#ಶ್ರೀಗಂಗಾಷ್ಟಕಂ

                ಓಂ

ಭಗವತಿ ತವ ತೀರೇ ನೀರಮಾತ್ರಾಶನೋಽಹಂ

    ವಿಗತವಿಷಯತೃಷ್ಣಃ ಕೃಷ್ಣಮಾರಾಧಯಾಮಿ .

ಸಕಲಕಲುಷಭಂಗೇ ಸ್ವರ್ಗಸೋಪಾನಗಂಗೇ

    ತರಲತರತರಂಗೇ ದೇವಿ ಗಂಗೇ ಪ್ರಸೀದ .. 1..

ಭಗವತಿ ಭವಲೀಲಾಮೌಲಿಮಾಲೇ ತವಾಂಭಃ

    ಕಣಮಣುಪರಿಮಾಣಂ ಪ್ರಾಣಿನೋ ಯೇ ಸ್ಪೃಶಂತಿ .

ಅಮರನಗರನಾರಿಚಾಮರಮರಗ್ರಾಹಿಣೀನಾಂ

    ವಿಗತಕಲಿಕಲಂಕಾತಂಕಮಂಕೇ ಲುಠಂತಿ .. 2..

ಬ್ರಹ್ಮಾಂಡಂ ಖಂಡಯಂತೀ ಹರಶಿರಸಿ ಜಟಾವಲ್ಲಿಮುಲ್ಲಾಸಯಂತೀ

    ಖರ್ಲ್ಲೋಕಾತ್ ಆಪತಂತೀ ಕನಕಗಿರಿಗುಹಾಗಂಡಶೈಲಾತ್ ಸ್ಖಲಂತೀ .

ಕ್ಷೋಣೀ ಪೃಷ್ಠೇ ಲುಠಂತೀ ದುರಿತಚಯಚಮೂನಿಂರ್ಭರಂ ಭರ್ತ್ಸಯಂತೀ

    ಪಾಥೋಧಿಂ ಪುರಯಂತೀ ಸುರನಗರಸರಿತ್ ಪಾವನೀ ನಃ ಪುನಾತು .. 3..

ಮಜ್ಜನಮಾತಂಗಕುಂಭಚ್ಯುತಮದಮದಿರಾಮೋದಮತ್ತಾಲಿಜಾಲಂ

    ಸ್ನಾನಂಃ ಸಿದ್ಧಾಂಗನಾನಾಂ ಕುಚಯುಗವಿಗಲತ್ ಕುಂಕುಮಾಸಂಗಪಿಂಗಂ .

ಸಾಯಂಪ್ರಾತರ್ಮುನೀನಾಂ ಕುಶಕುಸುಮಚಯೈಃ ಛನ್ನತೀರಸ್ಥನೀರಂ

    ಪಾಯ ನ್ನೋ ಗಾಂಗಮಂಭಃ ಕರಿಕಲಭಕರಾಕ್ರಾಂತರಂ ಹಸ್ತರಂಗಂ .. 4..

ಆದಾವಾದಿ ಪಿತಾಮಹಸ್ಯ ನಿಯಮವ್ಯಾಪಾರಪಾತ್ರೇ ಜಲಂ

    ಪಶ್ಚಾತ್ ಪನ್ನಗಶಾಯಿನೋ ಭಗವತಃ ಪಾದೋದಕಂ ಪಾವನಂ .

ಭೂಯಃ ಶಂಭುಜಟಾವಿಭೂಷಣಮಣಿಃ ಜಹನೋರ್ಮಹರ್ಷೇರಿಯಂ

    ಕನ್ಯಾ ಕಲ್ಮಷನಾಶಿನೀ ಭಗವತೀ ಭಾಗೀರಥೀ ದೃಶ್ಯತೇ .. 5..

ಶೈಲೇಂದ್ರಾತ್ ಅವತಾರಿಣೀ ನಿಜಜಲೇ ಮಜ್ಜತ್ ಜನೋತ್ತಾರಿಣೀ

    ಪಾರಾವಾರವಿಹಾರಿಣೀ ಭವಭಯಶ್ರೇಣೀ ಸಮುತ್ಸಾರಿಣೀ .

ಶೇಷಾಹೇರನುಕಾರಿಣೀ ಹರಶಿರೋವಲ್ಲಿದಲಾಕಾರಿಣೀ

    ಕಾಶೀಪ್ರಾಂತವಿಹಾರಿಣೀ ವಿಜಯತೇ ಗಂಗಾ ಮನೂಹಾರಿಣೋ .. 6..

ಕುತೋ ವೀಚಿರ್ವೀಚಿಸ್ತವ ಯದಿ ಗತಾ ಲೋಚನಪಥಂ

    ತ್ವಮಾಪೀತಾ ಪೀತಾಂಬರಪುಗ್ನಿವಾಸಂ ವಿತರಸಿ .

ತ್ವದುತ್ಸಂಗೇ ಗಂಗೇ ಪತತಿ ಯದಿ ಕಾಯಸ್ತನುಭೃತಾಂ

    ತದಾ ಮಾತಃ ಶಾತಕ್ರತವಪದಲಾಭೋಽಪ್ಯತಿಲಘುಃ .. 7..

ಗಂಗೇ ತ್ರೈಲೋಕ್ಯಸಾರೇ ಸಕಲಸುರವಧೂಧೌತವಿಸ್ತೀರ್ಣತೋಯೇ

    ಪೂರ್ಣಬ್ರಹ್ಮಸ್ವರೂಪೇ ಹರಿಚರಣರಜೋಹಾರಿಣಿ ಸ್ವರ್ಗಮಾರ್ಗೇ .

ಪ್ರಾಯಶ್ಚಿತಂ ಯದಿ ಸ್ಯಾತ್ ತವ ಜಲಕಾಣಿಕ್ರಾ ಬ್ರಹ್ಮಹತ್ಯಾದಿಪಾಪೇ

    ಕಸ್ತ್ವಾಂ ಸ್ತೋತುಂ ಸಮರ್ಥಃ ತ್ರಿಜಗದಘಹರೇ ದೇವಿ ಗಂಗೇ ಪ್ರಸೀದ .. 8..

ಮಾತರ್ಜಾಹ್ನವೀ ಶಂಭುಸಂಗವಲಿತೇ ಮೌಲೈ ನಿಧಾಯಾಂಜಲಿಂ

    ತ್ವತ್ತೀರೇ ವಪುಷೋಽವಸಾನಸಮಯೇ ನಾರಾಯಣಾಂಧ್ರಿದ್ವಯಂ .

ಸಾನಂದಂ ಸ್ಮರತೋ ಭವಿಷ್ಯತಿ ಮಮ ಪ್ರಾಣಪ್ರಯಾಣೋತ್ಸವೇ

    ಭೂಯಾತ್ ಭಕ್ತಿರವಿಚ್ಯುತಾ ಹರಿಹರದ್ವೈತಾತ್ಮಿಕಾ ಶಾಶ್ವತೀ .. 9..

ಗಂಗಾಷ್ಟಕಮಿದಂ ಪುಣ್ಯಂ ಯಃ ಪಠೇತ್ ಪ್ರಯತೋ ನರಃ .

    ಸರ್ವಪಾಪವಿನಿರ್ಭುಕ್ತೋ ವಿಷ್ಣುಲೋಕಂ ಸ ಗಚ್ಛತಿ .. 10..

ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯ ಶ್ರೀಗೋವಿಂದಭಗವತ್ಪೂಜ್ಯಪಾದಸ್ಯಶಿಷ್ಯಾ

ಶ್ರೀಮಚ್ಛಂಕರಭಗವತಃ ಕೃತೌ ಗಂಗಾಷ್ಟಕಸ್ತೋತ್ರಂ ಸಂಪೂರ್ಣಂ .