꧁♾️•••••••••┉━❀🕉️❀┉┅••••••••♾️꧂
🙏 *ఓం నమో వెంకటేశాయ* 🙏
🌹 *తాళ్ళపాక అన్నమాచార్య సంకీర్తన* 🌹
꧁♾️•••••••••┉━❀🕉️❀┉┅••••••••♾️꧂
శృంగార సంకీర్తన. 2731.14-11-23
రేకు: 1345-2. సంపుటము: 23-266
రాగము: దేవగాంధారి. గానం : వైష్ణవి
మెచ్చితి మప్పుడే నీకు మిక్కిలి మోహించితిమి
హెచ్చె నీ సింగారాలు యెక్కడ చూచినను
॥పల్లవి॥
అరిదిచెక్కులమీఁది యంగనకస్తూరివూఁత
కరఁగి నీచెంపలపై కారివుండఁగా
దొరతనాలు సేసేవు తొయ్యలులలోననెల్లా
యిరవాయ నీయెమ్మె యేమిచెప్పేది
॥మెచ్చి॥
కోమలిగుబ్బలమీఁదికుంకుమగందపుఁబూఁత
ఆముకొని నీవురాన నంటివుండఁగా
సాముసేసేవానివలె సతులకుఁజూపేవు
నే మెఱఁగమా నీవు నెరజాణవౌట
॥మెచ్చి॥
పొలఁతిమైనలఁదినపొడికప్పురపుపూఁత
నెలకొని రతివేల నీపై నంటఁగా
కొలువులో మాకుఁ జూపి కూడితివి మమ్మిందరి
తలఁచమా శ్రీవేంకటోత్తమనీమహిమలు
॥మెచ్చి॥
*సేకరణ : సూర్య ప్రకాష్ నిష్టల*
꧁♾️•••••••••┉━❀🕉️❀┉┅•••••••••♾️꧂