asya śrīśāktānandapīyūṣasya nāma śrīkālabhairavāṣṭōttaraśatanāma stōtra mahāmantrasya śrī ānandabhairava r̥ṣiḥ anuṣṭup chandaḥ śrī kālabhairavō dēvatā hrīṁ bījaṁ hsauḥ śaktiḥ kṣphrauṁ kīlakaṁ śrīkālabhairavaprasādasiddhyarthē japē viniyōgaḥ ||
r̥ṣyādinyāsāḥ –
śrīānandabhairava r̥ṣayē namaḥ śirasi |
anuṣṭup chandasē namō mukhē |
śrīkālabhairava dēvatāyai namō hr̥dayē |
hrīṁ bījāya namō guhyē |
hsauḥ śaktayē namaḥ pādayōḥ |
kṣphrauṁ kīlakāya namō nābhau |
viniyōgāya namaḥ sarvāṅgē ||
karanyāsāḥ –
kṣphrāṁ aṅguṣṭhābhyāṁ namaḥ |
kṣphrīṁ tarjanībhyāṁ namaḥ |
kṣphrūṁ madhyamābhyāṁ namaḥ |
kṣphraiṁ anāmikābhyāṁ namaḥ |
kṣphrauṁ kaniṣṭhikābhyāṁ namaḥ |
kṣphraḥ karatalakarapr̥ṣṭhābhyāṁ namaḥ ||
hr̥dayādinyāsāḥ –
kṣphrāṁ hr̥dayāya namaḥ |
kṣphrīṁ śirasē svāhā |
kṣphrūṁ śikhāyai vaṣaṭ |
kṣphraiṁ kavacāya hum |
kṣphrauṁ nētratrayāya vauṣaṭ |
kṣphraḥ astrāya phaṭ ||
dhyānam –
śvasthaṁ trīkṣaṇaśōbhitaṁ śritajanōddhāraṁ kr̥pāsāgaraṁ
āmnāyāsyakarōṭikharpakaraṁ daṇḍaṁ dharantaṁ sadā |
śrīkāśīpuranāyakaṁ sakalamantrarṣīśvaraṁ mōkṣadaṁ
dhyāyēttaṁ hr̥di kālabhairavaguruṁ kāntāsamētaṁ param ||
stōtram –
kālabhairavadēvaḥ kālakālaḥ kāladaṇḍadhr̥k |
kālātmā kāmamantrātmā kāśikāpuranāyakaḥ || 1 ||
karuṇāvāridhiḥ kāntāmilitaḥ kālikātanuḥ |
kālajaḥ kukkurārūḍhaḥ kapālī kālanēmihā || 2 ||
kālakaṇṭhaḥ kaṭākṣānugr̥hītākhilasēvakaḥ |
kapālakharparōtkr̥ṣṭabhikṣāpātradharaḥ kaviḥ || 3 ||
kalpāntadahanākāraḥ kalānidhikalādharaḥ |
kapālamālikābhūṣaḥ kālīkulavarapradaḥ || 4 ||
kālīkalāvatīdīkṣāsaṁskārōpāsanapriyaḥ |
kālikādakṣapārśvasthaḥ kālīvidyāsvarūpavān || 5 ||
kālīkūrcasamāyuktabhuvanākūṭabhāsuraḥ |
kālīdhyānajapāsaktahr̥dagāranivāsakaḥ || 6 ||
kālikāvarivasyādipradānakalpapādapaḥ |
kālyugrāvāsavabrāhmīpramukhācāryanāyakaḥ || 7 ||
kaṅkālamālikādhārī kamanīyajaṭādharaḥ |
kōṇarēkhāṣṭapatrasthapradēśabindupīṭhagaḥ || 8 ||
kadalīkaravīrārkakañjahōmārcanapriyaḥ |
kūrmapīṭhādiśaktīśaḥ kalākāṣṭhādipālakaḥ || 9 ||
kaṭaprūḥ kāmasañcārī kāmāriḥ kāmarūpavān |
kaṇṭhādisarvacakrasthaḥ kriyādikōṭidīpakaḥ || 10 ||
karṇahīnōpavītābhaḥ kanakācaladēhavān |
kandarākāradaharākāśabhāsuramūrtimān || 11 ||
kapālamōcanānandaḥ kālarājaḥ kriyāpradaḥ |
karaṇādhipatiḥ karmakārakaḥ kartr̥nāyakaḥ || 12 ||
kaṇṭhādyakhiladēśāhibhūṣaṇāḍhyaḥ kalātmakaḥ |
karmakāṇḍādhipaḥ kilbiṣamōcī kāmakōṣṭhakaḥ || 13 ||
kalakaṇṭhāravānandī karmaśraddhavarapradaḥ |
kuṇapākīrṇakāntārasañcārī kaumudīsmitaḥ || 14 ||
kiṅkiṇīmañjunikvāṇakaṭīsūtravirājitaḥ |
kalyāṇakr̥tkalidhvaṁsī karmasākṣī kr̥tajñapaḥ || 15 ||
karāladaṁṣṭraḥ kandarpadarpaghnaḥ kāmabhēdanaḥ |
kālāguruviliptāṅgaḥ kātarārtābhayapradaḥ || 16 ||
kalandikāpradaḥ kālībhaktalōkavarapradaḥ |
kāminīkāñcanābaddhamōcakaḥ kamalēkṣaṇaḥ || 17 ||
kādambarīrasāsvādalōlupaḥ kāṅkṣitārthadaḥ |
kabandhanāvaḥ kāmākhyākāñcyādikṣētrapālakaḥ || 18 ||
kaivalyapradamandāraḥ kōṭisūryasamaprabhaḥ |
kriyēcchājñānaśaktipradīpakānalalōcanaḥ || 19 ||
kāmyādikarmasarvasvaphaladaḥ karmapōṣakaḥ |
kāryakāraṇanirmātā kārāgr̥havimōcakaḥ || 20 ||
kālaparyāyamūlasthaḥ kāryasiddhipradāyakaḥ |
kālānurūpakarmāṅgamōṣaṇabhrāntināśanaḥ || 21 |
kālacakraprabhēdī kālimmanyayōginīpriyaḥ |
kāhalādimahāvādyatālatāṁḍavalālasaḥ || 22 ||
kulakuṇḍalinīśāktayōgasiddhipradāyakaḥ |
kālarātrimahārātriśivārātryādikārakaḥ || 23 ||
kōlāhaladhvaniḥ kōpī kaulamārgapravartakaḥ |
karmakauśalyasantōṣī kēlibhāṣaṇalālasaḥ || 24 ||
kr̥tsnapravr̥ttiviśvāṇḍapañcakr̥tyavidhāyakaḥ |
kālanāthaparaḥ kāraḥ kāladharmapravartakaḥ || 25 ||
kulācāryaḥ kulācārarataḥ kuhvaṣṭamīpriyaḥ |
karmabandhākhilacchēdī kōṣṭhasthabhairavāgraṇīḥ || 26 ||
kaṭhōraujasyabhīṣmājñāpālakiṅkarasēvitaḥ |
kālarudraḥ kālavēlāhōrāṁśamūrtimān karaḥ || 27 ||
ityuktaṁ gurunāthasya nāmnāmaṣṭōttaraṁ śatam |
śrīkālabhairavasyēdaṁ rahasyamatipāvanam || 28 ||
śrīśāktānandapīyuṣaṁ mōkṣasādhanamuttamam |
vidyāsarvasvasārāḍhyaṁ yōginīhr̥dayaṅgamam || 29 ||
puṇyaṁ sudurlabhaṁ gōpyaṁ śamathapradamauṣadham |
kakāramātr̥kābr̥ṁhaṁ gurvanugrahasiddhidam || 30 ||
yō japētparayā bhaktyā prēmadhyānaparaḥ sadā |
guruprasādāllabhatē varaṁ sarvamabhīpsitam || 31 ||
iti śrī kālabhairava kakāra aṣṭōttaraśatanāma stōtram |