సౌవర్ణాసనసంస్థితాం త్రినయనాం పీతాంశుకోల్లాసినీం
హేమాభాంగరుచిం శశాంకముకుటాం సచ్చంపకస్రగ్యుతామ్ |
హస్తైర్ముద్గరపాశవజ్రరసనాః సంబిభ్రతీం భూషణైః
వ్యాప్తాంగీం బగళాముఖీం త్రిజగతాం సంస్తంభినీం చింతయేత్ ||
శ్రీనారద ఉవాచ |
భగవన్ దేవదేవేశ సృష్టిస్థితిలయాత్మక |
శతమష్టోత్తరం నామ్నాం బగళాయా వదాఽధునా || ౧ ||
శ్రీభగవానువాచ |
శృణు వత్స ప్రవక్ష్యామి నామ్నామష్టోత్తరం శతమ్ |
పీతాంబర్యా మహాదేవ్యాః స్తోత్రం పాపప్రణాశనమ్ || ౨ ||
యస్య ప్రపఠనాత్ సద్యో వాదీ మూకో భవేత్ క్షణాత్ |
రిపూణాం స్తంభనం యాతి సత్యం సత్యం వదామ్యహమ్ || ౩ ||
అస్య శ్రీపీతాంబర్యష్టోత్తరశతనామస్తోత్రస్య సదాశివ ఋషిః అనుష్టుప్ ఛందః శ్రీపీతాంబరీ దేవతా శ్రీపీతాంబరీ ప్రీతయే జపే వినియోగః ||
స్తోత్రమ్ –
ఓం | బగళా విష్ణువనితా విష్ణుశంకరభామినీ |
బహుళా వేదమాతా చ మహావిష్ణుప్రసూరపి || ౪ ||
మహామత్స్యా మహాకూర్మా మహావారాహరూపిణీ |
నరసింహప్రియా రమ్యా వామనా బటురూపిణీ || ౫ ||
జామదగ్న్యస్వరూపా చ రామా రామప్రపూజితా |
కృష్ణా కపర్దినీ కృత్యా కలహా కలకారిణీ || ౬ ||
బుద్ధిరూపా బుద్ధభార్యా బౌద్ధపాఖండఖండినీ |
కల్కిరూపా కలిహరా కలిదుర్గతినాశినీ || ౭ ||
కోటిసూర్యప్రతీకాశా కోటికందర్పమోహినీ |
కేవలా కఠినా కాళీ కళా కైవల్యదాయినీ || ౮ ||
కేశవీ కేశవారాధ్యా కిశోరీ కేశవస్తుతా |
రుద్రరూపా రుద్రమూర్తీ రుద్రాణీ రుద్రదేవతా || ౯ ||
నక్షత్రరూపా నక్షత్రా నక్షత్రేశప్రపూజితా |
నక్షత్రేశప్రియా నిత్యా నక్షత్రపతివందితా || ౧౦ ||
నాగినీ నాగజననీ నాగరాజప్రవందితా |
నాగేశ్వరీ నాగకన్యా నాగరీ చ నగాత్మజా || ౧౧ ||
నగాధిరాజతనయా నగరాజప్రపూజితా |
నవీనా నీరదా పీతా శ్యామా సౌందర్యకారిణీ || ౧౨ ||
రక్తా నీలా ఘనా శుభ్రా శ్వేతా సౌభాగ్యదాయినీ |
సుందరీ సౌభగా సౌమ్యా స్వర్ణభా స్వర్గతిప్రదా || ౧౩ ||
రిపుత్రాసకరీ రేఖా శత్రుసంహారకారిణీ |
భామినీ చ తథా మాయా స్తంభినీ మోహినీ శుభా || ౧౪ ||
రాగద్వేషకరీ రాత్రీ రౌరవధ్వంసకారిణీ |
యక్షిణీ సిద్ధనివహా సిద్ధేశా సిద్ధిరూపిణీ || ౧౫ ||
లంకాపతిధ్వంసకరీ లంకేశరిపువందితా |
లంకానాథకులహరా మహారావణహారిణీ || ౧౬ ||
దేవదానవసిద్ధౌఘపూజితా పరమేశ్వరీ |
పరాణురూపా పరమా పరతంత్రవినాశినీ || ౧౭ ||
వరదా వరదారాధ్యా వరదానపరాయణా |
వరదేశప్రియా వీరా వీరభూషణభూషితా || ౧౮ ||
వసుదా బహుదా వాణీ బ్రహ్మరూపా వరాననా |
బలదా పీతవసనా పీతభూషణభూషితా || ౧౯ ||
పీతపుష్పప్రియా పీతహారా పీతస్వరూపిణీ |
ఇతి తే కథితం విప్ర నామ్నామష్టోత్తరం శతమ్ || ౨౦ ||
యః పఠేత్ పాఠయేద్వాపి శృణుయాద్వా సమాహితః |
తస్య శత్రుః క్షయం సద్యో యాతి నైవాత్ర సంశయః || ౨౧ ||
ప్రభాతకాలే ప్రయతో మనుష్యః
పఠేత్ సుభక్త్యా పరిచింత్య పీతామ్ |
ద్రుతం భవేత్తస్య సమస్తవృద్ధి-
-ర్వినాశమాయాతి చ తస్య శత్రుః || ౨౨ ||
ఇతి శ్రీవిష్ణుయామలే నారదవిష్ణుసంవాదే శ్రీ పీతాంబర్యష్టోత్తరశతనామ స్తోత్రమ్ ||