ఓంకారనగరస్థం తం నిగమాంతవనేశ్వరమ్ |
నిత్యమేకం శివం శాంతం వందే గుహముమాసుతమ్ || ౧ ||
వాచామగోచరం స్కందం చిదుద్యానవిహారిణమ్ |
గురుమూర్తిం మహేశానం వందే గుహముమాసుతమ్ || ౨ ||
సచ్చిదనందరూపేశం సంసారధ్వాంతదీపకమ్ |
సుబ్రహ్మణ్యమనాద్యంతం వందే గుహముమాసుతమ్ || ౩ ||
స్వామినాథం దయాసింధుం భవాబ్ధేః తారకం ప్రభుమ్ |
నిష్కళంకం గుణాతీతం వందే గుహముమాసుతమ్ || ౪ ||
నిరాకారం నిరాధారం నిర్వికారం నిరామయమ్ |
నిర్ద్వంద్వం చ నిరాలంబం వందే గుహముమాసుతమ్ || ౫ ||
ఇతి గుహపంచరత్నమ్ ||