ഓം
ഭഗവതി തവ തീരേ നീരമാത്രാശനോഽഹം
വിഗതവിഷയതൃഷ്ണഃ കൃഷ്ണമാരാധയാമി .
സകലകലുഷഭംഗേ സ്വർഗസോപാനഗംഗേ
തരലതരതരംഗേ ദേവി ഗംഗേ പ്രസീദ .. 1..
ഭഗവതി ഭവലീലാമൗലിമാലേ തവാംഭഃ
കണമണുപരിമാണം പ്രാണിനോ യേ സ്പൃശന്തി .
അമരനഗരനാരിചാമരമരഗ്രാഹിണീനാം
വിഗതകലികലങ്കാതങ്കമങ്കേ ലുഠന്തി .. 2..
ബ്രഹ്മാണ്ഡം ഖണ്ഡയന്തീ ഹരശിരസി ജടാവല്ലിമുല്ലാസയന്തീ
ഖർല്ലോകാത് ആപതന്തീ കനകഗിരിഗുഹാഗണ്ഡശൈലാത് സ്ഖലന്തീ .
ക്ഷോണീ പൃഷ്ഠേ ലുഠന്തീ ദുരിതചയചമൂനിംർഭരം ഭർത്സയന്തീ
പാഥോധിം പുരയന്തീ സുരനഗരസരിത് പാവനീ നഃ പുനാതു .. 3..
മജ്ജനമാതംഗകുംഭച്യുതമദമദിരാമോദമത്താലിജാലം
സ്നാനംഃ സിദ്ധാംഗനാനാം കുചയുഗവിഗലത് കുങ്കുമാസംഗപിംഗം .
സായമ്പ്രാതർമുനീനാം കുശകുസുമചയൈഃ ഛന്നതീരസ്ഥനീരം
പായ ന്നോ ഗാംഗമംഭഃ കരികലഭകരാക്രാന്തരം ഹസ്തരംഗം .. 4..
ആദാവാദി പിതാമഹസ്യ നിയമവ്യാപാരപാത്രേ ജലം
പശ്ചാത് പന്നഗശായിനോ ഭഗവതഃ പാദോദകം പാവനം .
ഭൂയഃ ശംഭുജടാവിഭൂഷണമണിഃ ജഹനോർമഹർഷേരിയം
കന്യാ കല്മഷനാശിനീ ഭഗവതീ ഭാഗീരഥീ ദൃശ്യതേ .. 5..
ശൈലേന്ദ്രാത് അവതാരിണീ നിജജലേ മജ്ജത് ജനോത്താരിണീ
പാരാവാരവിഹാരിണീ ഭവഭയശ്രേണീ സമുത്സാരിണീ .
ശേഷാഹേരനുകാരിണീ ഹരശിരോവല്ലിദലാകാരിണീ
കാശീപ്രാന്തവിഹാരിണീ വിജയതേ ഗംഗാ മനൂഹാരിണോ .. 6..
കുതോ വീചിർവീചിസ്തവ യദി ഗതാ ലോചനപഥം
ത്വമാപീതാ പീതാംബരപുഗ്നിവാസം വിതരസി .
ത്വദുത്സംഗേ ഗംഗേ പതതി യദി കായസ്തനുഭൃതാം
തദാ മാതഃ ശാതക്രതവപദലാഭോഽപ്യതിലഘുഃ .. 7..
ഗംഗേ ത്രൈലോക്യസാരേ സകലസുരവധൂധൗതവിസ്തീർണതോയേ
പൂർണബ്രഹ്മസ്വരൂപേ ഹരിചരണരജോഹാരിണി സ്വർഗമാർഗേ .
പ്രായശ്ചിതം യദി സ്യാത് തവ ജലകാണിക്രാ ബ്രഹ്മഹത്യാദിപാപേ
കസ്ത്വാം സ്തോതും സമർഥഃ ത്രിജഗദഘഹരേ ദേവി ഗംഗേ പ്രസീദ .. 8..
മാതർജാഹ്നവീ ശംഭുസംഗവലിതേ മൗലൈ നിധായാഞ്ജലിം
ത്വത്തീരേ വപുഷോഽവസാനസമയേ നാരായണാന്ധ്രിദ്വയം .
സാനന്ദം സ്മരതോ ഭവിഷ്യതി മമ പ്രാണപ്രയാണോത്സവേ
ഭൂയാത് ഭക്തിരവിച്യുതാ ഹരിഹരദ്വൈതാത്മികാ ശാശ്വതീ .. 9..
ഗംഗാഷ്ടകമിദം പുണ്യം യഃ പഠേത് പ്രയതോ നരഃ .
സർവപാപവിനിർഭുക്തോ വിഷ്ണുലോകം സ ഗച്ഛതി .. 10..
ഇതി ശ്രീമത്പരമഹംസപരിവ്രാജകാചാര്യ ശ്രീഗോവിന്ദഭഗവത്പൂജ്യപാദസ്യശിഷ്യാ
ശ്രീമച്ഛങ്കരഭഗവതഃ കൃതൗ ഗംഗാഷ്ടകസ്തോത്രം സമ്പൂർണം .