ōṁ-kāranagarasthaṁ taṁ nigamāntavanēśvaram |
nityamēkaṁ śivaṁ śāntaṁ vandē guhamumāsutam || 1 ||
vācāmagōcaraṁ skandaṁ cidudyānavihāriṇam |
gurumūrtiṁ mahēśānaṁ vandē guhamumāsutam || 2 ||
saccidanandarūpēśaṁ saṁsāradhvāntadīpakam |
subrahmaṇyamanādyantaṁ vandē guhamumāsutam || 3 ||
svāmināthaṁ dayāsindhuṁ bhavābdhēḥ tārakaṁ prabhum |
niṣkalaṅkaṁ guṇātītaṁ vandē guhamumāsutam || 4 ||
nirākāraṁ nirādhāraṁ nirvikāraṁ nirāmayam |
nirdvandvaṁ ca nirālambaṁ vandē guhamumāsutam || 5 ||
iti guhapañcaratnam ||