🌸🌸🌸🌸🌸🌸🌸🌸🌸🌸🌸🌸
*శివ శక్తి కృత గణాధీశ స్తోత్రం*
నమస్తే గణనాథాయ గణానాం పతయే నమః |
భక్తిప్రియాయ దేవేశ! భక్తేభ్యః సుఖదాయక ॥
స్వానందవాసినే తుభ్యం సిద్ధిబుద్ధివరాయచ ।
నాభిశేషాయ దేవాయ డుంఢిరాజాయ తే నమః ||
వరదాభయహస్తాయ నమః పరశుధారిణే |
నమస్తే సృణిహస్తాయ నాభిశేషాయ తే నమః ||
అనామయాయ సర్వాయ సర్వపూజ్యాయ తే నమః ।
సగుణాయ నమస్తుభ్యం బ్రహ్మణే నిర్గుణాయ చ ॥
బ్రహ్మభ్యో బ్రహ్మదాత్రే చ గజానన నమోస్తుతే!
ఆదిపూజ్యాయ జ్యేష్ఠాయ జ్యేష్ఠరాజాయ తే నమః ॥
మాత్రే పిత్రే చ సర్వేషాం హేరంబాయ నమోనమః |
అనాదయే చ విఘ్నేశ! విఘ్నకర్త్రే నమోనమః ||
విఘ్నహర్త్రే స్వభక్తానాం లంబోదర నమోస్తుతే |
త్వదీయ భక్తియోగేన యోగీశాః శాంతిమాగతాః ||
కింస్తువో యోగరూపంతం ప్రణమావశ్చ విఘ్నపమ్ |
తేన తుష్టో భవ స్వామిన్ ! ఇత్యుక్త్వా తం ప్రణేమతుః | తావుత్థాప్య గణాధీశ ఉవాచతౌ మహేశ్వరౌ!!
శ్రీ గణేశ ఉవాచ:
భవత్ కృత మిదం స్తోత్రం మమ భక్తి వివర్ధనమ్ ।
భవిష్యతి చ సౌఖ్యస్య పఠతే శృణ్వతే ప్రదమ్ ॥
భుక్తి ముక్తి ప్రదం చైవ పుత్రపౌత్రాదికం తథా |
ధనధాన్యాదికం సర్వం లభతే తేన నిశ్చితమ్ ॥ ||
*ఇతి శ్రీ శివ శక్తి కృత గణాధీశ స్తోత్రం సంపూర్ణం*
🌸🌸🌸🌸🌸🌸🌸🌸🌸🌸🌸🌸