–(ఋ.వే.౬.౬౧)
ఇ॒యమ॑దదాద్రభ॒సమృ॑ణ॒చ్యుత॒o దివో”దాసం వధ్ర్య॒శ్వాయ॑ దా॒శుషే” |
యా శశ్వ”న్తమాచ॒ఖశదా”వ॒సం ప॒ణిం తా తే” దా॒త్రాణి॑ తవి॒షా స॑రస్వతి || ౧ ||
ఇ॒యం శుష్మే”భిర్బిస॒ఖా ఇ॑వారుజ॒త్సాను॑ గిరీ॒ణాం త॑వి॒షేభి॑రూ॒ర్మిభి॑: |
పా॒రా॒వ॒త॒ఘ్నీమవ॑సే సువృ॒క్తిభి॑స్సర॑స్వతీ॒ మా వి॑వాసేమ ధీ॒తిభి॑: || ౨ ||
సర॑స్వతి దేవ॒నిదో॒ ని బ॑ర్హయ ప్ర॒జాం విశ్వ॑స్య॒ బృస॑యస్య మా॒యిన॑: |
ఉ॒త క్షి॒తిభ్యో॒ఽవనీ”రవిన్దో వి॒షమే”భ్యో అస్రవో వాజినీవతి || ౩ ||
ప్రణో” దే॒వీ సర॑స్వతీ॒ వాజే”భిర్వా॒జినీ”వతీ |
ధీ॒నామ॑వి॒త్ర్య॑వతు || ౪ ||
యస్త్వా” దేవి సరస్వత్యుపబ్రూ॒తే ధనే” హి॒తే |
ఇన్ద్ర॒o న వృ॑త్ర॒తూర్యే” || ౫ ||
త్వం దే”వి సరస్వ॒త్యవా॒ వాజే”షు వాజిని |
రదా” పూ॒షేవ॑ నః స॒నిమ్ || ౬ ||
ఉ॒త స్యా న॒: సర॑స్వతీ ఘో॒రా హిర”ణ్యవర్తనిః |
వృ॒త్ర॒ఘ్నీ వ॑ష్టి సుష్టు॒తిమ్ || ౭ ||
యస్యా” అన॒న్తో అహ్రు॑తస్త్వే॒షశ్చ॑రి॒ష్ణుర”ర్ణ॒వః |
అమ॒శ్చర॑తి॒ రోరు॑వత్ || ౮ ||
సా నో॒ విశ్వా॒ అతి॒ ద్విష॒: స్వసౄ”ర॒న్యా ఋ॒తావ॑రీ |
అత॒న్నహే”వ॒ సూర్య॑: || ౯ ||
ఉ॒త న॑: ప్రి॒యా ప్రి॒యాసు॑ స॒ప్తస్వ॑సా॒ సుజు॑ష్టా |
సర॑స్వతీ॒ స్తోమ్యా” భూత్ || ౧౦ ||
ఆ॒ప॒ప్రుషీ॒ పార్థి॑వాన్యు॒రు రజో” అ॒న్తరి॑క్షమ్ |
సర॑స్వతీ ని॒దస్పా”తు || ౧౧ ||
త్రి॒ష॒ధస్థా” స॒ప్తధా”తు॒: పఞ్చ॑ జా॒తా వ॒ర్ధయ”న్తీ |
వాజే”వాజే॒ హవ్యా” భూత్ || ౧౨ ||
ప్ర యా మ॑హి॒మ్నా మ॒హినా”సు॒ చేకి॑తే ద్యు॒మ్నేభి॑ర॒న్యా అ॒పసా”మ॒పస్త॑మా |
రథ॑ ఇవ బృహ॒తీ వి॒భ్వనే” కృ॒తోప॒స్తుత్యా” చికి॒తుషా॒ సర॑స్వతీ || ౧౩ ||
సర॑స్వత్య॒భి నో” నేషి॒ వస్యో॒ మాప॑ స్ఫరీ॒: పయ॑సా॒ మా న॒ ఆ ధ॑క్ |
జు॒షస్వ॑ నః స॒ఖ్యా వే॒శ్యా” చ॒ మా త్వత్ క్షేత్రా॒ణ్యర॑ణాని గన్మ || ౧౪ ||
–(ఋ.వే.౭.౯౫)
ప్ర క్షోద॑సా॒ ధాయ॑సా సస్ర ఏ॒షా సర॑స్వతీ ధ॒రుణ॒మాయ॑సీ॒ పూః |
ప్ర॒బాబ॑ధానా ర॒థ్యే”వ యాతి॒ విశ్వా” అ॒పో మ॑హి॒నా సిన్ధు॑ర॒న్యాః || ౧౫ ||
ఏకా”చేత॒త్సర॑స్వతీ న॒దీనా॒o శుచి”ర్య॒తీ గి॒రిభ్య॒ ఆ స॑ము॒ద్రాత్ |
రా॒యశ్చేత”న్తీ॒ భువ॑నస్య॒ భూరే”ర్ఘృ॒తం పయో” దుదుహే॒ నాహు॑షాయ || ౧౬ ||
స వా”వృధే॒ నర్యో॒ యోష॑ణాసు॒ వృషా॒ శిశు”ర్వృష॒భో య॒జ్ఞియా”సు |
స వా॒జిన”o మ॒ఘవ॑ద్భ్యో దధాతి॒ వి సా॒తయే” త॒న్వ”o మామృజీత || ౧౭ ||
ఉ॒త స్యా న॒: సర॑స్వతీ జుషా॒ణోప॑ శ్రవత్సు॒భగా” య॒జ్ఞే అ॒స్మిన్ |
మి॒తజ్ఞు॑భిర్నమ॒స్యై”రియా॒నా రా॒యా యు॒జా చి॒దుత్త॑రా॒ సఖి॑భ్యః || ౧౮ ||
ఇ॒మా జుహ్వా”నా యు॒ష్మదా నమో”భి॒: ప్రతి॒ స్తోమ”o సరస్వతి జుషస్వ |
తవ॒ శర్మ”న్ప్రి॒యత॑మే॒ దధా”నా॒ ఉప॑ స్థేయామ శర॒ణం న వృ॒క్షమ్ || ౧౯ ||
అ॒యము॑ తే సరస్వతి॒ వసి॑ష్ఠో॒ ద్వారా”వృ॒తస్య॑ సుభగే॒ వ్యా”వః |
వర్ధ॑ శుభ్రే స్తువ॒తే రా”సి॒ వాజా॑న్యూ॒యం పా”త స్వ॒స్తిభి॒: సదా” నః || ౨౦ ||
–(ఋ.వే.౭.౯౬)
బృ॒హదు॑ గాయిషే॒ వచో”ఽసు॒ర్యా” న॒దీనా”మ్ |
సర॑స్వతీ॒మిన్మ॑హయా సువృ॒క్తిభి॒స్స్తోమై”ర్వసిష్ఠ॒ రోద॑సీ || ౨౧ ||
ఉ॒భే యత్తే” మహి॒నా శు॑భ్రే॒ అన్ధ॑సీ అధిక్షి॒యన్తి॑ పూ॒రవ॑: |
సా నో” బోధ్యవి॒త్రీ మ॒రుత్స॑ఖా॒ చోద॒ రాధో” మ॒ఘోనా”మ్ || ౨౨ ||
భ॒ద్రమిద్భ॒ద్రా కృ॑ణవ॒త్సర॑స్వ॒త్యక॑వారీ చేతతి వా॒జినీ”వతీ |
గృ॒ణా॒నా జ॑మదగ్ని॒వత్స్తు॑వా॒నా చ॑ వసిష్ఠ॒వత్ || ౨౩ ||
జ॒నీ॒యన్తో॒ న్వగ్ర॑వః పుత్రీ॒యన్త॑: సు॒దాన॑వః |
సర॑స్వన్తం హవామహే || ౨౪ ||
యే తే” సరస్వ ఊ॒ర్మయో॒ మధు॑మన్తో ఘృత॒శ్చుత॑: |
తేభి”ర్నోఽవి॒తా భ॒వ || ౨౫ ||
పీ॒పి॒వాంస॒o సర॑స్వత॒: స్తన॒o యో వి॒శ్వద॑ర్శతః |
భ॒క్షీ॒మహి॑ ప్ర॒జామిషమ్” || ౨౬ ||
–(ఋ.వే.౨.౪౧.౧౬)
అమ్బి॑తమే॒ నదీ”తమే॒ దేవి॑తమే॒ సర॑స్వతి |
అ॒ప్ర॒శ॒స్తా ఇ॑వ స్మసి॒ ప్రశ॑స్తిమమ్బ నస్కృధి || ౨౭ ||
త్వే విశ్వా” సరస్వతి శ్రి॒తాయూ”oషి దే॒వ్యామ్ |
శు॒నహో”త్రేషు మత్స్వ ప్ర॒జాం దే”వి దిదిడ్ఢి నః || ౨౮ ||
ఇ॒మా బ్రహ్మ॑ సరస్వతి జు॒షస్వ॑ వాజినీవతి |
యా తే॒ మన్మ॑ గృత్సమ॒దా ఋ॑తావరి ప్రి॒యా దే॒వేషు॒ జుహ్వ॑తి || ౨౯ ||
–(ఋ.వే.౧.౩.౧౦)
పా॒వ॒కా న॒: సర॑స్వతీ॒ వాజే”భిర్వా॒జినీ”వతీ |
య॒జ్ఞం వ॑ష్టు ధి॒యావ॑సుః || ౩౦ ||
చో॒ద॒యి॒త్రీ సూ॒నృతా”నా॒o చేత”న్తీ సుమతీ॒నామ్ |
య॒జ్ఞం ద॑ధే॒ సర॑స్వతీ || ౩౧ ||
మ॒హో అర్ణ॒: సర॑స్వతీ॒ ప్ర చే”తయతి కే॒తునా” |
ధియో॒ విశ్వా॒ వి రా”జతి || ౩౨ ||
–(ఋ.వే.౧౦.౧౭.౭)
సర॑స్వతీం దేవ॒యన్తో” హవన్తే॒ సర॑స్వతీమధ్వ॒రే తా॒యమా”నే |
సర॑స్వతీం సు॒కృతో” అహ్వయన్త॒ సర॑స్వతీ దా॒శుషే॒ వార్య”o దాత్ || ౩౩ ||
సర॑స్వతి॒ యా స॒రథ”o య॒యాథ॑ స్వ॒ధాభి॑ర్దేవి పి॒తృభి॒ర్మద”న్తీ |
ఆ॒సద్యా॒స్మిన్బ॒ర్హిషి॑ మాదయస్వానమీ॒వా ఇష॒ ఆ ధే”హ్య॒స్మే || ౩౪ ||
సర॑స్వతీ॒o యాం పి॒తరో॒ హవ”న్తే దక్షి॒ణా య॒జ్ఞమ॑భి॒నక్ష॑మాణాః |
స॒హ॒స్రా॒ర్ఘమి॒ళో అత్ర॑ భా॒గం రా॒యస్పోష॒o యజ॑మానేషు ధేహి || ౩౫ ||
–(ఋ.వే.౫.౪౩.౧౧)
ఆ నో” ది॒వో బృ॑హ॒తః పర్వ॑తా॒దా సర॑స్వతీ యజ॒తా గ”న్తు య॒జ్ఞమ్ |
హవ”o దే॒వీ జు॑జుషా॒ణా ఘృ॒తాచీ” శ॒గ్మాం నో॒ వాచ॑ముశ॒తీ శృ॑ణోతు || ౩౬ ||
–(ఋ.వే.౨.౩౨.౪)
రా॒కామ॒హం సు॒హవా”o సుష్టు॒తీ హు॑వే శృ॒ణోతు॑ నః సు॒భగా॒ బోధ॑తు॒ త్మనా” |
సీవ్య॒త్వప॑: సూ॒చ్యాచ్ఛి॑ద్యమానయా॒ దదా”తు వీ॒రం శ॒తదా”యము॒క్థ్యమ్” || ౩౭ ||
యాస్తే” రాకే సుమ॒తయ॑: సు॒పేశ॑సో॒ యాభి॒ర్దదా”సి దా॒శుషే॒ వసూ”ని |
తాభి”ర్నో అ॒ద్య సు॒మనా” ఉ॒పాగ॑హి సహస్రపో॒షం సు॑భగే॒ రరా”ణా || ౩౮ ||
సినీ”వాలి॒ పృథు॑ష్టుకే॒ యా దే॒వానా॒మసి॒ స్వసా” |
జు॒షస్వ॑ హ॒వ్యమాహు॑తం ప్ర॒జాం దే”వి దిదిడ్ఢి నః || ౩౯ ||
యా సు॑బా॒హుః స్వ”ఙ్గు॒రిః సు॒షూమా” బహు॒సూవ॑రీ |
తస్యై” వి॒శ్పత్న్యై” హ॒విః సి॑నీవా॒ల్యై జు॑హోతన || ౪౦ ||
యా గు॒ఙ్గూర్యా సి॑నీవా॒లీ యా రా॒కా యా సర॑స్వతీ |
ఇ॒న్ద్రా॒ణీమ॑హ్వ ఊ॒తయే” వరుణా॒నీం స్వ॒స్తయే” || ౪౧ ||
ఓం శాన్తి॒: శాన్తి॒: శాన్తి॑: ||