ఓం
భగవతి తవ తీరే నీరమాత్రాశనోఽహం
విగతవిషయతృష్ణః కృష్ణమారాధయామి .
సకలకలుషభంగే స్వర్గసోపానగంగే
తరలతరతరంగే దేవి గంగే ప్రసీద .. 1..
భగవతి భవలీలామౌలిమాలే తవాంభః
కణమణుపరిమాణం ప్రాణినో యే స్పృశంతి .
అమరనగరనారిచామరమరగ్రాహిణీనాం
విగతకలికలంకాతంకమంకే లుఠంతి .. 2..
బ్రహ్మాండం ఖండయంతీ హరశిరసి జటావల్లిముల్లాసయంతీ
ఖర్ల్లోకాత్ ఆపతంతీ కనకగిరిగుహాగండశైలాత్ స్ఖలంతీ .
క్షోణీ పృష్ఠే లుఠంతీ దురితచయచమూనింర్భరం భర్త్సయంతీ
పాథోధిం పురయంతీ సురనగరసరిత్ పావనీ నః పునాతు .. 3..
మజ్జనమాతంగకుంభచ్యుతమదమదిరామోదమత్తాలిజాలం
స్నానంః సిద్ధాంగనానాం కుచయుగవిగలత్ కుంకుమాసంగపింగం .
సాయంప్రాతర్మునీనాం కుశకుసుమచయైః ఛన్నతీరస్థనీరం
పాయ న్నో గాంగమంభః కరికలభకరాక్రాంతరం హస్తరంగం .. 4..
ఆదావాది పితామహస్య నియమవ్యాపారపాత్రే జలం
పశ్చాత్ పన్నగశాయినో భగవతః పాదోదకం పావనం .
భూయః శంభుజటావిభూషణమణిః జహనోర్మహర్షేరియం
కన్యా కల్మషనాశినీ భగవతీ భాగీరథీ దృశ్యతే .. 5..
శైలేంద్రాత్ అవతారిణీ నిజజలే మజ్జత్ జనోత్తారిణీ
పారావారవిహారిణీ భవభయశ్రేణీ సముత్సారిణీ .
శేషాహేరనుకారిణీ హరశిరోవల్లిదలాకారిణీ
కాశీప్రాంతవిహారిణీ విజయతే గంగా మనూహారిణో .. 6..
కుతో వీచిర్వీచిస్తవ యది గతా లోచనపథం
త్వమాపీతా పీతాంబరపుగ్నివాసం వితరసి .
త్వదుత్సంగే గంగే పతతి యది కాయస్తనుభృతాం
తదా మాతః శాతక్రతవపదలాభోఽప్యతిలఘుః .. 7..
గంగే త్రైలోక్యసారే సకలసురవధూధౌతవిస్తీర్ణతోయే
పూర్ణబ్రహ్మస్వరూపే హరిచరణరజోహారిణి స్వర్గమార్గే .
ప్రాయశ్చితం యది స్యాత్ తవ జలకాణిక్రా బ్రహ్మహత్యాదిపాపే
కస్త్వాం స్తోతుం సమర్థః త్రిజగదఘహరే దేవి గంగే ప్రసీద .. 8..
మాతర్జాహ్నవీ శంభుసంగవలితే మౌలై నిధాయాంజలిం
త్వత్తీరే వపుషోఽవసానసమయే నారాయణాంధ్రిద్వయం .
సానందం స్మరతో భవిష్యతి మమ ప్రాణప్రయాణోత్సవే
భూయాత్ భక్తిరవిచ్యుతా హరిహరద్వైతాత్మికా శాశ్వతీ .. 9..
గంగాష్టకమిదం పుణ్యం యః పఠేత్ ప్రయతో నరః .
సర్వపాపవినిర్భుక్తో విష్ణులోకం స గచ్ఛతి .. 10..
ఇతి శ్రీమత్పరమహంసపరివ్రాజకాచార్య శ్రీగోవిందభగవత్పూజ్యపాదస్యశిష్యా
శ్రీమచ్ఛంకరభగవతః కృతౌ గంగాష్టకస్తోత్రం సంపూర్ణం .