ಲೋಕಂ ಸುಖಯಂತಂ ವಿಲಸಿತವಂತಂ ಪ್ರಕಟಿತದಂತಂ ನೃತ್ಯಕರಮ್ |
ಡಮರುಧ್ವನಿಶಂಖಂ ತರಳವಸಂತಂ ಮಧುರಹಸಂತಂ ಲೋಕಭರಂ
ಭಜ ಭಜ ಭೂತೇಶಂ ಪ್ರಕಟಮಹೇಶಂ ಭೈರವವೇಷಂ ಕಷ್ಟಹರಮ್ || ೧ ||
ಚರ್ಚಿತಸಿಂದೂರಂ ರಣಭುವಿಶೂರಂ ದುಷ್ಟವಿದೂರಂ ಶ್ರೀನಿಕರಂ
ಕಿಂಕಿಣಿಗಣರಾವಂ ತ್ರಿಭುವನಪಾವಂ ಖರ್ಪರಸಾವಂ ಪುಣ್ಯಭರಮ್ |
ಕರುಣಾಮಯವೇಷಂ ಸಕಲಸುರೇಶಂ ಮುಕ್ತಸುಕೇಶಂ ಪಾಪಹರಂ
ಭಜ ಭಜ ಭೂತೇಶಂ ಪ್ರಕಟಮಹೇಶಂ ಭೈರವವೇಷಂ ಕಷ್ಟಹರಮ್ || ೨ ||
ಕಲಿಮಲಸಂಹಾರಂ ಮದನವಿಹಾರಂ ಫಣಿಪತಿಹಾರಂ ಶೀಘ್ರಕರಂ
ಕಲುಷಂ ಶಮಯಂತಂ ಪರಿಭೃತಸಂತಂ ಮತ್ತದೃಗಂತಂ ಶುದ್ಧತರಮ್ |
ಗತಿನಿಂದಿತಕೇಶಂ ನರ್ತನದೇಶಂ ಸ್ವಚ್ಛಕಶಂ ಸನ್ಮುಂಡಕರಂ
ಭಜ ಭಜ ಭೂತೇಶಂ ಪ್ರಕಟಮಹೇಶಂ ಭೈರವವೇಷಂ ಕಷ್ಟಹರಮ್ || ೩ ||
ಕಠಿನಸ್ತನಕುಂಭಂ ಸುಕೃತಸುಲಭಂ ಕಾಳೀಡಿಂಭಂ ಖಡ್ಗಧರಂ
ವೃತಭೂತಪಿಶಾಚಂ ಸ್ಫುಟಮೃದುವಾಚಂ ಸ್ನಿಗ್ಧಸುಕಾಚಂ ಭಕ್ತಭರಮ್ |
ತನುಭಾಜಿತಶೇಷಂ ವಿಲಮಸುದೇಶಂ ಕಷ್ಟಸುರೇಶಂ ಪ್ರೀತಿನರಂ
ಭಜ ಭಜ ಭೂತೇಶಂ ಪ್ರಕಟಮಹೇಶಂ ಭೈರವವೇಷಂ ಕಷ್ಟಹರಮ್ || ೪ ||
ಲಲಿತಾನನಚಂದ್ರಂ ಸುಮನವಿತಂದ್ರಂ ಬೋಧಿತಮಂದ್ರಂ ಶ್ರೇಷ್ಠವರಂ
ಸುಖಿತಾಖಿಲಲೋಕಂ ಪರಿಗತಶೋಕಂ ಶುದ್ಧವಿಲೋಕಂ ಪುಷ್ಟಿಕರಮ್ |
ವರದಾಭಯಹಾರಂ ತರಲಿತತಾರಂ ಕ್ಷುದ್ರವಿದಾರಂ ತುಷ್ಟಿಕರಂ
ಭಜ ಭಜ ಭೂತೇಶಂ ಪ್ರಕಟಮಹೇಶಂ ಭೈರವವೇಷಂ ಕಷ್ಟಹರಮ್ || ೫ ||
ಸಕಲಾಯುಧಭಾರಂ ವಿಜನವಿಹಾರಂ ಸುಶ್ರವಿಶಾರಂ ಭ್ರಷ್ಟಮಲಂ
ಶರಣಾಗತಪಾಲಂ ಮೃಗಮದಭಾಲಂ ಸಂಜಿತಕಾಲಂ ಸ್ವೇಷ್ಟಬಲಮ್ |
ಪದನೂಪೂರಸಿಂಜಂ ತ್ರಿನಯನಕಂಜಂ ಗುಣಿಜನರಂಜನ ಕಷ್ಟಹರಂ
ಭಜ ಭಜ ಭೂತೇಶಂ ಪ್ರಕಟಮಹೇಶಂ ಭೈರವವೇಷಂ ಕಷ್ಟಹರಮ್ || ೬ ||
ಮರ್ದಯಿತುಸರಾವಂ ಪ್ರಕಟಿತಭಾವಂ ವಿಶ್ವಸುಭಾವಂ ಜ್ಞಾನಪದಂ
ರಕ್ತಾಂಶುಕಜೋಷಂ ಪರಿಕೃತತೋಷಂ ನಾಶಿತದೋಷಂ ಸನ್ಮತಿದಮ್ |
ಕುಟಿಲಭ್ರುಕುಟೀಕಂ ಜ್ವರಧನನೀಕಂ ವಿಸರಂಧೀಕಂ ಪ್ರೇಮಭರಂ
ಭಜ ಭಜ ಭೂತೇಶಂ ಪ್ರಕಟಮಹೇಶಂ ಭೈರವವೇಷಂ ಕಷ್ಟಹರಮ್ || ೭ ||
ಪರಿನಿರ್ಜಿತಕಾಮಂ ವಿಲಸಿತವಾಮಂ ಯೋಗಿಜನಾಭಂ ಯೋಗೇಶಂ
ಬಹುಮದ್ಯಪನಾಥಂ ಗೀತಸುಗಾಥಂ ಕಷ್ಟಸುನಾಥಂ ವೀರೇಶಮ್ |
ಕಲಯಂತಮಶೇಷಂ ಭೃತಜನದೇಶಂ ನೃತ್ಯಸುರೇಶಂ ದತ್ತವರಂ
ಭಜ ಭಜ ಭೂತೇಶಂ ಪ್ರಕಟಮಹೇಶಂ ಭೈರವವೇಷಂ ಕಷ್ಟಹರಮ್ || ೮ ||
ಇತಿ ಶ್ರೀ ಭೈರವ ತಾಂಡವ ಸ್ತೋತ್ರಮ್ ||