୁଚୟୁଗବିଗଲତ୍ କୁଙ୍କୁମାସଙ୍ଗପିଙ୍ଗମ୍ ।
ସାୟମ୍ପ୍ରାତର୍ମୁନୀନାଂ କୁଶକୁସୁମଚୟୈଃ ଛନ୍ନତୀରସ୍ଥନୀରଂ
ପାୟ ନ୍ନୋ ଗାଙ୍ଗମମ୍ଭଃ କରିକଲଭକରାକ୍ରାନ୍ତରଂ ହସ୍ତରଙ୍ଗମ୍ ॥ ୪॥
ଆଦାବାଦି ପିତାମହସ୍ୟ ନିୟମବ୍ୟାପାରପାତ୍ରେ ଜଲଂ
ପଶ୍ଚାତ୍ ପନ୍ନଗଶାୟିନୋ ଭଗବତଃ ପାଦୋଦକଂ ପାବନମ୍ ।
ଭୂୟଃ ଶମ୍ଭୁଜଟାବିଭୂଷଣମଣିଃ ଜହନୋର୍ମହର୍ଷେରିୟଂ
କନ୍ୟା କଲ୍ମଷନାଶିନୀ ଭଗବତୀ ଭାଗୀରଥୀ ଦୃଶ୍ୟତେ ॥ ୫॥
ଶୈଲେନ୍ଦ୍ରାତ୍ ଅବତାରିଣୀ ନିଜଜଲେ ମଜ୍ଜତ୍ ଜନୋତ୍ତାରିଣୀ
ପାରାବାରବିହାରିଣୀ ଭବଭୟଶ୍ରେଣୀ ସମୁତ୍ସାରିଣୀ ।
ଶେଷାହେରନୁକାରିଣୀ ହରଶିରୋବଲ୍ଲିଦଲାକାରିଣୀ
କାଶୀପ୍ରାନ୍ତବିହାରିଣୀ ବିଜୟତେ ଗଙ୍ଗା ମନୂହାରିଣୋ ॥ ୬॥
କୁତୋ ବୀଚିର୍ୱୀଚିସ୍ତବ ଯଦି ଗତା ଲୋଚନପଥଂ
ତ୍ୱମାପୀତା ପୀତାମ୍ବରପୁଗ୍ନିବାସଂ ବିତରସି ।
ତ୍ୱଦୁତ୍ସଙ୍ଗେ ଗଙ୍ଗେ ପତତି ଯଦି କାୟସ୍ତନୁଭୃତାଂ
ତଦା ମାତଃ ଶାତକ୍ରତବପଦଲାଭୋଽପ୍ୟତିଲଘୁଃ ॥ ୭॥
ଗଙ୍ଗେ ତ୍ରୈଲୋକ୍ୟସାରେ ସକଲସୁରବଧୂଧୌତବିସ୍ତୀର୍ଣତୋୟେ
ପୂର୍ଣବ୍ରହ୍ମସ୍ୱରୂପେ ହରିଚରଣରଜୋହାରିଣି ସ୍ୱର୍ଗମାର୍ଗେ ।
ପ୍ରାୟଶ୍ଚିତଂ ଯଦି ସ୍ୟାତ୍ ତବ ଜଲକାଣିକ୍ରା ବ୍ରହ୍ମହତ୍ୟାଦିପାପେ
କସ୍ତ୍ୱାଂ ସ୍ତୋତୁଂ ସମର୍ଥଃ ତ୍ରିଜଗଦଘହରେ ଦେବି ଗଙ୍ଗେ ପ୍ରସୀଦ ॥ ୮॥
ମାତର୍ଜାହ୍ନବୀ ଶମ୍ଭୁସଙ୍ଗବଲିତେ ମୌଲୈ ନିଧାୟାଞ୍ଜଲିଂ
ତ୍ୱତ୍ତୀରେ ବପୁଷୋଽବସାନସମୟେ ନାରାୟଣାନ୍ଧ୍ରିଦ୍ୱୟମ୍ ।
ସାନନ୍ଦଂ ସ୍ମରତୋ ଭବିଷ୍ୟତି ମମ ପ୍ରାଣପ୍ରୟାଣୋତ୍ସବେ
ଭୂୟାତ୍ ଭକ୍ତିରବିଚ୍ୟୁତା ହରିହରଦ୍ୱୈତାତ୍ମିକା ଶାଶ୍ୱତୀ ॥ ୯॥
ଗଙ୍ଗାଷ୍ଟକମିଦଂ ପୁଣ୍ୟଂ ଯଃ ପଠେତ୍ ପ୍ରୟତୋ ନରଃ ।
ସର୍ୱପାପବିନିର୍ଭୁକ୍ତୋ ବିଷ୍ଣୁଲୋକଂ ସ ଗଚ୍ଛତି ॥ ୧୦॥
ଇତି ଶ୍ରୀମତ୍ପରମହଂସପରିବ୍ରାଜକାଚାର୍ୟ ଶ୍ରୀଗୋବିନ୍ଦଭଗବତ୍ପୂଜ୍ୟପାଦସ୍ୟଶିଷ୍ୟା
ଶ୍ରୀମଚ୍ଛଙ୍କରଭଗବତଃ କୃତୌ ଗଙ୍ଗାଷ୍ଟକସ୍ତୋତ୍ରଂ ସମ୍ପୂର୍ଣମ୍ ।