#ಶ್ರೀಗಂಗಾಸಹಸ್ರನಾಮಸ್ತೋತ್ರಂ

  

ಅಕಾರಾದಿಕ್ಷಕಾರಾಂತ ನಾಮಘಟಿತಂ ಸ್ಕಂದಪುರಾಣಾಂತರ್ಗತಂ

ಅಗಸ್ತ್ಯ ಉವಾಚ

ವಿನಾ ಸ್ನಾನೇನ ಗಂಗಾಯಾಂ ನೃಣಾಂ ಜನ್ಮ ನಿರರ್ಥಕಂ .

ಉಪಾಯಾಂತರಮಸ್ತ್ಯನ್ಯದ್ ಯೇನ ಸ್ನಾನಫಲಂ ಲಭೇತ್ .. 1..

ಅಶಕ್ತಾನಾಂ ಚ ಪಂಗೂನಾಮಾಲಸ್ಯೋಪಹತಾತ್ಮನಾಂ .

ದೂರದೇಶಾಂತರಸ್ಥಾನಾಂ ಗಂಗಾಸ್ನಾನಂ ಕಥಂ ಭವೇತ್ .. 2..

ದಾನಂ ವಾಥ ವ್ರತಂ ವಾಥ ಮಂತ್ರಃ ಸ್ತೋತ್ರಂ ಜಪೋಽಥವಾ .

ತೀರ್ಥಾಂತರಾಭಿಷೇಕೋ ವಾ ದೇವತೋಪಾಸನಂ ತು ವಾ .. 3..

ಯದ್ಯಸ್ತಿ ಕಿಂಚಿತ್ ಷಡ್ವಕ್ತ್ರ ಗಂಗಾಸ್ನಾನಫಲಪ್ರದಂ .

ವಿಧಾನಾಂತರಮಾತ್ರೇಣ ತದ್ ವದ ಪ್ರಣತಾಯ ಮೇ .. 4..

ತ್ವತ್ತೋ ನ ವೇದ ಸ್ಕಂದಾನ್ಯೋ ಗಂಗಾಗರ್ಭಸಮುದ್ಭವ .

ಪರಂ ಸ್ವರ್ಗತರಂಗಿಣ್ಯಾಂ ಮಹಿಮಾನಂ ಮಹಾಮತೇ .. 5..

ಸ್ಕಂದ ಉವಾಚ

ಸಂತಿ ಪುಣ್ಯಜಲಾನೀಹ ಸರಾಂಸಿ ಸರಿತೋ ಮುನೇ .

ಸ್ಥಾನೇ ಸ್ಥಾನೇ ಚ ತೀರ್ಥಾನಿ ಜಿತಾತ್ಮಾಧ್ಯುಷಿತಾನಿ ಚ .. 6..

ದೃಷ್ಟಪ್ರತ್ಯಯಕಾರೀಣಿ ಮಹಾಮಹಿಮಭಾಂಜ್ಯಪಿ .

ಪರಂ ಸ್ವರ್ಗತರಂಗಿಣ್ಯಾಃ ಕೋಟ್ಯಂಶೋಽಪಿ ನ ತತ್ರ ವೈ .. 7..

ಅನೇನೈವಾನುಮಾನೇನ ಬುದ್ಧ್ಯಸ್ವ ಕಲಶೋದ್ಭವ .

ದಧ್ರೇ ಗಂಗೋತ್ತಮಾಂಗೇನ ದೇವದೇವೇನ ಶಂಭುನಾ .. 8..

ಸ್ನಾನಕಾಲೇಽನ್ಯತೀರ್ಥೇಷು ಜಪ್ಯತೇ ಜಾಹ್ನವೀ ಜನೈಃ .

ವಿನಾ ವಿಷ್ಣುಪದೀಂ ಕ್ವಾನ್ಯತ್ ಸಮರ್ಥಮಘಮೋಚನೇ .. 9..

ಗಂಗಾಸ್ನಾನಫಲಂ ಬ್ರಹ್ಮನ್ ಗಂಗಾಯಾಮೇವ ಲಭ್ಯತೇ .

ಯಥಾ ದ್ರಾಕ್ಷಾಫಲಸ್ವಾದೋ ದ್ರಾಕ್ಷಾಯಾಮೇವ ನಾನ್ಯತಃ .. 10..

ಅಸ್ತ್ಯುಪಾಯ ಇಹ ತ್ವೇಕಃ ಸ್ಯಾದ್ ಯೇನಾವಿಕಲಂ ಫಲಂ .

ಸ್ನಾನಸ್ಯ ದೇವಸರಿತೋ ಮಹಾಗುಹ್ಯತಮೋ ಮುನೇ .. 11..

ಶಿವಭಕ್ತಾಯ ಶಾಂತಾಯ ವಿಷ್ಣುಭಕ್ತಿಪರಾಯ ಚ .

ಶ್ರದ್ಧಾಲವೇ ತ್ವಾಸ್ತಿಕಾಯ ಗರ್ಭವಾಸಮುಮುಕ್ಷವೇ .. 12..

ಕಥನೀಯಂ ನ ಚಾನ್ಯಸ್ಯ ಕಸ್ಯಚಿತ್ ಕೇನಚಿತ್ ಕ್ವಚಿತ್ .

ಇದಂ ರಹಸ್ಯಂ ಪರಮಂ ಮಹಾಪಾತಕನಾಶನಂ .. 13..

ಮಹಾಶ್ರೇಯಸ್ಕರಂ ಪುಣ್ಯಂ ಮನೋರಥಕರಂ ಪರಂ .

ದ್ಯುನದೀಪ್ರೀತಿಜನಕಂ ಶಿವಸಂತೋಷಸಂತತಿಃ .. 14..

ನಾಮ್ನಾಂ ಸಹಸ್ರಂ ಗಂಗಾಯಾಃ ಸ್ತವರಾಜೇಷು ಶೋಭನಂ .

ಜಪ್ಯಾನಾಂ ಪರಮಂ ಜಪ್ಯಂ ವೇದೋಪನಿಷದಾಂ ಸಮಂ .. 15..

ಜಪನೀಯಂ ಪ್ರಯತ್ನೇನ ಮೌನಿನಾ ವಾಚಕಂ ವಿನಾ .

ಶುಚಿಸ್ಥಾನೇಷು ಶುಚಿನಾ ಸುಸ್ಪಷ್ಟಾಕ್ಷರಮೇವ ಚ .. 16..

ಧ್ಯಾನಂ -

ಶೈಲೇಂದ್ರಾದವತಾರಿಣೀ ನಿಜಜಲೇ ಮಜ್ಜದ್ಜನೋತ್ತಾರಿಣೀ

ಪಾರಾವಾರವಿಹಾರಿಣೀ ಭವಭಯಶ್ರೇಣೀ ಸಮುತ್ಸಾರಿಣೀ .

ಶೇಷಾಹೇರನುಕಾರಿಣೀ ಹರಶಿರೋವಲ್ಲೀದಲಾಕಾರಿಣೀ

ಕಾಶೀಪ್ರಾಂತವಿಹಾರಿಣೀ ವಿಜಯತೇ ಗಂಗಾ ಮನೋಹಾರಿಣೀ ..

ಓಂ ನಮೋ ಗಂಗಾದೇವ್ಯೈ  ..

ಓಂಕಾರರೂಪಿಣ್ಯಜರಾಽತುಲಾಽನಂತಾಽಮೃತಸ್ರವಾ .

ಅತ್ಯುದಾರಾಽಭಯಾಽಶೋಕಾಽಲಕನಂದಾಽಮೃತಾಽಮಲಾ .. 17..

ಅನಾಥವತ್ಸಲಾಽಮೋಘಾಽಪಾಂಯೋನಿರಮೃತಪ್ರದಾ .

ಅವ್ಯಕ್ತಲಕ್ಷಣಾಽಕ್ಷೋಭ್ಯಾಽನವಚ್ಛಿನ್ನಾಽಪರಾಽಜಿತಾ .. 18..

ಅನಾಥನಾಥಾಽಭೀಷ್ಟಾರ್ಥಸಿದ್ಧಿದಾಽನಂಗವರ್ಧಿನೀ .

ಅಣಿಮಾದಿಗುಣಾಽಧಾರಾಽಗ್ರಗಣ್ಯಾಽಲೀಕಹಾರಿಣೀ .. 19..

ಅಚಿಂತ್ಯಶಕ್ತಿರನಘಾಽದ್ಭುತರೂಪಾಽಘಹಾರಿಣೀ .

ಅದ್ರಿರಾಜಸುತಾಽಷ್ಟಾಂಗಯೋಗಸಿದ್ಧಿಪ್ರದಾಽಚ್ಯುತಾ .. 20..

ಅಕ್ಷುಣ್ಣಶಕ್ತಿರಸುದಾಽನಂತತೀರ್ಥಾಽಮೃತೋದಕಾ .

ಅನಂತಮಹಿಮಾಽಪಾರಾಽನಂತಸೌಖ್ಯಪ್ರದಾಽನ್ನದಾ .. 21..

ಅಶೇಷದೇವತಾಮೂರ್ತಿರಘೋರಾಽಮೃತರೂಪಿಣೀ .

ಅವಿದ್ಯಾಜಾಲಶಮನೀ ಹ್ಯಪ್ರತರ್ಕ್ಯಗತಿಪ್ರದಾ .. 22..

ಅಶೇಷವಿಘ್ನಸಂಹರ್ತ್ರೀ ತ್ವಶೇಷಗುಣಗುಂಫಿತಾ .

ಅಜ್ಞಾನತಿಮಿರಜ್ಯೋತಿರನುಗ್ರಹಪರಾಯಣಾ .. 23..

ಅಭಿರಾಮಾಽನವದ್ಯಾಂಗ್ಯನಂತಸಾರಾಽಕಲಂಕಿನೀ .

ಆರೋಗ್ಯದಾಽಽನಂದವಲ್ಲೀ ತ್ವಾಪನ್ನಾರ್ತಿವಿನಾಶಿನೀ .. 24..

ಆಶ್ಚರ್ಯಮೂರ್ತಿರಾಯುಷ್ಯಾ ಹ್ಯಾಢ್ಯಾಽಽದ್ಯಾಽಽಪ್ರಾಽಽರ್ಯಸೇವಿತಾ .

ಆಪ್ಯಾಯಿನ್ಯಾಪ್ತವಿದ್ಯಾಖ್ಯಾ ತ್ವಾನಂದಾಽಽಶ್ವಾಸದಾಯಿನೀ .. 25..

ಆಲಸ್ಯಘ್ನ್ಯಾಪದಾಂ ಹಂತ್ರೀ ಹ್ಯಾನಂದಾಮೃತವರ್ಷಿಣೀ .

ಇರಾವತೀಷ್ಟದಾತ್ರೀಷ್ಟಾ ತ್ವಿಷ್ಟಾಪೂರ್ತಫಲಪ್ರದಾ .. 26..

ಇತಿಹಾಸಶ್ರುತೀಡ್ಯಾರ್ಥಾ ತ್ವಿಹಾಮುತ್ರಶುಭಪ್ರದಾ .

ಇಜ್ಯಾಶೀಲಸಮಿಜ್ಯೇಷ್ಠಾ ತ್ವಿಂದ್ರಾದಿಪರಿವಂದಿತಾ .. 27..

ಇಲಾಲಂಕಾರಮಾಲೇದ್ಧಾ ತ್ವಿಂದಿರಾರಮ್ಯಮಂದಿರಾ .

ಇದಿಂದಿರಾದಿಸಂಸೇವ್ಯಾ ತ್ವೀಶ್ವರೀಶ್ವರವಲ್ಲಭಾ .. 28..

ಈತಿಭೀತಿಹರೇಡ್ಯಾ ಚ ತ್ವೀಡನೀಯಚರಿತ್ರಭೃತ್ .

ಉತ್ಕೃಷ್ಟಶಕ್ತಿರುತ್ಕೃಷ್ಟೋಡುಪಮಂಡಲಚಾರಿಣೀ .. 29..

ಉದಿತಾಂಬರಮಾರ್ಗೋಸ್ರೋರಗಲೋಕವಿಹಾರಿಣೀ .

ಉಕ್ಷೋರ್ವರೋತ್ಪಲೋತ್ಕುಂಭಾ ಉಪೇಂದ್ರಚರಣದ್ರವಾ .. 30..

ಉದನ್ವತ್ಪೂರ್ತಿಹೇತುಶ್ಚೋದಾರೋತ್ಸಾಹಪ್ರವರ್ಧಿನೀ .

ಉದ್ವೇಗಘ್ನ್ಯುಷ್ಣಶಮನೀ ಹ್ಯುಷ್ಣರಶ್ಮಿಸುತಾಪ್ರಿಯಾ .. 31..

ಉತ್ಪತ್ತಿಸ್ಥಿತಿಸಂಹಾರಕಾರಿಣ್ಯುಪರಿಚಾರಿಣೀ .

ಊರ್ಜಂ ವಹಂತ್ಯೂರ್ಜಧರೋರ್ಜಾವತೀ ಚೋರ್ಮಿಮಾಲಿನೀ  .. 32..

ಊರ್ಧ್ವರೇತಃಪ್ರಿಯೋರ್ಧ್ವಾಧ್ವಾ ಹ್ಯೂರ್ಮಿಲೋರ್ಧ್ವಗತಿಪ್ರದಾ .

ಋಷಿವೃಂದಸ್ತುತರ್ದ್ಧಿಶ್ಚ ಋಣತ್ರಯವಿನಾಶಿನೀ .. 33..

ಋತಂಭರರ್ದ್ಧಿದಾತ್ರೀ ಚ ಋಕ್ಸ್ವರೂಪಾ ಋಜುಪ್ರಿಯಾ .

ಋಕ್ಷಮಾರ್ಗವಹರ್ಕ್ಷಾರ್ಚಿರೃಜುಮಾರ್ಗಪ್ರದರ್ಶಿನೀ .. 34..

ಏಧಿತಾಖಿಲಧರ್ಮಾರ್ಥಾ ತ್ವೇಕೈಕಾಮೃತದಾಯಿನೀ .

ಏಧನೀಯಸ್ವಭಾವೈಜ್ಯಾ ತ್ವೇಜಿತಾಶೇಷಪಾತಕಾ  .. 35..

ಐಶ್ವರ್ಯದೈಶ್ವರ್ಯರೂಪಾ ಹ್ಯೈತಿಹ್ಯಂ ಹ್ಯೈಂದವೀದ್ಯುತಿಃ .

ಓಜಸ್ವಿನ್ಯೋಷಧೀಕ್ಷೇತ್ರಮೋಜೋದೌದನದಾಯಿನೀ .. 36..

ಓಷ್ಠಾಮೃತೌನ್ನತ್ಯದಾತ್ರೀ ತ್ವೌಷಧಂ ಭವರೋಗಿಣಾಂ .

ಔದಾರ್ಯಚಂಚುರೌಪೇಂದ್ರೀ ತ್ವೌಗ್ರೀ ಹ್ಯೌಮೇಯರೂಪಿಣೀ .. 37..

ಅಂಬರಾಧ್ವವಹಾಂಬಷ್ಠಾಂಬರಮಾಲಾಂಬುಜೇಕ್ಷಣಾ .

ಅಂಬಿಕಾಂಬುಮಹಾಯೋನಿರಂಧೋದಾಂಧಕಹಾರಿಣೀ .. 38..

ಅಂಶುಮಾಲಾ ಹ್ಯಂಶುಮತೀ ತ್ವಂಗೀಕೃತಷಡಾನನಾ .

ಅಂಧತಾಮಿಸ್ರಹಂತ್ರ್ಯಂಧುರಂಜನಾ ಹ್ಯಂಜನಾವತೀ .. 39..

ಕಲ್ಯಾಣಕಾರಿಣೀ ಕಾಮ್ಯಾ ಕಮಲೋತ್ಪಲಗಂಧಿನೀ .

ಕುಮುದ್ವತೀ ಕಮಲಿನೀ ಕಾಂತಿಃ ಕಲ್ಪಿತದಾಯಿನೀ .. 40..

ಕಾಂಚನಾಕ್ಷೀ ಕಾಮಧೇನುಃ ಕೀರ್ತಿಕೃತ್ ಕ್ಲೇಶನಾಶಿನೀ .

ಕ್ರತುಶ್ರೇಷ್ಠಾ ಕ್ರತುಫಲಾ ಕರ್ಮಬಂಧವಿಭೇದಿನೀ  .. 41..

ಕಮಲಾಕ್ಷೀ ಕ್ಲಮಹರಾ ಕೃಶಾನುತಪನದ್ಯುತಿಃ .

ಕರುಣಾರ್ದ್ರಾ ಚ ಕಲ್ಯಾಣೀ ಕಲಿಕಲ್ಮಷನಾಶಿನೀ .. 42..

ಕಾಮರೂಪಾ ಕ್ರಿಯಾಶಕ್ತಿಃ ಕಮಲೋತ್ಪಲಮಾಲಿನೀ .

ಕೂಟಸ್ಥಾ ಕರುಣಾ ಕಾಂತಾ ಕೂರ್ಮಯಾನಾ ಕಲಾವತೀ .. 43..

ಕಮಲಾ ಕಲ್ಪಲತಿಕಾ ಕಾಲೀ ಕಲುಷವೈರಿಣೀ .

ಕಮನೀಯಜಲಾ ಕಮ್ರಾ ಕಪರ್ದಿಸುಕಪರ್ದಗಾ .. 44..

ಕಾಲಕೂಟಪ್ರಶಮನೀ ಕದಂಬಕುಸುಮಪ್ರಿಯಾ .

ಕಾಲಿಂದೀ ಕೇಲಿಲಲಿತಾ ಕಲಕಲ್ಲೋಲಮಾಲಿಕಾ .. 45..

ಕ್ರಾಂತಲೋಕತ್ರಯಾ ಕಂಡೂಃ  ಕಂಡೂತನಯವತ್ಸಲಾ .

ಖಡ್ಗಿನೀ ಖಡ್ಗಧಾರಾಭಾ ಖಗಾ ಖಂಡೇಂದುಧಾರಿಣೀ  .. 46..

ಖೇಖೇಲಗಾಮಿನೀ ಖಸ್ಥಾ ಖಂಡೇಂದುತಿಲಕಪ್ರಿಯಾ .

ಖೇಚರೀ ಖೇಚರೀವಂದ್ಯಾ ಖ್ಯಾತಿಃ ಖ್ಯಾತಿಪ್ರದಾಯಿನೀ .. 47..

ಖಂಡಿತಪ್ರಣತಾಘೌಘಾ ಖಲಬುದ್ಧಿವಿನಾಶಿನೀ .

ಖಾತೈನಃ ಕಂದಸಂದೋಹಾ ಖಡ್ಗಖಟ್ವಾಂಗ ಖೇಟಿನೀ .. 48..

ಖರಸಂತಾಪಶಮನೀ ಖನಿಃ ಪೀಯೂಷಪಾಥಸಾಂ .

ಗಂಗಾ ಗಂಧವತೀ ಗೌರೀ ಗಂಧರ್ವನಗರಪ್ರಿಯಾ .. 49..

ಗಂಭೀರಾಂಗೀ ಗುಣಮಯೀ ಗತಾತಂಕಾ ಗತಿಪ್ರಿಯಾ .

ಗಣನಾಥಾಂಬಿಕಾ ಗೀತಾ ಗದ್ಯಪದ್ಯಪರಿಷ್ಟುತಾ .. 50..

ಗಾಂಧಾರೀ ಗರ್ಭಶಮನೀ ಗತಿಭ್ರಷ್ಟಗತಿಪ್ರದಾ .

ಗೋಮತೀ ಗುಹ್ಯವಿದ್ಯಾ ಗೌರ್ಗೋಪ್ತ್ರೀ ಗಗನಗಾಮಿನೀ .. 51..

ಗೋತ್ರಪ್ರವರ್ಧಿನೀ ಗುಣ್ಯಾ ಗುಣಾತೀತಾ ಗುಣಾಗ್ರಣೀಃ .

ಗುಹಾಂಬಿಕಾ ಗಿರಿಸುತಾ ಗೋವಿಂದಾಂಘ್ರಿಸಮುದ್ಭವಾ .. 52..

ಗುಣನೀಯಚರಿತ್ರಾ ಚ ಗಾಯತ್ರೀ ಗಿರಿಶಪ್ರಿಯಾ .

ಗೂಢರೂಪಾ ಗುಣವತೀ ಗುರ್ವೀ ಗೌರವವರ್ಧಿನೀ .. 53..

ಗ್ರಹಪೀಡಾಹರಾ ಗುಂದ್ರಾ ಗರಘ್ನೀ ಗಾನವತ್ಸಲಾ .

ಘರ್ಮಹಂತ್ರೀ ಘೃತವತೀ ಘೃತತುಷ್ಟಿಪ್ರದಾಯಿನೀ .. 54..

ಘಂಟಾರವಪ್ರಿಯಾ ಘೋರಾಘೌಘವಿಧ್ವಂಸಕಾರಿಣೀ .

ಘ್ರಾಣತುಷ್ಟಿಕರೀ ಘೋಷಾ ಘನಾನಂದಾ ಘನಪ್ರಿಯಾ .. 55..

ಘಾತುಕಾ ಘೂರ್ಣಿತಜಲಾ ಘೃಷ್ಟಪಾತಕಸಂತತಿಃ .

ಘಟಕೋಟಿಪ್ರಪೀತಾಪಾ ಘಟಿತಾಶೇಷಮಂಗಲಾ .. 56..

ಘೃಣಾವತೀ ಘೃಣಿನಿಧಿರ್ಘಸ್ಮರಾ ಘೂಕನಾದಿನೀ .

ಘುಸೃಣಾಪಿಂಜರತನುರ್ಘರ್ಘರಾ ಘರ್ಘರಸ್ವನಾ .. 57..

ಚಂದ್ರಿಕಾ ಚಂದ್ರಕಾಂತಾಂಬುಶ್ಚಂಚದಾಪಾ ಚಲದ್ಯುತಿಃ .

ಚಿನ್ಮಯೀ ಚಿತಿರೂಪಾ ಚ ಚಂದ್ರಾಯುತಶತಾನನಾ .. 58..

ಚಾಂಪೇಯಲೋಚನಾ ಚಾರುಶ್ಚಾರ್ವಂಗೀ ಚಾರುಗಾಮಿನೀ .

ಚಾರ್ಯಾ ಚಾರಿತ್ರನಿಲಯಾ ಚಿತ್ರಕೃಚ್ಚಿತ್ರರೂಪಿಣೀ .. 59..

ಚಂಪೂಶ್ಚಂದನಶುಚ್ಯಂಬುಶ್ಚರ್ಚನೀಯಾ ಚಿರಸ್ಥಿರಾ .

ಚಾರುಚಂಪಕಮಾಲಾಢ್ಯಾ ಚಮಿತಾಶೇಷದುಷ್ಕೃತಾ .. 60..

ಚಿದಾಕಾಶವಹಾ ಚಿಂತ್ಯಾ ಚಂಚಚ್ಚಾಮರವೀಜಿತಾ .

ಚೋರಿತಾಶೇಷವೃಜಿನಾ ಚರಿತಾಶೇಷಮಂಡಲಾ .. 61..

ಛೇದಿತಾಖಿಲಪಾಪೌಘಾ ಛದ್ಮಘ್ನೀ ಛಲಹಾರಿಣೀ .

ಛನ್ನತ್ರಿವಿಷ್ಟಪತಲಾ ಛೋಟಿತಾಶೇಷಬಂಧನಾ .. 62..

ಛುರಿತಾಮೃತಧಾರೌಘಾ ಛಿನ್ನೈನಾಶ್ಛಂದಗಾಮಿನೀ .

ಛತ್ರೀಕೃತಮರಾಲೌಘಾ ಛಟೀಕೃತನಿಜಾಮೃತಾ .. 63..

ಜಾಹ್ನವೀ ಜ್ಯಾ ಜಗನ್ಮಾತಾ ಜಪ್ಯಾ ಜಂಘಾಲವೀಚಿಕಾ .

ಜಯಾ ಜನಾರ್ದನಪ್ರೀತಾ ಜುಷಣೀಯಾ ಜಗದ್ಧಿತಾ .. 64..

ಜೀವನಂ ಜೀವನಪ್ರಾಣಾ ಜಗಜ್ಜ್ಯೇಷ್ಠಾ ಜಗನ್ಮಯೀ .

ಜೀವಜೀವಾತುಲತಿಕಾ ಜನ್ಮಿಜನ್ಮನಿಬರ್ಹಿಣೀ .. 65..

ಜಾಡ್ಯವಿಧ್ವಂಸನಕರೀ ಜಗದ್ಯೋನಿರ್ಜಲಾವಿಲಾ .

ಜಗದಾನಂದಜನನೀ ಜಲಜಾ ಜಲಜೇಕ್ಷಣಾ .. 66..

ಜನಲೋಚನಪೀಯೂಷಾ ಜಟಾತಟವಿಹಾರಿಣೀ .

ಜಯಂತೀ ಜಂಜಪೂಕಘ್ನೀ ಜನಿತಜ್ಞಾನವಿಗ್ರಹಾ .. 67..

ಝಲ್ಲರೀವಾದ್ಯಕುಶಲಾ ಝಲಜ್ಝಾಲಜಲಾವೃತಾ .

ಝಿಂಟೀಶವಂದ್ಯಾ ಝಂಕಾರಕಾರಿಣೀ ಝರ್ಝರಾವತೀ .. 68..

ಟೀಕಿತಾಶೇಷಪಾತಾಲಾ ಟಂಕಿಕೈನೋಽದ್ರಿಪಾಟನೇ .

ಟಂಕಾರನೃತ್ಯತ್ಕಲ್ಲೋಲಾ ಟೀಕನೀಯಮಹಾತಟಾ .. 69..

ಡಂಬರಪ್ರವಹಾ ಡೀನರಾಜಹಂಸಕುಲಾಕುಲಾ .

ಡಮಡ್ಡಮರುಹಸ್ತಾ ಚ ಡಾಮರೋಕ್ತಮಹಾಂಡಕಾ .. 70..

ಢೌಕಿತಾಶೇಷನಿರ್ವಾಣಾ ಢಕ್ಕಾನಾದಚಲಜ್ಜಲಾ  .

ಢುಂಢಿವಿಘ್ನೇಶಜನನೀ ಢಣಡ್ಢುಣಿತಪಾತಕಾ .. 71..

ತರ್ಪಣೀ ತೀರ್ಥತೀರ್ಥಾ ಚ ತ್ರಿಪಥಾ ತ್ರಿದಶೇಶ್ವರೀ .

ತ್ರಿಲೋಕಗೋಪ್ತ್ರೀ ತೋಯೇಶೀ ತ್ರೈಲೋಕ್ಯಪರಿವಂದಿತಾ .. 72..

ತಾಪತ್ರಿತಯಸಂಹರ್ತ್ರೀ ತೇಜೋಬಲವಿವರ್ಧಿನೀ .

ತ್ರಿಲಕ್ಷ್ಯಾ ತಾರಣೀ ತಾರಾ ತಾರಾಪತಿಕರಾರ್ಚಿತಾ .. 73..

ತ್ರೈಲೋಕ್ಯಪಾವನೀ ಪುಣ್ಯಾ ತುಷ್ಟಿದಾ ತುಷ್ಟಿರೂಪಿಣೀ .

ತೃಷ್ಣಾಚ್ಛೇತ್ರೀ ತೀರ್ಥಮಾತಾ ತ್ರಿವಿಕ್ರಮಪದೋದ್ಭವಾ .. 74..

ತಪೋಮಯೀ ತಪೋರೂಪಾ ತಪಃಸ್ತೋಮಫಲಪ್ರದಾ .  var  ಪದಪ್ರದಾ

ತ್ರೈಲೋಕ್ಯವ್ಯಾಪಿನೀ ತೃಪ್ತಿಸ್ತೃಪ್ತಿಕೃತ್ತತ್ತ್ವರೂಪಿಣೀ .. 75..

ತ್ರೈಲೋಕ್ಯಸುಂದರೀ ತುರ್ಯಾ ತುರ್ಯಾತೀತಫಲಪ್ರದಾ .

ತ್ರೈಲೋಕ್ಯಲಕ್ಷ್ಮೀಸ್ತ್ರಿಪದೀ ತಥ್ಯಾ ತಿಮಿರಚಂದ್ರಿಕಾ .. 76..

ತೇಜೋಗರ್ಭಾ ತಪಸ್ಸಾರಾ ತ್ರಿಪುರಾರಿಶಿರೋಗೃಹಾ .

ತ್ರಯೀಸ್ವರೂಪಿಣೀ ತನ್ವೀ ತಪನಾಂಗಜಭೀತಿನುತ್ .. 77..

ತರಿಸ್ತರಣಿಜಾಮಿತ್ರಂ ತರ್ಪಿತಾಶೇಷಪೂರ್ವಜಾ .

ತುಲಾವಿರಹಿತಾ ತೀವ್ರಪಾಪತೂಲತನೂನಪಾತ್ .. 78..

ದಾರಿದ್ರ್ಯದಮನೀ ದಕ್ಷಾ ದುಷ್ಪ್ರೇಕ್ಷಾ ದಿವ್ಯಮಂಡನಾ .

ದೀಕ್ಷಾವತೀ ದುರಾವಾಪ್ಯಾ ದ್ರಾಕ್ಷಾಮಧುರವಾರಿಭೃತ್ .. 79..

ದರ್ಶಿತಾನೇಕಕುತುಕಾ ದುಷ್ಟದುರ್ಜಯದುಃಖಹೃತ್ .

ದೈನ್ಯಹೃದ್ದುರಿತಘ್ನೀ ಚ ದಾನವಾರಿಪದಾಬ್ಜಜಾ .. 80..

ದಂದಶೂಕವಿಷಘ್ನೀ ಚ ದಾರಿತಾಘೌಘಸಂತತಿಃ .

ದ್ರುತಾ ದೇವದ್ರುಮಚ್ಛನ್ನಾ ದುರ್ವಾರಾಘವಿಘಾತಿನೀ .. 81..

ದಮಗ್ರಾಹ್ಯಾ ದೇವಮಾತಾ ದೇವಲೋಕಪ್ರದರ್ಶಿನೀ .

ದೇವದೇವಪ್ರಿಯಾ ದೇವೀ ದಿಕ್ಪಾಲಪದದಾಯಿನೀ .. 82..

ದೀರ್ಘಾಯುಃ ಕಾರಿಣೀ ದೀರ್ಘಾ ದೋಗ್ಧ್ರೀ ದೂಷಣವರ್ಜಿತಾ .

ದುಗ್ಧಾಂಬುವಾಹಿನೀ ದೋಹ್ಯಾ ದಿವ್ಯಾ ದಿವ್ಯಗತಿಪ್ರದಾ .. 83..

ದ್ಯುನದೀ ದೀನಶರಣಂ ದೇಹಿದೇಹನಿವಾರಿಣೀ .

ದ್ರಾಘೀಯಸೀ ದಾಘಹಂತ್ರೀ ದಿತಪಾತಕಸಂತತಿಃ .. 84..

ದೂರದೇಶಾಂತರಚರೀ ದುರ್ಗಮಾ ದೇವವಲ್ಲಭಾ .

ದುರ್ವೃತ್ತಘ್ನೀ ದುರ್ವಿಗಾಹ್ಯಾ ದಯಾಧಾರಾ ದಯಾವತೀ .. 85..

ದುರಾಸದಾ ದಾನಶೀಲಾ ದ್ರಾವಿಣೀ ದ್ರುಹಿಣಸ್ತುತಾ .

ದೈತ್ಯದಾನವಸಂಶುದ್ಧಿಕರ್ತ್ರೀ ದುರ್ಬುದ್ಧಿಹಾರಿಣೀ .. 86..

ದಾನಸಾರಾ ದಯಾಸಾರಾ ದ್ಯಾವಾಭೂಮಿವಿಗಾಹಿನೀ .

ದೃಷ್ಟಾದೃಷ್ಟಫಲಪ್ರಾಪ್ತಿರ್ದೇವತಾವೃಂದವಂದಿತಾ .. 87..

ದೀರ್ಘವ್ರತಾ ದೀರ್ಘದೃಷ್ಟಿರ್ದೀಪ್ತತೋಯಾ ದುರಾಲಭಾ .

ದಂಡಯಿತ್ರೀ ದಂಡನೀತಿರ್ದುಷ್ಟದಂಡಧರಾರ್ಚಿತಾ .. 88..

ದುರೋದರಘ್ನೀ ದಾವಾರ್ಚಿರ್ದ್ರವದ್ದ್ರವ್ಯೈಕಶೇವಧಿಃ .

ದೀನಸಂತಾಪಶಮನೀ ದಾತ್ರೀ ದವಥುವೈರಿಣೀ .. 89..

ದರೀವಿದಾರಣಪರಾ ದಾಂತಾ ದಾಂತಜನಪ್ರಿಯಾ .

ದಾರಿತಾದ್ರಿತಟಾ ದುರ್ಗಾ ದುರ್ಗಾರಣ್ಯಪ್ರಚಾರಿಣೀ .. 90..

ಧರ್ಮದ್ರವಾ ಧರ್ಮಧುರಾ ಧೇನುರ್ಧೀರಾ ಧೃತಿರ್ಧ್ರುವಾ .

ಧೇನುದಾನಫಲಸ್ಪರ್ಶಾ ಧರ್ಮಕಾಮಾರ್ಥಮೋಕ್ಷದಾ .. 91..

ಧರ್ಮೋರ್ಮಿವಾಹಿನೀ ಧುರ್ಯಾ ಧಾತ್ರೀ ಧಾತ್ರೀವಿಭೂಷಣಂ .

ಧರ್ಮಿಣೀ ಧರ್ಮಶೀಲಾ ಚ ಧನ್ವಿಕೋಟಿಕೃತಾವನಾ .. 92..

ಧ್ಯಾತೃಪಾಪಹರಾ ಧ್ಯೇಯಾ ಧಾವನೀ ಧೂತಕಲ್ಮಷಾ .

ಧರ್ಮಧಾರಾ ಧರ್ಮಸಾರಾ ಧನದಾ ಧನವರ್ಧಿನೀ .. 93..

ಧರ್ಮಾಧರ್ಮಗುಣಚ್ಛೇತ್ರೀ ಧತ್ತೂರಕುಸುಮಪ್ರಿಯಾ .

ಧರ್ಮೇಶೀ ಧರ್ಮಶಾಸ್ತ್ರಜ್ಞಾ ಧನಧಾನ್ಯಸಮೃದ್ಧಿಕೃತ್ .. 94..

ಧರ್ಮಲಭ್ಯಾ ಧರ್ಮಜಲಾ ಧರ್ಮಪ್ರಸವಧರ್ಮಿಣೀ .

ಧ್ಯಾನಗಮ್ಯಸ್ವರೂಪಾ ಚ ಧರಣೀ ಧಾತೃಪೂಜಿತಾ .. 95..

ಧೂರ್ಧೂರ್ಜಟಿಜಟಾಸಂಸ್ಥಾ ಧನ್ಯಾ ಧೀರ್ಧಾರಣಾವತೀ .

ನಂದಾ ನಿರ್ವಾಣಜನನೀ ನಂದಿನೀ ನುನ್ನಪಾತಕಾ .. 96..

ನಿಷಿದ್ಧವಿಘ್ನನಿಚಯಾ ನಿಜಾನಂದಪ್ರಕಾಶಿನೀ .

ನಭೋಽಙ್ಗಣಚರೀ ನೂತಿರ್ನಮ್ಯಾ ನಾರಾಯಣೀ ನುತಾ .. 97..

ನಿರ್ಮಲಾ ನಿರ್ಮಲಾಖ್ಯಾನಾ ನಾಶಿನೀ ತಾಪಸಂಪದಾಂ .

ನಿಯತಾ ನಿತ್ಯಸುಖದಾ ನಾನಾಶ್ಚರ್ಯಮಹಾನಿಧಿಃ .. 98..

ನದೀ ನದಸರೋಮಾತಾ ನಾಯಿಕಾ ನಾಕದೀರ್ಘಿಕಾ .

ನಷ್ಟೋದ್ಧರಣಧೀರಾ ಚ ನಂದನಾ ನಂದದಾಯಿನೀ .. 99..

ನಿರ್ಣಿಕ್ತಾಶೇಷಭುವನಾ ನಿಃಸಂಗಾ ನಿರುಪದ್ರವಾ .

ನಿರಾಲಂಬಾ ನಿಷ್ಪ್ರಪಂಚಾ ನಿರ್ಣಾಶಿತಮಹಾಮಲಾ .. 100..

ನಿರ್ಮಲಜ್ಞಾನಜನನೀ ನಿಃಶೇಷಪ್ರಾಣಿತಾಪಹೃತ್ .

ನಿತ್ಯೋತ್ಸವಾ ನಿತ್ಯತೃಪ್ತಾ ನಮಸ್ಕಾರ್ಯಾ ನಿರಂಜನಾ .. 101..

ನಿಷ್ಠಾವತೀ ನಿರಾತಂಕಾ ನಿರ್ಲೇಪಾ ನಿಶ್ಚಲಾತ್ಮಿಕಾ .

ನಿರವದ್ಯಾ ನಿರೀಹಾ ಚ ನೀಲಲೋಹಿತಮೂರ್ಧಗಾ .. 102..

ನಂದಿಭೃಂಗಿಗಣಸ್ತುತ್ಯಾ ನಾಗಾ ನಂದಾ ನಗಾತ್ಮಜಾ .

ನಿಷ್ಪ್ರತ್ಯೂಹಾ ನಾಕನದೀ ನಿರಯಾರ್ಣವದೀರ್ಘನೌಃ .. 103..

ಪುಣ್ಯಪ್ರದಾ ಪುಣ್ಯಗರ್ಭಾ ಪುಣ್ಯಾ ಪುಣ್ಯತರಂಗಿಣೀ .

ಪೃಥುಃ ಪೃಥುಫಲಾ ಪೂರ್ಣಾ ಪ್ರಣತಾರ್ತಿಪ್ರಭಂಜನೀ .. 104..

ಪ್ರಾಣದಾ ಪ್ರಾಣಿಜನನೀ ಪ್ರಾಣೇಶೀ ಪ್ರಾಣರೂಪಿಣೀ .

ಪದ್ಮಾಲಯಾ ಪರಾಶಕ್ತಿಃ ಪುರಜಿತ್ಪರಮಪ್ರಿಯಾ .. 105..

ಪರಾ ಪರಫಲಪ್ರಾಪ್ತಿಃ ಪಾವನೀ ಚ ಪಯಸ್ವಿನೀ .

ಪರಾನಂದಾ ಪ್ರಕೃಷ್ಟಾರ್ಥಾ ಪ್ರತಿಷ್ಠಾ ಪಾಲಿನೀ ಪರಾ .. 106..  var  ಪಾಲನೀ

ಪುರಾಣಪಠಿತಾ ಪ್ರೀತಾ ಪ್ರಣವಾಕ್ಷರರೂಪಿಣೀ .

ಪಾರ್ವತೀ ಪ್ರೇಮಸಂಪನ್ನಾ ಪಶುಪಾಶವಿಮೋಚನೀ .. 107..

ಪರಮಾತ್ಮಸ್ವರೂಪಾ ಚ ಪರಬ್ರಹ್ಮಪ್ರಕಾಶಿನೀ .

ಪರಮಾನಂದನಿಷ್ಯಂದಾ ಪ್ರಾಯಶ್ಚಿತ್ತಸ್ವರೂಪಿಣೀ .. 108..  var  ನಿಷ್ಪಂದಾ

ಪಾನೀಯರೂಪನಿರ್ವಾಣಾ ಪರಿತ್ರಾಣಪರಾಯಣಾ .

ಪಾಪೇಂಧನದವಜ್ವಾಲಾ ಪಾಪಾರಿಃ ಪಾಪನಾಮನುತ್ .. 109..

ಪರಮೈಶ್ವರ್ಯಜನನೀ ಪ್ರಜ್ಞಾ ಪ್ರಾಜ್ಞಾ ಪರಾಪರಾ .

ಪ್ರತ್ಯಕ್ಷಲಕ್ಷ್ಮೀಃ ಪದ್ಮಾಕ್ಷೀ ಪರವ್ಯೋಮಾಮೃತಸ್ರವಾ .. 110..

ಪ್ರಸನ್ನರೂಪಾ ಪ್ರಣಿಧಿಃ ಪೂತಾ ಪ್ರತ್ಯಕ್ಷದೇವತಾ .

ಪಿನಾಕಿಪರಮಪ್ರೀತಾ ಪರಮೇಷ್ಠಿಕಮಂಡಲುಃ .. 111..

ಪದ್ಮನಾಭಪದಾರ್ಘ್ಯೇಣ ಪ್ರಸೂತಾ ಪದ್ಮಮಾಲಿನೀ .

ಪರರ್ದ್ಧಿದಾ ಪುಷ್ಟಿಕರೀ ಪಥ್ಯಾ ಪೂರ್ತಿಃ ಪ್ರಭಾವತೀ .. 112..

ಪುನಾನಾ ಪೀತಗರ್ಭಘ್ನೀ ಪಾಪಪರ್ವತನಾಶಿನೀ .

ಫಲಿನೀ ಫಲಹಸ್ತಾ ಚ ಫುಲ್ಲಾಂಬುಜವಿಲೋಚನಾ .. 113..

ಫಾಲಿತೈನೋಮಹಾಕ್ಷೇತ್ರಾ ಫಣಿಲೋಕವಿಭೂಷಣಂ .

ಫೇನಚ್ಛಲಪ್ರಣುನ್ನೈನಾಃ ಫುಲ್ಲಕೈರವಗಂಧಿನೀ .. 114..

ಫೇನಿಲಾಚ್ಛಾಂಬುಧಾರಾಭಾ ಫಡುಚ್ಚಾಟಿತಪಾತಕಾ .

ಫಾಣಿತಸ್ವಾದುಸಲಿಲಾ ಫಾಂಟಪಥ್ಯಜಲಾವಿಲಾ .. 115..

ವಿಶ್ವಮಾತಾ ಚ ವಿಶ್ವೇಶೀ ವಿಶ್ವಾ ವಿಶ್ವೇಶ್ವರಪ್ರಿಯಾ .

ಬ್ರಹ್ಮಣ್ಯಾ ಬ್ರಹ್ಮಕೃದ್ ಬ್ರಾಹ್ಮೀ ಬ್ರಹ್ಮಿಷ್ಠಾ ವಿಮಲೋದಕಾ .. 116..

ವಿಭಾವರೀ ಚ ವಿರಜಾ ವಿಕ್ರಾಂತಾನೇಕವಿಷ್ಟಪಾ .

ವಿಶ್ವಮಿತ್ರಂ ವಿಷ್ಣುಪದೀ ವೈಷ್ಣವೀ ವೈಷ್ಣವಪ್ರಿಯಾ .. 117..

ವಿರೂಪಾಕ್ಷಪ್ರಿಯಕರೀ ವಿಭೂತಿರ್ವಿಶ್ವತೋಮುಖೀ .

ವಿಪಾಶಾ ವೈಬುಧೀ ವೇದ್ಯಾ ವೇದಾಕ್ಷರರಸಸ್ರವಾ .. 118..

ವಿದ್ಯಾ ವೇಗವತೀ ವಂದ್ಯಾ ಬೃಂಹಣೀ ಬ್ರಹ್ಮವಾದಿನೀ .

ವರದಾ ವಿಪ್ರಕೃಷ್ಟಾ ಚ ವರಿಷ್ಠಾ ಚ ವಿಶೋಧನೀ .. 119..

ವಿದ್ಯಾಧರೀ ವಿಶೋಕಾ ಚ ವಯೋವೃಂದನಿಷೇವಿತಾ .

ಬಹೂದಕಾ ಬಲವತೀ ವ್ಯೋಮಸ್ಥಾ ವಿಬುಧಪ್ರಿಯಾ .. 120..

ವಾಣೀ ವೇದವತೀ ವಿತ್ತಾ ಬ್ರಹ್ಮವಿದ್ಯಾತರಂಗಿಣೀ .

ಬ್ರಹ್ಮಾಂಡಕೋಟಿವ್ಯಾಪ್ತಾಂಬುರ್ಬ್ರಹ್ಮಹತ್ಯಾಪಹಾರಿಣೀ .. 121..

ಬ್ರಹ್ಮೇಶವಿಷ್ಣುರೂಪಾ ಚ ಬುದ್ಧಿರ್ವಿಭವವರ್ಧಿನೀ .

ವಿಲಾಸಿಸುಖದಾ ವಶ್ಯಾ ವ್ಯಾಪಿನೀ ಚ ವೃಷಾರಣಿಃ .. 122..

ವೃಷಾಂಕಮೌಲಿನಿಲಯಾ ವಿಪನ್ನಾರ್ತಿಪ್ರಭಂಜನೀ .

ವಿನೀತಾ ವಿನತಾ ಬ್ರಧ್ನತನಯಾ ವಿನಯಾನ್ವಿತಾ .. 123..

ವಿಪಂಚೀ ವಾದ್ಯಕುಶಲಾ ವೇಣುಶ್ರುತಿವಿಚಕ್ಷಣಾ .

ವರ್ಚಸ್ಕರೀ ಬಲಕರೀ ಬಲೋನ್ಮೂಲಿತಕಲ್ಮಷಾ .. 124..

ವಿಪಾಪ್ಮಾ ವಿಗತಾತಂಕಾ ವಿಕಲ್ಪಪರಿವರ್ಜಿತಾ .

ವೃಷ್ಟಿಕರ್ತ್ರೀ ವೃಷ್ಟಿಜಲಾ ವಿಧಿರ್ವಿಚ್ಛಿನ್ನಬಂಧನಾ .. 125..

ವ್ರತರೂಪಾ ವಿತ್ತರೂಪಾ ಬಹುವಿಘ್ನವಿನಾಶಕೃತ್ .

ವಸುಧಾರಾ ವಸುಮತೀ ವಿಚಿತ್ರಾಂಗೀ ವಿಭಾವಸುಃ .. 126..

ವಿಜಯಾ ವಿಶ್ವಬೀಜಂ ಚ ವಾಮದೇವೀ ವರಪ್ರದಾ .

ವೃಷಾಶ್ರಿತಾ ವಿಷಘ್ನೀ ಚ ವಿಜ್ಞಾನೋರ್ಮ್ಯಂಶುಮಾಲಿನೀ .. 127..

ಭವ್ಯಾ ಭೋಗವತೀ ಭದ್ರಾ ಭವಾನೀ ಭೂತಭಾವಿನೀ .

ಭೂತಧಾತ್ರೀ ಭಯಹರಾ ಭಕ್ತದಾರಿದ್ರ್ಯಘಾತಿನೀ .. 128..

ಭುಕ್ತಿಮುಕ್ತಿಪ್ರದಾ ಭೇಶೀ ಭಕ್ತಸ್ವರ್ಗಾಪವರ್ಗದಾ .

ಭಾಗೀರಥೀ ಭಾನುಮತೀ ಭಾಗ್ಯಂ ಭೋಗವತೀ ಭೃತಿಃ .. 129..

ಭವಪ್ರಿಯಾ ಭವದ್ವೇಷ್ಟ್ರೀ ಭೂತಿದಾ ಭೂತಿಭೂಷಣಾ .

ಭಾಲಲೋಚನಭಾವಜ್ಞಾ ಭೂತಭವ್ಯಭವತ್ಪ್ರಭುಃ .. 130..

ಭ್ರಾಂತಿಜ್ಞಾನಪ್ರಶಮನೀ ಭಿನ್ನಬ್ರಹ್ಮಾಂಡಮಂಡಪಾ .

ಭೂರಿದಾ ಭಕ್ತಸುಲಭಾ ಭಾಗ್ಯವದ್ದೃಷ್ಟಿಗೋಚರೀ .. 131..

ಭಂಜಿತೋಪಪ್ಲವಕುಲಾ ಭಕ್ಷ್ಯಭೋಜ್ಯಸುಖಪ್ರದಾ .

ಭಿಕ್ಷಣೀಯಾ ಭಿಕ್ಷುಮಾತಾ ಭಾವಾ ಭಾವಸ್ವರೂಪಿಣೀ .. 132..

ಮಂದಾಕಿನೀ ಮಹಾನಂದಾ ಮಾತಾ ಮುಕ್ತಿತರಂಗಿಣೀ .

ಮಹೋದಯಾ ಮಧುಮತೀ ಮಹಾಪುಣ್ಯಾ ಮುದಾಕರೀ .. 133..

ಮುನಿಸ್ತುತಾ ಮೋಹಹಂತ್ರೀ ಮಹಾತೀರ್ಥಾ ಮಧುಸ್ರವಾ .

ಮಾಧವೀ ಮಾನಿನೀ ಮಾನ್ಯಾ ಮನೋರಥಪಥಾತಿಗಾ .. 134..

ಮೋಕ್ಷದಾ ಮತಿದಾ ಮುಖ್ಯಾ ಮಹಾಭಾಗ್ಯಜನಾಶ್ರಿತಾ .

ಮಹಾವೇಗವತೀ ಮೇಧ್ಯಾ ಮಹಾ ಮಹಿಮಭೂಷಣಾ .. 135..

ಮಹಾಪ್ರಭಾವಾ ಮಹತೀ ಮೀನಚಂಚಲಲೋಚನಾ .

ಮಹಾಕಾರುಣ್ಯಸಂಪೂರ್ಣಾ ಮಹರ್ದ್ಧಿಶ್ಚ ಮಹೋತ್ಪಲಾ .. 136..

ಮೂರ್ತಿಮನ್ಮುಕ್ತಿರಮಣೀ ಮಣಿಮಾಣಿಕ್ಯಭೂಷಣಾ .

ಮುಕ್ತಾಕಲಾಪನೇಪಥ್ಯಾ ಮನೋನಯನನಂದಿನೀ .. 137..

ಮಹಾಪಾತಕರಾಶಿಘ್ನೀ ಮಹಾದೇವಾರ್ಧಹಾರಿಣೀ .

ಮಹೋರ್ಮಿಮಾಲಿನೀ ಮುಕ್ತಾ ಮಹಾದೇವೀ ಮನೋನ್ಮನೀ .. 138..

ಮಹಾಪುಣ್ಯೋದಯಪ್ರಾಪ್ಯಾ ಮಾಯಾತಿಮಿರಚಂದ್ರಿಕಾ .

ಮಹಾವಿದ್ಯಾ ಮಹಾಮಾಯಾ ಮಹಾಮೇಧಾ ಮಹೌಷಧಂ .. 139..

ಮಾಲಾಧರೀ ಮಹೋಪಾಯಾ ಮಹೋರಗವಿಭೂಷಣಾ .

ಮಹಾಮೋಹಪ್ರಶಮನೀ ಮಹಾಮಂಗಲಮಂಗಲಂ .. 140..

ಮಾರ್ತಂಡಮಂಡಲಚರೀ ಮಹಾಲಕ್ಷ್ಮೀರ್ಮದೋಜ್ಝಿತಾ .

ಯಶಸ್ವಿನೀ ಯಶೋದಾ ಚ ಯೋಗ್ಯಾ ಯುಕ್ತಾತ್ಮಸೇವಿತಾ .. 141..

ಯೋಗಸಿದ್ಧಿಪ್ರದಾ ಯಾಜ್ಯಾ ಯಜ್ಞೇಶಪರಿಪೂರಿತಾ .

ಯಜ್ಞೇಶೀ ಯಜ್ಞಫಲದಾ ಯಜನೀಯಾ ಯಶಸ್ಕರೀ .. 142..

ಯಮಿಸೇವ್ಯಾ ಯೋಗಯೋನಿರ್ಯೋಗಿನೀ ಯುಕ್ತಬುದ್ಧಿದಾ .

ಯೋಗಜ್ಞಾನಪ್ರದಾ ಯುಕ್ತಾ ಯಮಾದ್ಯಷ್ಟಾಂಗಯೋಗಯುಕ್ .. 143..

ಯಂತ್ರಿತಾಘೌಘಸಂಚಾರಾ ಯಮಲೋಕನಿವಾರಿಣೀ .

ಯಾತಾಯಾತಪ್ರಶಮನೀ ಯಾತನಾನಾಮಕೃಂತನೀ .. 144..

ಯಾಮಿನೀಶಹಿಮಾಚ್ಛೋದಾ ಯುಗಧರ್ಮವಿವರ್ಜಿತಾ .

ರೇವತೀ ರತಿಕೃದ್ ರಮ್ಯಾ ರತ್ನಗರ್ಭಾ ರಮಾ ರತಿಃ .. 145..

ರತ್ನಾಕರಪ್ರೇಮಪಾತ್ರಂ ರಸಜ್ಞಾ ರಸರೂಪಿಣೀ .

ರತ್ನಪ್ರಾಸಾದಗರ್ಭಾ ಚ ರಮಣೀಯತರಂಗಿಣೀ .. 146..

ರತ್ನಾರ್ಚೀ ರುದ್ರರಮಣೀ ರಾಗದ್ವೇಷವಿನಾಶಿನೀ .

ರಮಾ ರಾಮಾ ರಮ್ಯರೂಪಾ ರೋಗಿಜೀವಾನುರೂಪಿಣೀ .. 147..

ರುಚಿಕೃದ್ ರೋಚನೀ ರಮ್ಯಾ ರುಚಿರಾ ರೋಗಹಾರಿಣೀ .

ರಾಜಹಂಸಾ ರತ್ನವತೀ ರಾಜತ್ಕಲ್ಲೋಲರಾಜಿಕಾ .. 148..

ರಾಮಣೀಯಕರೇಖಾ ಚ ರುಜಾರೀ ರೋಗರೋಷಿಣೀ .  var  ರೋಗಶೋಷಿಣೀ

ರಾಕಾ ರಂಕಾರ್ತಿಶಮನೀ ರಮ್ಯಾ ರೋಲಂಬರಾವಿಣೀ .. 149..

ರಾಗಿಣೀ ರಂಜಿತಶಿವಾ ರೂಪಲಾವಣ್ಯಶೇವಧಿಃ .

ಲೋಕಪ್ರಸೂರ್ಲೋಕವಂದ್ಯಾ ಲೋಲತ್ಕಲ್ಲೋಲಮಾಲಿನೀ .. 150..

ಲೀಲಾವತೀ ಲೋಕಭೂಮಿರ್ಲೋಕಲೋಚನಚಂದ್ರಿಕಾ .

ಲೇಖಸ್ರವಂತೀ ಲಟಭಾ ಲಘುವೇಗಾ ಲಘುತ್ವಹೃತ್ .. 151..

ಲಾಸ್ಯತ್ತರಂಗಹಸ್ತಾ ಚ ಲಲಿತಾ ಲಯಭಂಗಿಗಾ .

ಲೋಕಬಂಧುರ್ಲೋಕಧಾತ್ರೀ ಲೋಕೋತ್ತರಗುಣೋರ್ಜಿತಾ .. 152..

ಲೋಕತ್ರಯಹಿತಾ ಲೋಕಾ ಲಕ್ಷ್ಮೀರ್ಲಕ್ಷಣಲಕ್ಷಿತಾ .

ಲೀಲಾ ಲಕ್ಷಿತನಿರ್ವಾಣಾ ಲಾವಣ್ಯಾಮೃತವರ್ಷಿಣೀ .. 153..

ವೈಶ್ವಾನರೀ ವಾಸವೇಡ್ಯಾ ವಂಧ್ಯತ್ವಪರಿಹಾರಿಣೀ .

ವಾಸುದೇವಾಂಘ್ರಿರೇಣುಘ್ನೀ ವಜ್ರಿವಜ್ರನಿವಾರಿಣೀ .. 154..

ಶುಭಾವತೀ ಶುಭಫಲಾ ಶಾಂತಿಃ ಶಂತನುವಲ್ಲಭಾ .  var  ಶಾಂತನು

ಶೂಲಿನೀ ಶೈಶವವಯಾಃ ಶೀತಲಾಮೃತವಾಹಿನೀ .. 155..

ಶೋಭಾವತೀ ಶೀಲವತೀ ಶೋಷಿತಾಶೇಷಕಿಲ್ಬಿಷಾ .

ಶರಣ್ಯಾ ಶಿವದಾ ಶಿಷ್ಟಾ ಶರಜನ್ಮಪ್ರಸೂಃಶಿವಾ .. 156..

ಶಕ್ತಿಃ ಶಶಾಂಕವಿಮಲಾ ಶಮನಸ್ವಸೃಸಮ್ಮತಾ .

ಶಮಾ ಶಮನಮಾರ್ಗಘ್ನೀ ಶಿತಿಕಂಠಮಹಾಪ್ರಿಯಾ .. 157..

ಶುಚಿಃ ಶುಚಿಕರೀ ಶೇಷಾ ಶೇಷಶಾಯಿಪದೋದ್ಭವಾ .

ಶ್ರೀನಿವಾಸಶ್ರುತಿಃ ಶ್ರದ್ಧಾ ಶ್ರೀಮತೀ ಶ್ರೀಃ ಶುಭವ್ರತಾ .. 158..

ಶುದ್ಧವಿದ್ಯಾ ಶುಭಾವರ್ತಾ ಶ್ರುತಾನಂದಾ ಶ್ರುತಿಸ್ತುತಿಃ .

ಶಿವೇತರಘ್ನೀ ಶಬರೀ ಶಾಂಬರೀರೂಪಧಾರಿಣೀ .. 159..

ಶ್ಮಶಾನಶೋಧನೀ ಶಾಂತಾ ಶಶ್ವಚ್ಛತಧೃತಿಸ್ತುತಾ .

ಶಾಲಿನೀ ಶಾಲಿಶೋಭಾಢ್ಯಾ ಶಿಖಿವಾಹನಗರ್ಭಭೃತ್ .. 160..

ಶಂಸನೀಯಚರಿತ್ರಾ ಚ ಶಾತಿತಾಶೇಷಪಾತಕಾ .

ಷಡ್ಗುಣೈಶ್ವರ್ಯಸಂಪನ್ನಾ ಷಡಂಗಶ್ರುತಿರೂಪಿಣೀ .. 161..

ಷಂಢತಾಹಾರಿಸಲಿಲಾ ಸ್ತ್ಯಾಯನ್ನದನದೀಶತಾ .

ಸರಿದ್ವಾರಾ ಚ ಸುರಸಾ ಸುಪ್ರಭಾ ಸುರದೀರ್ಘಿಕಾ .. 162..

ಸ್ವಃ ಸಿಂಧುಃ ಸರ್ವದುಃಖಘ್ನೀ ಸರ್ವವ್ಯಾಧಿಮಹೌಷಧಂ .

ಸೇವ್ಯಾ ಸಿದ್ಧಿಃ ಸತೀ ಸೂಕ್ತಿಃ ಸ್ಕಂದಸೂಶ್ಚ ಸರಸ್ವತೀ .. 163..

ಸಂಪತ್ತರಂಗಿಣೀ ಸ್ತುತ್ಯಾ ಸ್ಥಾಣುಮೌಲಿಕೃತಾಲಯಾ .

ಸ್ಥೈರ್ಯದಾ ಸುಭಗಾ ಸೌಖ್ಯಾ ಸ್ತ್ರೀಷು ಸೌಭಾಗ್ಯದಾಯಿನೀ .. 164..

ಸ್ವರ್ಗನಿಃಶ್ರೇಣಿಕಾ ಸೂಮಾ ಸ್ವಧಾ ಸ್ವಾಹಾ ಸುಧಾಜಲಾ .  var  ಸೂಕ್ಷ್ಮಾ

ಸಮುದ್ರರೂಪಿಣೀ ಸ್ವರ್ಗ್ಯಾ ಸರ್ವಪಾತಕವೈರಿಣೀ .. 165..

ಸ್ಮೃತಾಘಹಾರಿಣೀ ಸೀತಾ ಸಂಸಾರಾಬ್ಧಿತರಂಡಿಕಾ .

ಸೌಭಾಗ್ಯಸುಂದರೀ ಸಂಧ್ಯಾ ಸರ್ವಸಾರಸಮನ್ವಿತಾ .. 166..

ಹರಪ್ರಿಯಾ ಹೃಷೀಕೇಶೀ ಹಂಸರೂಪಾ ಹಿರಣ್ಮಯೀ .

ಹೃತಾಘಸಂಘಾ ಹಿತಕೃದ್ಧೇಲಾ ಹೇಲಾಘಗರ್ವಹೃತ್ .. 167..

ಕ್ಷೇಮದಾ ಕ್ಷಾಲಿತಾಘೌಘಾ ಕ್ಷುದ್ರವಿದ್ರಾವಿಣೀ ಕ್ಷಮಾ .

ಗಂಗೇತಿ ನಾಮಸಾಹಸ್ರಂ ಗಂಗಾಯಾಃ ಕಲಶೋದ್ಭವ .  var  ಇತಿ ನಾಮಸಹಸ್ರಂ ಹಿ

ಕೀರ್ತಯಿತ್ವಾ ನರಃ ಸಮ್ಯಗ್ಗಂಗಾಸ್ನಾನಫಲಂ ಲಭೇತ್ .. 168..

ಸರ್ವಪಾಪಪ್ರಶಮನಂ ಸರ್ವವಿಘ್ನವಿನಾಶನಂ .

ಸರ್ವಸ್ತೋತ್ರಜಪಾಚ್ಛ್ರೇಷ್ಠಂ ಸರ್ವಪಾವನಪಾವನಂ .. 169..

ಶ್ರದ್ಧಯಾಭೀಷ್ಟಫಲದಂ ಚತುರ್ವರ್ಗಸಮೃದ್ಧಿಕೃತ್ .

ಸಕೃಜ್ಜಪಾದವಾಪ್ನೋತಿ ಹ್ಯೇಕಕ್ರತುಫಲಂ ಮುನೇ .. 170..

ಸರ್ವತೀರ್ಥೇಷು ಯಃ ಸ್ನಾತಃ ಸರ್ವಯಜ್ಞೇಷು ದೀಕ್ಷಿತಃ .

ತಸ್ಯ ಯತ್ಫಲಮುದ್ದಿಷ್ಟಂ ತ್ರಿಕಾಲಪಠನಾಚ್ಚ ತತ್ .. 171..

ಸರ್ವವ್ರತೇಷು ಯತ್ಪುಣ್ಯಂ ಸಮ್ಯಕ್ಚೀರ್ಣೇಷು ವಾಡವ .

ತತ್ಫಲಂ ಸಮವಾಪ್ನೋತಿ ತ್ರಿಸಂಧ್ಯಂ ನಿಯತಃ ಪಠನ್ .. 172..

ಸ್ನಾನಕಾಲೇ ಪಠೇದ್ಯಸ್ತು ಯತ್ರ ಕುತ್ರ ಜಲಾಶಯೇ .

ತತ್ರ ಸನ್ನಿಹಿತಾ ನೂನಂ ಗಂಗಾ ತ್ರಿಪಥಗಾ ಮುನೇ .. 173..

ಶ್ರೇಯೋಽರ್ಥೀ ಲಭತೇ ಶ್ರೇಯೋ ಧನಾರ್ಥೀ ಲಭತೇ ಧನಂ .

ಕಾಮೀ ಕಾಮಾನವಾಪ್ನೋತಿ ಮೋಕ್ಷಾರ್ಥೀ ಮೋಕ್ಷಮಾಪ್ನುಯಾತ್ .. 174..

ವರ್ಷಂ ತ್ರಿಕಾಲಪಠನಾಚ್ಛ್ರದ್ಧಯಾ ಶುಚಿಮಾನಸಃ .

ಋತುಕಾಲಾಭಿಗಮನಾದಪುತ್ರಃ  ಪುತ್ರವಾನ್ ಭವೇತ್ .. 175..

ನಾಕಾಲಮರಣಂ ತಸ್ಯ ನಾಗ್ನಿಚೋರಾಹಿಸಾಧ್ವಸಂ .

ನಾಮ್ನಾಂ ಸಹಸ್ರಂ ಗಂಗಾಯಾ ಯೋ ಜಪೇಚ್ಛ್ರದ್ಧಯಾ ಮುನೇ .. 176..

ಗಂಗಾನಾಮಸಹಸ್ರಂ ತು ಜಪ್ತ್ವಾ ಗ್ರಾಮಾಂತರಂ ವ್ರಜೇತ್ .

ಕಾರ್ಯಸಿದ್ಧಿಮವಾಪ್ನೋತಿ ನಿರ್ವಿಘ್ನೋ ಗೇಹಮಾವಿಶೇತ್ .. 177..

ತಿಥಿವಾರರ್ಕ್ಷಯೋಗಾನಾಂ ನ ದೋಷಃ ಪ್ರಭವೇತ್ತದಾ .

ಯದಾ ಜಪ್ತ್ವಾ ವ್ರಜೇದೇತತ್ ಸ್ತೋತ್ರಂ ಗ್ರಾಮಾಂತರಂ ನರಃ .. 178..

ಆಯುರಾರೋಗ್ಯಜನನಂ ಸರ್ವೋಪದ್ರವನಾಶನಂ .

ಸರ್ವಸಿದ್ಧಿಕರಂ ಪುಂಸಾಂ ಗಂಗಾನಾಮಸಹಸ್ರಕಂ .. 179..

ಜನ್ಮಾಂತರಸಹಸ್ರೇಷು ಯತ್ಪಾಪಂ ಸಮ್ಯಗರ್ಜಿತಂ .

ಗಂಗಾನಾಮಸಹಸ್ರಸ್ಯ ಜಪನಾತ್ತತ್ಕ್ಷಯಂ ವ್ರಜೇತ್ .. 180..

ಬ್ರಹ್ಮಘ್ನೋ ಮದ್ಯಪಃ ಸ್ವರ್ಣಸ್ತೇಯೀ ಚ ಗುರುತಲ್ಪಗಃ .

ತತ್ಸಂಯೋಗೀ ಭ್ರೂಣಹಂತಾ ಮಾತೃಹಾ ಪಿತೃಹಾ ಮುನೇ .. 181..

ವಿಶ್ವಾಸಘಾತೀ ಗರದಃ ಕೃತಘ್ನೋ ಮಿತ್ರಘಾತಕಃ .

ಅಗ್ನಿದೋ ಗೋವಧಕರೋ ಗುರುದ್ರವ್ಯಾಪಹಾರಕಃ .. 182..

ಮಹಾಪಾತಕಯುಕ್ತೋಽಪಿ ಸಂಯುಕ್ತೋಽಪ್ಯುಪಪಾತಕೈಃ .

ಮುಚ್ಯತೇ ಶ್ರದ್ಧಯಾ ಜಪ್ತ್ವಾ ಗಂಗಾನಾಮಸಹಸ್ರಕಂ .. 183..

ಆಧಿವ್ಯಾಧಿಪರಿಕ್ಷಿಪ್ತೋ ಘೋರತಾಪಪರಿಪ್ಲುತಃ .

ಮುಚ್ಯತೇ ಸರ್ವದುಃಖೇಭ್ಯಃ ಸ್ತವಸ್ಯಾಸ್ಯಾನುಕೀರ್ತನಾತ್ .. 184..

ಸಂವತ್ಸರೇಣ ಯುಕ್ತಾತ್ಮಾ ಪಠನ್ ಭಕ್ತಿಪರಾಯಣಃ .

ಅಭೀಪ್ಸಿತಾಂ ಲಭೇತ್ಸಿದ್ಧಿಂ ಸರ್ವೈಃ ಪಾಪೈಃ ಪ್ರಮುಚ್ಯತೇ .. 185..

ಸಂಶಯಾವಿಷ್ಟಚಿತ್ತಸ್ಯ ಧರ್ಮವಿದ್ವೇಷಿಣೋಽಪಿ ಚ .

ದಾಂಭಿಕಸ್ಯಾಪಿ ಹಿಂಸ್ರಸ್ಯ ಚೇತೋ ಧರ್ಮಪರಂ ಭವೇತ್ .. 186..

ವರ್ಣಾಶ್ರಮಪಥೀನಸ್ತು ಕಾಮಕ್ರೋಧವಿವರ್ಜಿತಃ .

ಯತ್ಫಲಂ ಲಭತೇ ಜ್ಞಾನೀ ತದಾಪ್ನೋತ್ಯಸ್ಯ ಕೀರ್ತನಾತ್ .. 187..

ಗಾಯತ್ರ್ಯಯುತಜಪ್ಯೇನ ಯತ್ಫಲಂ ಸಮುಪಾರ್ಜಿತಂ .

ಸಕೃತ್ಪಠನತಃ ಸಮ್ಯಕ್ತದಶೇಷಮವಾಪ್ನುಯಾತ್ .. 188..

ಗಾಂ ದತ್ತ್ವಾ ವೇದವಿದುಷೇ ಯತ್ಫಲಂ ಲಭತೇ ಕೃತೀ .

ತತ್ಪುಣ್ಯಂ ಸಮ್ಯಗಾಖ್ಯಾತಂ ಸ್ತವರಾಜಸಕೃಜ್ಜಪಾತ್ .. 189..

ಗುರುಶುಶ್ರೂಷಣಂ ಕುರ್ವನ್ ಯಾವಜ್ಜೀವಂ ನರೋತ್ತಮಃ .

ಯತ್ಪುಣ್ಯಮರ್ಜಯೇತ್ತದ್ಭಾಗ್ವರ್ಷಂ ತ್ರಿಷವಣಂ ಜಪನ್ .. 190..

ವೇದಪಾರಾಯಣಾತ್ಪುಣ್ಯಂ ಯದತ್ರ ಪರಿಪಠ್ಯತೇ .

ತತ್ಷಣ್ಮಾಸೇನ ಲಭತೇ ತ್ರಿಸಂಧ್ಯಂ ಪರಿಕೀರ್ತನಾತ್ .. 191..

ಗಂಗಾಯಾಃ ಸ್ತವರಾಜಸ್ಯ ಪ್ರತ್ಯಹಂ ಪರಿಶೀಲನಾತ್ .

ಶಿವಭಕ್ತಿಮವಾಪ್ನೋತಿ ವಿಷ್ಣುಭಕ್ತೋಽಥವಾ ಭವೇತ್ .. 192..

ಯಃ ಕೀರ್ತಯೇದನುದಿನಂ ಗಂಗಾನಾಮಸಹಸ್ರಕಂ .

ತತ್ಸಮೀಪೇ ಸಹಚರೀ ಗಂಗಾದೇವೀ ಸದಾ ಭವೇತ್ .. 193..

ಸರ್ವತ್ರ ಪೂಜ್ಯೋ ಭವತಿ ಸರ್ವತ್ರ ವಿಜಯೀ ಭವೇತ್ .

ಸರ್ವತ್ರ ಸುಖಮಾಪ್ನೋತಿ ಜಾಹ್ನವೀಸ್ತೋತ್ರಪಾಠತಃ .. 194..

ಸದಾಚಾರೀ ಸ ವಿಜ್ಞೇಯಃ ಸ ಶುಚಿಸ್ತು ಸದೈವ ಹಿ .

ಕೃತಸರ್ವಸುರಾರ್ಚಃ ಸ ಕೀರ್ತಯೇದ್ಯ ಇಮಾಂ ಸ್ತುತಿಂ .. 195..

ತಸ್ಮಿಂಸ್ತೃಪ್ತೇ ಭವೇತ್ ತೃಪ್ತಾ ಜಾಹ್ನವೀ ನಾತ್ರ ಸಂಶಯಃ .

ತಸ್ಮಾತ್ಸರ್ವಪ್ರಯತ್ನೇನ ಗಂಗಾಭಕ್ತಂ ಸಮರ್ಚಯೇತ್ .. 196..

ಸ್ತವರಾಜಮಿಮಂ ಗಾಂಗಂ ಶೃಣುಯಾದ್ಯಶ್ಚ ವೈ ಪಠೇತ್ .

ಶ್ರಾವಯೇದಥ ತದ್ಭಕ್ತಾನ್ ದಂಭಲೋಭವಿವರ್ಜಿತಃ .. 197..

ಮುಚ್ಯತೇ ತ್ರಿವಿಧೈಃ ಪಾಪೈರ್ಮನೋವಾಕ್ಕಾಯಸಂಭವೈಃ .

ಕ್ಷಣಾನ್ನಿಷ್ಪಾಪತಾಮೇತಿ ಪಿತೄಣಾಂ ಚ ಪ್ರಿಯೋ ಭವೇತ್ .. 198..

ಸರ್ವದೇವಪ್ರಿಯಶ್ಚಾಪಿ ಸರ್ವರ್ಷಿಗಣಸಮ್ಮತಃ .

ಅಂತೇ ವಿಮಾನಮಾರುಹ್ಯಂ ದಿವ್ಯಸ್ತ್ರೀಶತಸಂವೃತಃ .. 199..

ದಿವ್ಯಾಭರಣಸಂಪನ್ನೋ ದಿವ್ಯಭೋಗಸಮನ್ವಿತಃ .

ನಂದನಾದಿವನೇ ಸ್ವೈರಂ ದೇವವತ್ಸ ಪ್ರಮೋದತೇ .. 200..

ಭುಜ್ಯಮಾನೇಷು ವಿಪ್ರೇಷು ಶ್ರಾದ್ಧಕಾಲೇ ವಿಶೇಷತಃ .

ಜಪನ್ನಿದಂ ಮಹಾಸ್ತೋತ್ರಂ ಪಿತೄಣಾಂ ತೃಪ್ತಿಕಾರಕಂ .. 201..

ಯಾವಂತಿ ತತ್ರ ಸಿಕ್ಥಾನಿ ಯಾವಂತೋಽಮ್ಬುಕಣಾಃ ಸ್ಥಿತಾಃ .

ತಾವಂತ್ಯೇವ ಹಿ ವರ್ಷಾಣಿ ಮೋದಂತೇ ಸ್ವಪಿತಾಮಹಾಃ .. 202..

ಯಥಾ ಪ್ರೀಣಂತಿ ಪಿತರೋ ಪ್ರೀಣಂತಿ ಗಂಗಾಯಾಂ ಪಿಂಡದಾನತಃ .

ತಥೈವ ತೃಪ್ನುಯುಃ ಶ್ರಾದ್ಧೇ ಸ್ತವಸ್ಯಾಸ್ಯಾನುಸಂಶ್ರವಾತ್  .. 203..

ಏತತ್ಸ್ತೋತ್ರಂ ಗೃಹೇ ಯಸ್ಯ ಲಿಖಿತಂ ಪರಿಪೂಜ್ಯತೇ .

ತತ್ರ ಪಾಪಭಯಂ ನಾಸ್ತಿ ಶುಚಿ ತದ್ಭವನಂ ಸದಾ .. 204..

ಅಗಸ್ತೇ ಕಿಂ ಬಹೂಕ್ತೇನ ಶೃಣು ಮೇ ನಿಶ್ಚಿತಂ ವಚಃ .

ಸಂಶಯೋ ನಾತ್ರ ಕರ್ತವ್ಯಃ ಸಂದೇಗ್ಧರಿ ಫಲಂ ನಹಿ .. 205..

ಯಾವಂತಿ ಮರ್ತ್ಯೇ ಸ್ತೋತ್ರಾಣಿ ಮಂತ್ರಜಾಲಾನ್ಯನೇಕಶಃ .

ತಾವಂತಿ ಸ್ತವರಾಜಸ್ಯ ಗಾಂಗೇಯಸ್ಯ ಸಮಾನಿ ನ .. 206..

ಯಾವಜ್ಜನ್ಮ ಜಪೇದ್ಯಸ್ತು ನಾಮ್ನಾಮೇತತ್ಸಹಸ್ರಕಂ .

ಸ ಕೀಕಟೇಷ್ವಪಿ ಮೃತೋ ನ ಪುನರ್ಗರ್ಭಮಾವಿಶೇತ್ .. 207..

ನಿತ್ಯಂ ನಿಯಮವಾನೇತದ್ಯೋ ಜಪೇತ್ಸ್ತೋತ್ರಮುತ್ತಮಂ .

ಅನ್ಯತ್ರಾಪಿ ವಿಪನ್ನಃ ಸ ಗಂಗಾತೀರೇ ಮೃತೋ ಭವೇತ್ .. 208..

ಏತತ್ಸ್ತೋತ್ರವರಂ ರಮ್ಯಂ ಪುರಾ ಪ್ರೋಕ್ತಂ ಪಿನಾಕಿನಾ .

ವಿಷ್ಣವೇ ನಿಜಭಕ್ತಾಯ ಮುಕ್ತಿಬೀಜಾಕ್ಷರಾಸ್ಪದಂ .. 209..

ಗಂಗಾಸ್ನಾನಪ್ರತಿನಿಧಿಃ ಸ್ತೋತ್ರಮೇತನ್ಮಯೇರಿತಂ .

ಸಿಸ್ನಾಸುರ್ಜಾಹ್ನವೀಂ ತಸ್ಮಾದೇತತ್ಸ್ತೋತ್ರಂ ಜಪೇತ್ಸುಧೀಃ .. 210..

.. ಇತಿ ಶ್ರೀಸ್ಕಂದಪುರಾಣೇ ಏಕಾಶೀತಿಸಾಹಸ್ರ್ಯಾಂ

ಸಂಹಿತಾಯಾಂ ಚತುರ್ಥೈಕಾಶೀಖಂಡೇಪೂರ್ವಾರ್ಧೇ

ಗಂಗಾಸಹಸ್ರನಾಮಕಥನಂ ನಾಮೈಕೋನತ್ರಿಂಶತ್ತಮೋಽಧ್ಯಾಯಃ ..

ಸಿತಮಕರನಿಷಣ್ಣಾಂ ಶುಭ್ರವರ್ಣಾಂ ತ್ರಿನೇತ್ರಾಂ

    ಕರಧೃತಕಲಶೋದ್ಯತ್ಸೋಪಲಾಭೀತ್ಯಭೀಷ್ಟಾಂ .

ವಿಧಿಹರಿರೂಪಾಂ ಸೇಂದುಕೋಟೀರಜೂಟಾಂ

    ಕಲಿತಸಿತದುಕೂಲಾಂ ಜಾಹ್ನವೀ ತಾಂ ನಮಾಮಿ ..

Encoded and proofread by DPD, Kirk Wortman