అస్య శ్రీశాస్తృ శవర్ణ సహస్రనామ స్తోత్రమహామంత్రస్య నైధ్రువ ఋషిః అనుష్టుప్ఛందః శాస్తా దేవతా, ఓం భూతాధిపాయ విద్మహే ఇతి బీజం, ఓం మహాదేవాయ ధీమహి ఇతి శక్తిః, ఓం తన్నః శాస్తా ప్రచోదయాత్ ఇతి కీలకం, సాధకాభీష్టసాధనే పూజనే వినియోగః ||
న్యాసః –
ఓం హ్రాం భూతాధిపాయ విద్మహే అంగుష్ఠాభ్యాం నమః |
ఓం హ్రీం మహాదేవాయ ధీమహి తర్జనీభ్యాం నమః |
ఓం హ్రూం తన్నః శాస్తా ప్రచోదయాత్ మధ్యమాభ్యాం నమః |
ఓం హ్రైం తన్నః శాస్తా ప్రచోదయాత్ అనామికాభ్యాం నమః |
ఓం హ్రౌం మహాదేవాయ ధీమహి కనిష్ఠికాభ్యాం నమః |
ఓం హ్రః భూతాధిపాయ విద్మహే కరతలకరపృష్ఠాభ్యాం నమః |
ఏవం హృదయాదిన్యాసః ||
ధ్యానం –
శ్రీశోమేశాత్మపుత్రం శ్రితజనవరదం శ్లాఘనీయాపదానం
క్లేశోద్భ్రాంతిప్రణాశం క్లిశితరిపుచయం క్లేదసంకాశమాత్రమ్ |
కోశోచ్చాశ్వాధిరూఢం పరిగతమృగయాఖేలనానందచిత్తం
పాశోచ్చండాస్త్రపాణిం వరదమభయదం స్తౌమి శాస్తారమీశమ్ ||
స్తోత్రం –
ఓం || శన్నో దాతా శంభృతాంకః శంతనుః శంతనుస్తుతః |
శంవాచ్యః శంకృతిప్రీతః శందః శాంతనవస్తుతః || ౧ ||
శంకరః శంకరీ శంభుః శంభూర్వై శంభువల్లభః |
శంసః శంస్థాపతిః శంస్యః శంసితః శంకరప్రియః || ౨ ||
శంయుః శంఖః శంభవోఽపి శంసాపాత్రం శకేడితః |
శకటఘ్నార్చితః శక్తః శకారిపరిపూజితః || ౩ ||
శకునజ్ఞః శకునదః శకునీశ్వరపాలకః |
శకునారూఢవినుతః శకటాసుఫలప్రదః || ౪ || [ప్రియః]
శకుంతేశాత్మజస్తుత్యః శకలాక్షకయుగ్రథః |
శకృత్కరిస్తోమపాలః శక్వరీచ్ఛందఈడితః || ౫ ||
శక్తిమాన్ శక్తిభృద్భక్తః శక్తిభృచ్ఛక్తిహేతికః |
శక్తః శక్రస్తుతః శక్యః శక్రగోపతనుచ్ఛవిః || ౬ ||
శక్రజాయాభీష్టదాతా శక్రసారథిరక్షకః |
శక్రాణీవినుతః శక్లః శక్రోత్సవసమాతృకః || ౭ ||
శక్వరధ్వజసంప్రాప్తబలైశ్వర్యవిరాజితః |
శక్రోత్థానక్రియారంభబలిపూజాప్రమోదితః || ౮ ||
శంకుః శంకావిరహితః శంకరీచిత్తరంజకః |
శంకరావాసధౌరేయః శంకరాలయభోగదః || ౯ ||
శంకరాలంకృతదరః శంఖీ శంఖనిధీశ్వరః |
శంఖధ్మః శంఖభృచ్ఛంఖనఖః శంఖజభూషణః || ౧౦ ||
శంఖాస్యః శంఖినీలోలః శంఖికః శంఖభృత్ప్రియః |
శచీవిరహవిధ్వస్తః శచీపతివినోదదః || ౧౧ ||
శటీగంధః శటాజూటః శఠమూలకృతాదరః |
శఠపుష్పధరః శస్తా శఠాత్మకనిబర్హణః || ౧౨ ||
శణసూత్రధరః శాణీ శాండిల్యాదిమునిస్తుతః |
శతకీర్తిః శతధృతిః శతకుందసుమప్రియః || ౧౩ ||
శతకుంభాద్రినిలయః శతక్రతుజయప్రదః |
శతద్రుతటసంచారీ శతకంఠసమద్యుతిః || ౧౪ ||
శతవీర్యః శతబలః శతాంగీ శతవాహనః |
శత్రుఘ్నః శత్రుఘ్ననుతః శత్రుజిచ్ఛత్రువంచకః || ౧౫ ||
శలాలుకంధరధరః శనిపీడాహరః శిఖీ |
శనిప్రదోషసంజాతస్వభక్తభరణోత్సుకః || ౧౬ ||
శన్యర్చితః శనిత్రాణః శన్యనుగ్రహకారకః |
శబరాఖేటనరతః శపథః శపథక్షణః || ౧౭ ||
శబ్దనిష్ఠః శబ్దవేదీ శమీ శమధనస్తుతః |
శమీగర్భప్రియః శంబః శంబరారిసహోదరః || ౧౮ ||
శయండవిముఖః శండీ శరణాగతరక్షకః |
శరజన్మప్రాణసఖః శరజన్మసహోదరః || ౧౯ ||
శరజన్మానుసరణః శరజన్మచమూపతిః |
శరజన్మామాత్యవర్యః శరజన్మప్రియంకరః || ౨౦ ||
శరజన్మగణాధీశః శరజన్మాశ్రయాధరః |
శరజన్మాగ్రసంచారీ శరాసనధరః శరీ || ౨౧ ||
శరారుఘ్నః శర్కురేష్టః శర్మదః శర్మవిగ్రహః |
శర్యాతిజయదః శస్త్రీ శశభృద్భూషనందనః || ౨౨ ||
శశ్వద్బలానుకూలోఽపి శష్కులీభక్షణాదరః |
శస్తః శస్తవరః శస్తకేశకః శస్తవిగ్రహః || ౨౩ ||
శస్త్రాఢ్యః శస్త్రభృద్దేవః శస్త్రక్రీడాకుతూహలః |
శస్యాయుధః శార్ఙ్గపాణిః శార్ఙ్గిస్త్రీప్రియనందనః || ౨౪ ||
శాకప్రియః శాకదేవః శాకటాయనసంస్తుతః |
శాక్తధర్మరతః శాక్తః శాక్తికః శాక్తరంజకః || ౨౫ ||
శాకినీడాకినీముఖ్యయోగినీపరిసేవితః |
తథా శాడ్వలనాథశ్చ శాఠ్యకర్మరతాహితః || ౨౬ ||
శాండిల్యగోత్రవరదః శాంతాత్మా శాతపత్రకః |
శాతకుంభసుమప్రీతః శాతకుంభజటాధరః || ౨౭ ||
శాతోదరప్రభః శాభః శాడ్వలక్రీడనాదరః |
శానపాదారసంచారీ శాత్రవాన్వయమర్దనః || ౨౮ ||
శాంతః శాంతనిధిః శాంతిః శాంతాత్మా శాంతిసాధకః |
శాంతికృచ్ఛాంతికుశలః శాంతధీః శాంతవిగ్రహః || ౨౯ ||
శాంతికామః శాంతిపతిః శాంతీడ్యః శాంతివాచకః |
శాంతస్తుతః శాంతనుతః శాంతేడ్యః శాంతపూజితః || ౩౦ ||
శాపాస్త్రః శాపకుశలః శాపాయుధసుపూజితః |
శాపఘ్నః శాపదీనేడ్యః శాపద్విట్ శాపనిగ్రహః || ౩౧ ||
శాపార్జితః శాకటికవాహప్రీతశ్చ శామినీ |
శాబ్దికః శాబ్దికనుతః శాబ్దబోధప్రదాయకః || ౩౨ ||
శాంబరాగమవేదీ చ శాంబరః శాంబరోత్సవః |
శామినీదిగ్విహారోఽథ శామిత్రగణపాలకః || ౩౩ ||
శాంభవః శాంభవారాధ్యః శామిలాలేపనాదరః |
శాంభవేష్టః శాంభవాఢ్యః శాంభవీ శంభుపూజకః || ౩౪ ||
శారభ్రూః శారదః శారీ శారదానివహద్యుతిః |
శారదేడ్యః శారదీష్టః శారిస్థః శారుకాంతకః || ౩౫ ||
శార్కుఖాదీ శార్కురేష్టః శారీరమలమోచకః |
శార్ఙ్గీ శార్ఙ్గిసుతః శార్ఙ్గిప్రీతః శార్ఙ్గిప్రియాదరః || ౩౬ ||
శార్దూలాక్షః శార్వరాభః శార్వరీప్రియశేఖరః |
శాలంకీడ్యః శాలవాభః శాలకామార్చకాదరః || ౩౭ ||
శాశ్వతః శాశ్వతైశ్వర్యః శాసితా శాసనాదరః |
శాస్త్రజ్ఞః శాస్త్రతత్త్వజ్ఞః శాస్త్రదర్శీ చ శాస్త్రవిత్ || ౩౮ ||
శాస్త్రచక్షుః శాస్త్రకర్షీ శాస్త్రకృచ్ఛాస్త్రచారణః |
శాస్త్రీ శాస్త్రప్రతిష్ఠాతా శాస్త్రార్థః శాస్త్రపోషకః || ౩౯ ||
శాస్త్రహేతుః శాస్త్రసేతుః శాస్త్రకేతుశ్చ శాస్త్రభూః |
శాస్త్రాశ్రయః శాస్త్రగేయః శాస్త్రకారశ్చ శాస్త్రదృక్ || ౪౦ ||
శాస్త్రాంగః శాస్త్రపూజ్యశ్చ శాస్త్రగ్రథనలాలసః |
శాస్త్రప్రసాధకః శాస్త్రజ్ఞేయః శాస్త్రార్థపండితః || ౪౧ ||
శాస్త్రపారంగతః శాస్త్రగుణవిచ్ఛాస్త్రశోధకః |
శాస్త్రకృద్వరదాతా చ శాస్త్రసందర్భబోధకః || ౪౨ ||
శాస్త్రకృత్పూజితః శాస్త్రకరః శాస్త్రపరాయణః |
శాస్త్రానురక్తః శాస్త్రాత్మా శాస్త్రసందేహభంజకః || ౪౩ ||
శాస్త్రనేతా శాస్త్రపూతః శాస్త్రయోనిశ్చ శాస్త్రహృత్ |
శాస్త్రలోలః శాస్త్రపాలః శాస్త్రకృత్పరిరక్షకః || ౪౪ ||
శాస్త్రధర్మః శాస్త్రకర్మా శాస్త్రశీలశ్చ శాస్త్రనుత్ |
శాస్త్రదృష్టిః శాస్త్రపుష్టిః శాస్త్రతుష్టిశ్చ శాస్త్రచిత్ || ౪౫ ||
శాస్త్రశుద్ధిః శాస్త్రబుద్ధిః శాస్త్రధీః శాస్త్రవర్ధనః |
శాస్త్రప్రజ్ఞః శాస్త్రవిజ్ఞః శాస్త్రార్థీ శాస్త్రమండలః || ౪౬ ||
శాస్త్రస్పృక్ శాస్త్రనిపుణః శాస్త్రసృక్ శాస్త్రమంగళః |
శాస్త్రధీరః శాస్త్రశూరః శాస్త్రవీరశ్చ శాస్త్రసత్ || ౪౭ ||
శాస్త్రాధిపః శాస్త్రదేవః శాస్త్రక్రీడోఽథ శాస్త్రరాట్ |
శాస్త్రాఢ్యః శాస్త్రసారజ్ఞః శాస్త్రం శాస్త్రప్రదర్శకః || ౪౮ ||
శాస్త్రప్రౌఢః శాస్త్రరూఢః శాస్త్రగూఢశ్చ శాస్త్రపః |
శాస్త్రధ్యానః శాస్త్రగుణః శాస్త్రేశానశ్చ శాస్త్రభూః || ౪౯ ||
శాస్త్రజ్యేష్ఠః శాస్త్రనిష్ఠః శాస్త్రశ్రేష్ఠశ్చ శాస్త్రరుక్ |
శాస్త్రత్రాతా శాస్త్రభర్తా శాస్త్రకర్తా చ శాస్త్రముత్ || ౫౦ ||
శాస్త్రధన్యః శాస్త్రపుణ్యః శాస్త్రగణ్యశ్చ శాస్త్రధీః |
శాస్త్రస్ఫూర్తిః శాస్త్రమూర్తిః శాస్త్రకీర్తిశ్చ శాస్త్రభృత్ || ౫౧ ||
శాస్త్రప్రియః శాస్త్రజాయః శాస్త్రోపాయశ్చ శాస్త్రగీః |
శాస్త్రాధారః శాస్త్రచరః శాస్త్రసారశ్చ శాస్త్రధుక్ || ౫౨ ||
శాస్త్రప్రాణః శాస్త్రగణః శాస్త్రత్రాణశ్చ శాస్త్రభాక్ |
శాస్త్రనాథః శాస్త్రరథః శాస్త్రసేనశ్చ శాస్త్రదః || ౫౩ ||
శాస్త్రస్వామీ శాస్త్రభూమా శాస్త్రకామీ చ శాస్త్రభుక్ |
శాస్త్రప్రఖ్యః శాస్త్రముఖ్యః శాస్త్రవిఖ్యోఽథ శాస్త్రవాన్ || ౫౪ ||
శాస్త్రవర్ణః శాస్త్రపూర్ణః శాస్త్రకర్ణోఽథ శాస్త్రపుట్ |
శాస్త్రభోగః శాస్త్రయోగః శాస్త్రభాగశ్చ శాస్త్రయుక్ || ౫౫ ||
శాస్త్రోజ్జ్వలః శాస్త్రబాలః శాస్త్రనామా చ శాస్త్రభుక్ |
శాస్త్రశ్రీః శాస్త్రసంతుష్టః శాస్త్రోక్తః శాస్త్రదైవతమ్ || ౫౬ ||
శాస్త్రమౌలిః శాస్త్రకేలిః శాస్త్రపాలిశ్చ శాస్త్రముక్ |
శాస్త్రరాజ్యః శాస్త్రభోజ్యః శాస్త్రేజ్యః శాస్త్రయాజకః || ౫౭ ||
శాస్త్రసౌఖ్యః శాస్త్రవిభుః శాస్త్రప్రేష్ఠశ్చ శాస్త్రజుట్ |
శాస్త్రవీర్యః శాస్త్రకార్యః శాస్త్రార్హః శాస్త్రతత్పరః || ౫౮ ||
శాస్త్రగ్రాహీ శాస్త్రవహః శాస్త్రాక్షః శాస్త్రకారకః |
శాస్త్రశ్రీదః శాస్త్రదేహః శాస్త్రశేషశ్చ శాస్త్రత్విట్ || ౫౯ ||
శాస్త్రహ్లాదీ శాస్త్రకలః శాస్త్రరశ్మిశ్చ శాస్త్రధీః |
శాస్త్రసింధుః శాస్త్రబంధుః శాస్త్రయత్నశ్చ శాస్త్రభిత్ || ౬౦ ||
శాస్త్రప్రదర్శీ శాస్త్రేష్టః శాస్త్రభూషశ్చ శాస్త్రగః |
శాస్త్రసంఘః శాస్త్రసఖస్తథా శాస్త్రవిశారదః || ౬౧ ||
శాస్త్రప్రీతః శాస్త్రహితః శాస్త్రపూతోఽథ శాస్త్రకృత్ |
శాస్త్రమాలీ శాస్త్రయాయీ శాస్త్రీయః శాస్త్రపారదృక్ || ౬౨ ||
శాస్త్రస్థాయీ శాస్త్రచారీ శాస్త్రగీః శాస్త్రచింతనః |
శాస్త్రధ్యానః శాస్త్రగానః శాస్త్రాలీ శాస్త్రమానదః || ౬౩ ||
శిక్యపాలః శిక్యరక్షః శిఖండీ శిఖరాదరః |
శిఖరం శిఖరీంద్రస్థః శిఖరీవ్యూహపాలకః || ౬౪ ||
శిఖరావాసనప్రీతః శిఖావలవశాదృతః |
శిఖావాన్ శిఖిమిత్రశ్చ శిఖీడ్యః శిఖిలోచనః || ౬౫ ||
శిఖాయోగరతః శిగ్రుప్రీతః శిగ్రుజఖాదనః |
శిగ్రుజేక్షురసానందః శిఖిప్రీతికృతాదరః || ౬౬ ||
శితః శితిః శితికంఠాదరశ్చ శితివక్షరుక్ |
శింజంజికాహేమకాంతివస్త్రః శింజితమండితః || ౬౭ ||
శిథిలారిగణః శింజీ శిపివిష్టప్రియః శిఫీ |
శిబిప్రియః శిబినుతః శిబీడ్యశ్చ శిబిస్తుతః || ౬౮ ||
శిబికష్టహరః శిబ్యాశ్రితశ్చ శిబికాప్రియః |
శిబిరీ శిబిరత్రాణః శిబిరాలయవల్లభః || ౬౯ ||
శిబివల్లభసత్ప్రేమా శిరాఫలజలాదరః |
శిరజాలంకృతశిరాః శిరస్త్రాణవిభూషితః || ౭౦ ||
శిరోరత్నప్రతీకాశః శిరోవేష్టనశోభితః |
శిలాదసంస్తుతః శిల్పీ శివదశ్చ శివంకరః || ౭౧ ||
శివః శివాత్మా శివభూః శివకృచ్ఛివశేఖరః |
శివజ్ఞః శివకర్మజ్ఞః శివధర్మవిచారకః || ౭౨ ||
శివజన్మా శివావాసః శివయోగీ శివాస్పదః |
శివస్మృతిః శివధృతిః శివార్థః శివమానసః || ౭౩ ||
శివాఢ్యః శివవర్యజ్ఞః శివార్థః శివకీర్తనః |
శివేశ్వరః శివారాధ్యః శివాధ్యక్షః శివప్రియః || ౭౪ ||
శివనాథః శివస్వామీ శివేశః శివనాయకః |
శివమూర్తిః శివపతిః శివకీర్తిః శివాదరః || ౭౫ ||
శివప్రాణః శివత్రాణః శివత్రాతా శివాజ్ఞకః |
శివపశ్చ శివక్రీడః శివదేవః శివాధిపః || ౭౬ ||
శివజ్యేష్ఠః శివశ్రేష్ఠః శివప్రేష్ఠః శివాధిరాట్ |
శివరాట్ శివగోప్తా చ శివాంగః శివదైవతః || ౭౭ ||
శివబంధుః శివసుహృచ్ఛివాధీశః శివప్రదః |
శివాగ్రణీః శివేశానః శివగీతః శివోచ్ఛ్రయః || ౭౮ ||
శివస్ఫూర్తిః శివసుతః శివప్రౌఢః శివోద్యతః |
శివసేనః శివచరః శివభర్తా శివప్రభుః || ౭౯ ||
శివైకరాట్ శివప్రజ్ఞః శివసారః శివస్పృహః |
శివగ్రీవః శివనామా శివభూతిః శివాంతరః || ౮౦ ||
శివముఖ్యః శివప్రఖ్యః శివవిఖ్యః శివాఖ్యగః |
శివధ్యాతా శివోద్గాతా శివదాతా శివస్థితిః || ౮౧ ||
శివానందః శివమతిః శివార్హః శివతత్పరః |
శివభక్తః శివాసక్తః శివశక్తః శివాత్మకః || ౮౨ ||
శివదృక్ శివసంపన్నః శివహృచ్ఛివమండితః |
శివభాక్ శివసంధాతా శివశ్లాఘీ శివోత్సుకః || ౮౩ ||
శివశీలః శివరసః శివలోలః శివోత్కటః |
శివలింగః శివపదః శివసంధః శివోజ్జ్వలః || ౮౪ ||
శివశ్రీదః శివకలః శివమాన్యః శివప్రదః |
శివవ్రతః శివహితః శివప్రీతః శివాశయః || ౮౫ ||
శివనిష్ఠః శివజపః శివసంజ్ఞః శివోర్జితః |
శివమానః శివస్థానః శివగానః శివోపమః || ౮౬ ||
శివానురక్తః శివహృచ్ఛివహేతుః శివార్చకః |
శివకేలిః శివవటుః శివచాటుః శివాస్త్రవిత్ || ౮౭ ||
శివసంగః శివధరః శివభావః శివార్థకృత్ |
శివలీలః శివస్వాంతః శివేచ్ఛః శివదాయకః || ౮౮ ||
శివశిష్యః శివోపాయః శివేష్టః శివభావనః |
శివప్రధీః శివవిభుః శివాభీష్టః శివధ్వజః || ౮౯ ||
శివవాన్ శివసమ్మోహః శివర్ధిః శివసంభ్రమః |
శివశ్రీః శివసంకల్పః శివగాత్రః శివోక్తిదః || ౯౦ ||
శివవేషః శివోత్కర్షః శివభాషః శివోత్సుకః |
శివమూలః శివాపాలః శివశూలః శివాబలః || ౯౧ ||
శివాచారః శివాకారః శివోదారః శివాకరః |
శివహృష్టః శివోద్దిష్టః శివతుష్టః శివేష్టదః || ౯౨ ||
శివడింభః శివారంభః శివోజ్జృంభః శివాభరః |
శివమాయః శివచయః శివదాయః శివోచ్ఛ్రయః || ౯౩ ||
శివవ్యూహః శివోత్సాహః శివస్నేహః శివావహః |
శివలోకః శివాలోకః శివౌకాః శివసూచకః || ౯౪ ||
శివబుద్ధిః శివర్ధిశ్చ శివసిద్ధిః శివర్ధిదః |
శివధీః శివసంశుద్ధిః శివధీః శివసిద్ధిదః || ౯౫ ||
శివనామా శివప్రేమా శివభూః శివవిత్తమః |
శివావిష్టః శివాదిష్టః శివాభీష్టః శివేష్టకృత్ || ౯౬ ||
శివసేవీ శివకవిః శివఖ్యాతః శివచ్ఛవిః |
శివలీనః శివచ్ఛన్నః శివధ్యానః శివస్వనః || ౯౭ ||
శివపాలః శివస్థూలః శివజాలః శివాలయః |
శివావేశః శివోద్దేశః శివాదేశః శివోద్యతః || ౯౮ ||
శివపక్షః శివాధ్యక్షః శివరక్షః శివేక్షణః |
శివపద్యః శివోద్విద్యః శివహృద్యః శివాద్యకః || ౯౯ ||
శివపాద్యః శివస్వాద్యః శివార్ఘ్యః శివపాద్యకః |
శివార్హః శివహార్దశ్చ శివబింబః శివార్భకః || ౧౦౦ ||
శివమండలమధ్యస్థః శివకేలిపరాయణః |
శివామిత్రప్రమథనః శివభక్తార్తినాశనః || ౧౦౧ ||
శివభక్తిప్రియరతః శివప్రణవమానసః |
శివవాల్లభ్యపుష్టాంగః శివారిహరణోత్సుకః || ౧౦౨ ||
శివానుగ్రహసంధాతా శివప్రణయతత్పరః |
శివపాదాబ్జలోలంబః శివపూజాపరాయణః || ౧౦౩ ||
శివకీర్తనసంతుష్టః శివోల్లాసక్రియాదరః |
శివాపదానచతురః శివకార్యానుకూలదః || ౧౦౪ ||
శివపుత్రప్రీతికరః శివాశ్రితగణేష్టదః |
శివమూర్ధాభిషిక్తాంగః శివసైన్యపురఃసరః || ౧౦౫ ||
శివవిశ్వాససంపూర్ణః శివప్రమథసుందరః |
శివలీలావినోదజ్ఞః శివవిష్ణుమనోహరః || ౧౦౬ ||
శివప్రేమార్ద్రదివ్యాంగః శివవాగమృతార్థవిత్ |
శివపూజాగ్రగణ్యశ్చ శివమంగళచేష్టితః || ౧౦౭ ||
శివదూషకవిధ్వంసీ శివాజ్ఞాపరిపాలకః |
శివసంసారశృంగారః శివజ్ఞానప్రదాయకః || ౧౦౮ ||
శివస్థానధృతోద్దండః శివయోగవిశారదః |
శివప్రేమాస్పదోచ్చండదండనాడంబరోద్భటః || ౧౦౯ ||
శివార్చకపరిత్రాతా శివభక్తిప్రదాయకః |
శివధ్యానైకనిలయః శివధర్మపరాయణః || ౧౧౦ ||
శివస్మరణసాన్నిధ్యః శివానందమహోదరః |
శివప్రసాదసంతుష్టః శివకైవల్యమూలకః || ౧౧౧ ||
శివసంకీర్తనోల్లాసః శివకైలాసభోగదః |
శివప్రదోషపూజాత్తసర్వసౌభాగ్యసుందరః || ౧౧౨ ||
శివలింగార్చనాసక్తః శివనామస్మృతిప్రదః |
శివాలయస్థాపకశ్చ శివాద్రిక్రీడనోత్సుకః || ౧౧౩ ||
శివాపదాననిపుణః శివవాక్పరిపాలకః |
శివానీప్రీతికలశః శివారాతివినాశకః || ౧౧౪ ||
శివాత్మకక్రియాలోలః శివసాయుజ్యసాధకః |
శిశిరేష్టః శిశిరదః శిశిరర్తుప్రియః శిశుః || ౧౧౫ ||
శిశుప్రియః శిశుత్రాతా శిశుభాషీ శిశూత్సవః |
శిశుపాలనతాత్పర్యః శిశుపూజ్యః శిశుక్షమః || ౧౧౬ ||
శిశుపాలక్రోధహరః శిశుశక్తిధరస్తుతః |
శిశుపాలఘ్నవినుతః శిశుపాలనచేష్టితః || ౧౧౭ ||
శిశుచాంద్రాయణప్రీతః శిశుభావావనప్రభుః |
శీకరప్రణయః శీకరాంగః శీఘ్రశ్చ శీఘ్రశః || ౧౧౮ ||
శీఘ్రవేదీ శీఘ్రగామీ శీఘ్రయోద్ధా చ శీఘ్రధీః |
శీఘ్రకప్రియకృచ్ఛీఘ్రీ శీఘ్రదాతా చ శీఘ్రభృత్ || ౧౧౯ ||
శీతాలంకరణః శీతజలాస్వాదనతత్పరః |
శీతః శీతకరః శీతపుష్పధారీ చ శీతగుః || ౧౨౦ ||
శీతప్రియః శీతభానుః శీతరశ్మిశ్చ శీతలః |
శీతాప్రభః శీతలాఢ్యః శీతాంశుః శీతవీర్యకః || ౧౨౧ ||
శీతలాంగః శీతసహః శీతాద్రినిలయప్రియః |
శీత్పుటభ్రుః శీతనేత్రః శీర్ణాంఘ్రిభయనాశనః || ౧౨౨ ||
శీతాత్మగిరిసంచారీ శీర్ణపర్ణసుమోత్కరః |
శీభజ్ఞః శీర్షణ్యధరః శీర్షరక్షోఽథ శీలవాన్ || ౧౨౩ ||
శీలజ్ఞః శీలదః శీలపాలకః శీలవత్ప్రభుః |
శుకతుండనిభాపాంగః శుకవాహనసోదరః || ౧౨౪ ||
శుకప్రియఫలాస్వాదః శుకవాక్యప్రియః శుభీ |
శుకవాహప్రియః శుక్తికాజహారః శుకప్రియః || ౧౨౫ ||
శుక్రః శుక్రభుగారూఢభూతః శుక్రప్రపూజితః |
శుక్రశిష్యాంతకః శుక్రవర్ణః శుక్రకరః శుచిః || ౧౨౬ ||
శుక్లః శుక్లనుతః శుక్లీ శుక్లపుష్పశ్చ శుక్లదః |
శుక్లాంగః శుక్లకర్మా చ శుచిభూమినివాసకః || ౧౨౭ ||
శుచిప్రదః శుచికరః శుచికర్మా శుచిప్రియః |
శుచిరోచిః శుచిమతిః శుంఠీగుడజలాదరః || ౧౨౮ ||
శుద్ధః శుద్ధఫలాహారః శుద్ధాంతపరిపాలకః |
శుద్ధచేతాః శుద్ధకర్మా శుద్ధభావోఽథ శుద్ధిదః || ౧౨౯ ||
శుభః శుభాంగః శుభకృచ్ఛుభేచ్ఛః శుభమానసః |
శుభభాషీ శుభనుతః శుభవర్షీ శుభాదరః || ౧౩౦ ||
శుభశీలః శుభప్రీతః శుభంయుః శుభపోషకః |
శుభంకరః శుభగణః శుభాచారః శుభోత్సవః || ౧౩౧ ||
శుభాదరః శుభోదారః శుభాహారః శుభావహః |
శుభాన్వితః శుభహితః శుభవర్ణః శుభాంబరః || ౧౩౨ ||
శుభభక్తః శుభాసక్తః శుభయుక్తః శుభేక్షణః |
శుభ్రః శుభ్రగణః శుభ్రవస్త్రః శుభ్రవిభూషణః || ౧౩౩ ||
శుభవిధ్వంసినీభూతః శుల్కాదాననిపాతకః |
శుష్మద్యుతిః శుష్మిసఖః శుశ్రూషాదూతశంకరః || ౧౩౪ ||
శూరః శూరాశ్రితః శూరగణః శూరచమూపతిః |
శూరప్రవరసందోహః శూరభక్తశ్చ శూరవాన్ || ౧౩౫ ||
శూరసేనః శూరనుతః శూరపాలశ్చ శూరజిత్ |
శూరదేవః శూరవిభుః శూరనేతా చ శూరరాట్ || ౧౩౬ ||
శూలపాణియుతః శూలీ శూలయుద్ధవిశారదః |
శూలినీప్రియకృచ్ఛూలవిత్రస్తరిపుమండలః || ౧౩౭ ||
శృంగారఖేలః శృంగారగాత్రః శృంగారశేఖరః |
శృంగారజటిలః శృంగాటకసంచారకౌతుకః || ౧౩౮ ||
శృంగారభూషణః శృంగారయోనిజననార్భకః |
శేముషీదుఃఖహంతా చ శేఖరీకృతమూర్ధజః || ౧౩౯ ||
శేషస్తుతః శేషపాణిః శేషభూషణనందనః |
శేషాద్రినిలయప్రీతః శేషోదరసహోదరః || ౧౪౦ ||
శైలజాప్రియకృత్కర్మా శైలరాజప్రపూజితః |
శైలాదివినుతః శైవః శైవశాస్త్రప్రచారకః || ౧౪౧ ||
శైవధీరః శైవవీరః శైవశూరశ్చ శైవరాట్ |
శైవత్రాణః శైవగణః శైవప్రాణశ్చ శైవవిత్ || ౧౪౨ ||
శైవశాస్త్రః శైవశాస్త్రాఢ్యః శైవభృచ్ఛైవపాలకః |
శైవదక్షః శైవపక్షః శైవరక్షోఽథ శైవహృత్ || ౧౪౩ ||
శైవాంగః శైవమంత్రజ్ఞః శైవతంత్రశ్చ శైవదః |
శైవమౌనీ శైవమతిః శైవయంత్రవిధాయకః || ౧౪౪ ||
శైవవ్రతః శైవనేతా శైవజ్ఞః శైవసైన్యకః |
శైవనంద్యః శైవపూజ్యః శైవరాజ్యోఽథ శైవపః || ౧౪౫ ||
శోణాపాంగః శోణనఖః శోణరత్నవిభూషితః |
శోకఘ్నః శోభనాస్త్రశ్చ శోధకః శోభనప్రదః || ౧౪౬ ||
శోషితారిః శోషహారీ శోషితాశ్రితరక్షకః |
శౌరీడ్యః శౌరివరదః శౌరిద్విట్ప్రాణహారకః || ౧౪౭ ||
శ్రద్ధాధారశ్చ శ్రద్ధాలుః శ్రద్ధావిత్పరిపాలకః |
శ్రవణానందజనకః శ్రవణాభరణోజ్జ్వలః || ౧౪౮ ||
శ్రీదః శ్రీదప్రియః శ్రీదస్తుతః శ్రీదప్రపూజితః |
శ్రుతిజ్ఞః శ్రుతివిత్పూజ్యః శ్రుతిసారః శ్రుతిప్రదః || ౧౪౯ ||
శ్రుతిమౌలినుతప్రేమడింభః శ్రుతివిచారకః |
శ్లాఘ్యః శ్లాఘాపరః శ్లాఘ్యగణః శ్లాఘ్యగుణాకరః || ౧౫౦ ||
శ్వేతాంగశ్చ శ్వేతగజరథః శ్వేతసుమాదరః |
శ్రీధృక్ శ్రీధరదాంపత్యసార్థసమ్మోహనాకృతిః || ౧౫౧ ||
శ్రీకామాశ్రితసందోహకైరవానందచంద్రమాః |
ఇతీదం శాస్తృదేవస్య శివవిష్ణుస్వరూపిణః || ౧౫౨ ||
నామ్నాం సహస్రం దివ్యానాం శాదీనాం సంప్రకీర్తితమ్ |
య ఇదం శృణుయాన్నిత్యం ప్రపఠేచ్చ ప్రయత్నతః |
నాశుభం ప్రాప్నుయాత్కించిత్సోఽముత్రేహ చ మానవః || ౧౫౩ ||
ఇతి శ్రీ శాస్తృ శవర్ణ సహస్రనామ స్తోత్రమ్ ||