చూడరమ్మ చెలులాల సుదతి చెలువములు - తాళ్ళపాక అన్నమాచార్య సంకీర్తన*

 ꧁♾️•••••••••┉━❀🕉️❀┉┅••••••••♾️꧂

             🙏 *ఓం నమో వెంకటేశాయ* 🙏

    🌹 *తాళ్ళపాక అన్నమాచార్య సంకీర్తన* 🌹

꧁♾️•••••••••┉━❀🕉️❀┉┅••••••••♾️꧂

శృంగార సంకీర్తన.                  2739. 22-11-23

రేకు: 1959-3.                  గానం : అంజనా సౌమ్య 

సంపుటము: 29-291

రాగము: నాదరామక్రియ

చూడరమ్మ చెలులాల సుదతి చెలువములు

వోడక వొండొంటితోడ నొనగూడి యున్నవి

॥పల్లవి॥

పొలుపైన మోము శశిఁ బోలించిన యందుకు

వెలఁది సెలవులను వెన్నెలగాసె

మెలుపునఁ బెనుఁ గొప్పు మేఘముఁ బోలినందుకు

చెలఁగి చెమటవాన చెక్కులఁ గురిసెను

॥చూడ॥

పడఁతి కెమ్మోని దొండపండుఁ బోలించినందుకు

కడఁగి పలుకుఁ జిలుకలు మూఁగెను

జడిగొని యీపెనాభి సరసిఁ బోలినందుకు

అడరి చనుజక్కవ లండనె కలిగెను

॥చూడ||

తరుణి పసిఁడిబొమ్మఁ దగఁ బోలించినందుకు

నిరతిఁ బదారువన్నియల మించె

సిరుల శ్రీవేంకటేశుఁ జెందఁ బోలించినందుకు

మరుని కొమారికపు మన్ననలు మించెను

॥చూడ॥

                 *సేకరణ : సూర్య ప్రకాష్ నిష్టల* 

꧁♾️•••••••••┉━❀🕉️❀┉┅•••••••••♾️꧂

                ‌ ‌