పూర్వపీఠికా –
కైలాసశిఖరాసీనం దేవదేవం జగద్గురుమ్ |
పప్రచ్ఛేశం పరానందం భైరవీ పరమేశ్వరమ్ || ౧ ||
శ్రీభైరవ్యువాచ |
కౌలేశ శ్రోతుమిచ్ఛామి సర్వమంత్రోత్తమోత్తమమ్ |
లలితాయా శతనామ సర్వకామఫలప్రదమ్ || ౨ ||
శ్రీభైరవోవాచ |
శృణు దేవి మహాభాగే స్తోత్రమేతదనుత్తమమ్ |
పఠనాద్ధారణాదస్య సర్వసిద్ధీశ్వరో భవేత్ || ౩ ||
షట్కర్మాణి చ సిద్ధ్యంతి స్తవస్యాస్య ప్రసాదతః |
గోపనీయం పశోరగ్రే స్వయోనిమపరే యథా || ౪ ||
లలితాయా లకారాది నామశతకస్య దేవి |
రాజరాజేశ్వరో ఋషిః ప్రోక్తో ఛందోఽనుష్టుప్ తథా || ౫ ||
దేవతా లలితాదేవీ షట్కర్మసిద్ధ్యర్థే తథా |
ధర్మార్థకామమోక్షేషు వినియోగః ప్రకీర్తితః || ౬ ||
వాక్-కామ-శక్తిబీజేన కరషడంగమాచరేత్ |
ప్రయోగే బాలాత్ర్యక్షరీ యోజయిత్వా జపం చరేత్ || ౭ ||
అస్య శ్రీ లలితా లకారాది శతనామమాలామంత్రస్య శ్రీరాజరాజేశ్వరో ఋషిః అనుష్టుప్ ఛందః శ్రీలలితాదేవీ దేవతా షట్కర్మసిద్ధ్యర్థే ధర్మార్థకామమోక్షార్థే పాఠే వినియోగః |
కరన్యాసః –
ఓం ఐం అంగుష్ఠాభ్యాం నమః |
ఓం క్లీం తర్జనీభ్యాం నమః |
ఓం సౌః మధ్యమాభ్యాం నమః |
ఓం ఐం అనామికాభ్యాం నమః |
ఓం క్లీం కనిష్ఠికాభ్యాం నమః |
ఓం సౌః కరతలకరపృష్ఠాభ్యాం నమః |
అంగన్యాసః –
ఓం ఐం హృదయాయ నమః |
ఓం క్లీం శిరసే స్వాహా |
ఓం సౌః శిఖాయై వషట్ |
ఓం ఐం కవచాయ హుమ్ |
ఓం క్లీం నేత్రత్రయాయ వౌషట్ |
ఓం సౌః అస్త్రాయ ఫట్ |
అథ ధ్యానమ్ –
బాలార్కమండలాభాసాం చతుర్బాహుం త్రిలోచనామ్ |
పాశాంకుశధనుర్బాణాన్ ధారయంతీం శివాం భజే ||
అథ స్తోత్రమ్ –
లలితా లక్ష్మీ లోలాక్షీ లక్ష్మణా లక్ష్మణార్చితా |
లక్ష్మణప్రాణరక్షిణీ లాకినీ లక్ష్మణప్రియా || ౧ ||
లోలా లకారా లోమేశా లోలజిహ్వా లజ్జావతీ |
లక్ష్యా లాక్ష్యా లక్షరతా లకారాక్షరభూషితా || ౨ ||
లోలలయాత్మికా లీలా లీలావతీ చ లాంగలీ |
లావణ్యామృతసారా చ లావణ్యామృతదీర్ఘికా || ౩ ||
లజ్జా లజ్జామతీ లజ్జా లలనా లలనప్రియా |
లవణా లవలీ లసా లాక్షకీ లుబ్ధా లాలసా || ౪ ||
లోకమాతా లోకపూజ్యా లోకజననీ లోలుపా |
లోహితా లోహితాక్షీ చ లింగాఖ్యా చైవ లింగేశీ || ౫ ||
లింగగీతి లింగభవా లింగమాలా లింగప్రియా |
లింగాభిధాయినీ లింగా లింగనామసదానందా || ౬ ||
లింగామృతప్రీతా లింగార్చనప్రీతా లింగపూజ్యా |
లింగరూపా లింగస్థా చ లింగాలింగనతత్పరా || ౭ ||
లతాపూజనరతా చ లతాసాధకతుష్టిదా |
లతాపూజకరక్షిణీ లతాసాధనసిద్ధిదా || ౮ ||
లతాగృహనివాసినీ లతాపూజ్యా లతారాధ్యా |
లతాపుష్పా లతారతా లతాధారా లతామయీ || ౯ ||
లతాస్పర్శనసంతుష్టా లతాఽఽలింగనహర్షితా |
లతావిద్యా లతాసారా లతాఽఽచారా లతానిధీ || ౧౦ ||
లవంగపుష్పసంతుష్టా లవంగలతామధ్యస్థా |
లవంగలతికారూపా లవంగహోమసంతుష్టా || ౧౧ ||
లకారాక్షారపూజితా చ లకారవర్ణోద్భవా |
లకారవర్ణభూషితా లకారవర్ణరుచిరా || ౧౨ ||
లకారబీజోద్భవా తథా లకారాక్షరస్థితా |
లకారబీజనిలయా లకారబీజసర్వస్వా || ౧౩ ||
లకారవర్ణసర్వాంగీ లక్ష్యఛేదనతత్పరా |
లక్ష్యధరా లక్ష్యఘూర్ణా లక్షజాపేనసిద్ధిదా || ౧౪ ||
లక్షకోటిరూపధరా లక్షలీలాకలాలయా |
లోకపాలేనార్చితా చ లాక్షారాగవిలేపనా || ౧౫ ||
లోకాతీతా లోపాముద్రా లజ్జాబీజస్వరూపిణీ |
లజ్జాహీనా లజ్జామయీ లోకయాత్రావిధాయినీ || ౧౬ ||
లాస్యప్రియా లయకరీ లోకలయా లంబోదరీ |
లఘిమాదిసిద్ధిదాత్రీ లావణ్యనిధిదాయినీ |
లకారవర్ణగ్రథితా లంబీజా లలితాంబికా || ౧౭ ||
ఫలశ్రుతిః –
ఇతి తే కథితం దేవి గుహ్యాద్గుహ్యతరం పరమ్ |
ప్రాతఃకాలే చ మధ్యాహ్నే సాయాహ్నే చ సదా నిశి |
యః పఠేత్ సాధకశ్రేష్ఠో త్రైలోక్యవిజయీ భవేత్ || ౧ ||
సర్వపాపవినిర్మముక్తః స యాతి లలితాపదమ్ |
శూన్యాగారే శివారణ్యే శివదేవాలయే తథా || ౨ ||
శూన్యదేశే తడాగే చ నదీతీరే చతుష్పథే |
ఏకలింగే ఋతుస్నాతాగేహే వేశ్యాగృహే తథా || ౩ ||
పఠేదష్టోత్తరశతనామాని సర్వసిద్ధయే |
సాధకో వాంఛాం యత్కుర్యాత్ తత్తథైవ భవిష్యతి || ౪ ||
బ్రహ్మాండగోలకే యాశ్చ యాః కాశ్చిజ్జగతీతలే |
సమస్తాః సిద్ధయో దేవి కరామలకవత్సదా || ౫ ||
సాధకస్మృతిమాత్రేణ యావంత్యః సంతి సిద్ధయః |
స్వయమాయాంతి పురతో జపాదీనాం తు కా కథా || ౬ ||
అయుతావర్తనాద్దేవి పురశ్చర్యాఽస్య గీయతే |
పురశ్చర్యాయుతః స్తోత్రః సర్వకర్మఫలప్రదః || ౭ ||
సహస్రం చ పఠేద్యస్తు మాసార్ధం సాధకోత్తమః |
దాసీభూతం జగత్సర్వం మాసార్ధాద్భవతి ధ్రువమ్ || ౮ ||
నిత్యం ప్రతినామ్నా హుత్వా పలాశకుసుమైర్నరః |
భూలోకస్థాః సర్వకన్యాః సర్వలోకస్థితాస్తథా || ౯ ||
పాతాలస్థాః సర్వకన్యాః నాగకన్యాః యక్షకన్యాః |
వశీకుర్యాన్మండలార్ధాత్సంశయో నాత్ర విద్యతే || ౧౦ ||
అశ్వత్థమూలే పఠేత్ శతవారం ధ్యానపూర్వకమ్ |
తత్ క్షణాద్వ్యాధినాశశ్చ భవేద్దేవి న సంశయః || ౧౧ ||
శూన్యాగారే పఠేత్ స్తోత్రం సహస్రం ధ్యానపూర్వకమ్ |
లక్ష్మీ ప్రసీదతి ధ్రువం స త్రైలోక్యం వశిష్యతి || ౧౨ ||
ప్రేతవస్త్రం భౌమే గ్రాహ్యం రిపునామ చ వేష్టితమ్ |
ప్రాణప్రతిష్ఠాం కృత్వా తు పూజాం చైవ హి కారయేత్ || ౧౩ ||
శ్మశానే నిఖనేద్రాత్రౌ ద్విసహస్రం పఠేత్తతః |
జిహ్వాస్తంభనమాప్నోతి సద్యో మూకత్వమాప్నుయాత్ || ౧౪ ||
శ్మశానే చ పఠేత్ స్తోత్రం అయుతార్ధం సుబుద్ధిమాన్ |
శత్రుక్షయో భవేత్ సద్యో నాన్యథా మమ భాషితమ్ || ౧౫ ||
ప్రేతవస్త్రం శనౌ గ్రాహ్యం ప్రతినామ్నా సంపుటితమ్ |
శత్రునామ లిఖిత్వా చ ప్రాణప్రతిష్ఠాం కారయేత్ || ౧౬ ||
తతః లలితాం సంపూజ్య కృష్ణధత్తూరపుష్పకైః |
శ్మశానే నిఖనేద్రాత్రౌ శతవారం పఠేత్ స్తోత్రమ్ || ౧౭ ||
తతో మృత్యుమవాప్నోతి దేవరాజసమోఽపి సః |
శ్మశానాంగారమాదాయ మంగళే శనివారే వా || ౧౮ ||
ప్రేతవస్త్రేణ సంవేష్ట్య బధ్నీయాత్ ప్రేతరజ్జునా |
దశాభిమంత్రితం కృత్వా ఖనేద్వైరివేశ్మని || ౧౯ ||
సప్తరాత్రాంతరే తస్యోచ్చాటనం భ్రామణం భవేత్ |
కుమారీం పూజయిత్వా తు యః పఠేద్భక్తితత్పరః || ౨౦ ||
న కించిద్దుర్లభం తస్య దివి వా భువి మోదతే |
దుర్భిక్షే రాజపీడాయాం సంగ్రామే వైరిమధ్యకే || ౨౧ ||
యత్ర యత్ర భయం ప్రాప్తః సర్వత్ర ప్రపఠేన్నరః |
తత్ర తత్రాభయం తస్య భవత్యేవ న సంశయః || ౨౨ ||
వామపార్శ్వే సమానీయ శోధితాం వరకామినీమ్ |
జపం కృత్వా పఠేద్యస్తు తస్య సిద్ధిః కరే స్థితా || ౨౩ ||
దరిద్రస్తు చతుర్దశ్యాం కామినీసంగమైః సహ |
అష్టవారం పఠేద్యస్తు కుబేరసదృశో భవేత్ || ౨౪ ||
శ్రీలలితాం మహాదేవీ నిత్యం సంపూజ్య మానవః |
ప్రతినామ్నా జుహుయాత్స ధనరాశిమవాప్నుయాత్ || ౨౫ ||
నవనీతం చాభిమంత్ర్య స్త్రీభ్యో దద్యాన్మహేశ్వరి |
వంధ్యాం పుత్రప్రదం దేవి నాత్ర కార్యా విచారణా || ౨౬ ||
కంఠే వా వామబాహౌ వా యోనౌ వా ధారణాచ్ఛివే |
బహుపుత్రవతీ నారీ సుభగా జాయతే ధ్రువమ్ || ౨౭ ||
ఉగ్ర ఉగ్రం మహదుగ్రం స్తవమిదం లలితాయాః |
సువినీతాయ శాంతాయ దాంతాయాతిగుణాయ చ || ౨౮ ||
భక్తాయ జ్యేష్ఠపుత్రాయ గురుభక్తిపరాయ చ |
భక్తభక్తాయ యోగ్యాయ భక్తిశక్తిపరాయ చ || ౨౯ ||
వేశ్యాపూజనయుక్తాయ కుమారీపూజకాయ చ |
దుర్గాభక్తాయ శైవాయ కామేశ్వరప్రజాపినే || ౩౦ ||
అద్వైతభావయుక్తాయ శక్తిభక్తిపరాయ చ |
ప్రదేయం శతనామాఖ్యం స్వయం లలితాజ్ఞయా || ౩౧ ||
ఖలాయ పరతంత్రాయ పరనిందాపరాయ చ |
భ్రష్టాయ దుష్టతత్త్వాయ పరీవాదపరాయ చ || ౩౨ ||
శివాభక్తాయ దుష్టాయ పరదారరతాయ చ |
వేశ్యాస్త్రీనిందకాయ చ పంచమకారనిందకే || ౩౩ ||
న స్తోత్రం దర్శయేద్దేవీ మమ హత్యాకరో భవేత్ |
తస్మాన్న దాపయేద్దేవీ మనసా కర్మణా గిరా || ౩౪ ||
అన్యథా కురుతే యస్తు స క్షీణాయుర్భవేద్ధ్రువమ్ |
పుత్రహారీ చ స్త్రీహారీ రాజ్యహారీ భవేద్ధ్రువమ్ || ౩౫ ||
మంత్రక్షోభశ్చ జాయతే తస్య మృత్యుర్భవిష్యతి |
క్రమదీక్షాయుతానాం చ సిద్ధిర్భవతి నాన్యథా || ౩౬ ||
క్రమదీక్షాయుతో దేవీ క్రమాద్రాజ్యమవాప్నుయాత్ |
క్రమదీక్షాసమాయుక్తః కల్పోక్తసిద్ధిభాగ్భవేత్ || ౩౭ ||
విధేర్లిపిం తు సమ్మార్జ్య కింకరత్వం విసృజ్య చ |
సర్వసిద్ధిమవాప్నోతి నాత్ర కార్యా విచారణా || ౩౮ ||
క్రమదీక్షాయుతో దేవీ మమ సమో న సంశయః |
గోపనీయం గోపనీయం గోపనీయం సదాఽనఘే || ౩౯ ||
స దీక్షితః సుఖీ సాధుః సత్యవాదీ జితేంద్రయః |
స వేదవక్తా స్వాధ్యాయీ సర్వానందపరాయణః || ౪౦ ||
స్వస్మిన్ లలితాం సంభావ్య పూజయేజ్జగదంబికామ్ |
త్రైలోక్యవిజయీ భూయాన్నాత్ర కార్యా విచారణా || ౪౧ ||
గురురూపం శివం ధ్యాత్వా శివరూపం గురుం స్మరేత్ |
సదాశివః స ఏవ స్యాన్నాత్ర కార్యా విచారణా || ౪౨ ||
ఇతి శ్రీకౌలికార్ణవే శ్రీభైరవీసంవాదే షట్కర్మసిద్ధదాయక శ్రీమల్లలితాయా లకారాదిశతనామస్తోత్రమ్ |