꧁♾️•••••••••┉━❀🕉️❀┉┅••••••••♾️꧂
🙏 *ఓం నమో వెంకటేశాయ* 🙏
🌹 *తాళ్ళపాక అన్నమాచార్య సంకీర్తన* 🌹
꧁♾️•••••••••┉━❀🕉️❀┉┅••••••••♾️꧂
శృంగార సంకీర్తన. 2738.
రేకు: 179-1. గానం : పి.నూతన
సంపుటము: 7-465
రాగము: కేదారగౌళ
అడుగరే యీమాఁట అన్నియుఁ జెప్పేఁ గాని
తడఁబాటు నవ్వులకు తానోపఁగలఁడా
॥పల్లవి||
ఇప్పుడు తనవొద్దికి యేల రమ్మనీనే
అప్పటిమాటలే కావా ఆడేవి
నెప్పున మాతోడిపొందు నిజము నిష్టూరమింతే
తప్పులు నేఁబట్టితేను తానోపఁగలఁడా
॥అడు॥
పీఁట మీఁద నుండి వచ్చి పెనఁగనేఁటికే నాతో
నాఁటి బాసలే కావా నడుపేవి
పాటించ మా విన్నపాలు పట్టినదే పంతమింతే
దాఁటరానినడకకు తానోపఁగలఁడా
॥అడు॥
ఆస మీరఁ దెరవేసి అంతలోనె నన్నుఁగూడె
చేసిన చేఁతలే కావా చెల్లేది
రాసికెక్క శ్రీ వెంకట రమణుఁడే తాఁగలఁడు
తాసువలె సరిదూఁగ తానోపఁగలఁడా
॥అడు॥
*సేకరణ : సూర్య ప్రకాష్ నిష్టల*
꧁♾️•••••••••┉━❀🕉️❀┉┅•••••••••♾️꧂