దివ్య స్వరూపుడవే మా అంజన్న
కొండగట్టు క్షేత్రమందు మా అంజన్న
ఎంత గొప్ప దేవుడవే మా అంజన్న
మా పిల్లపాపల్ని చల్లగా చూడయ్య
మా పాడి పంటల్ని పచ్చగా చూడయ్య
మా అండదండగా నీవుండ అంజన్న
ఎంత చక్కని దేవుడవే మా అంజన్న
మా అండ నీవుండయ్య మా అంజన్న
గుండంలో స్నానాలు.. గుడి చుట్టూ దండాలు
గుడిలోన నీ పూజ మెండుగా చేసేము
టెంకాయ కొట్టేము.. కోర్కెలు తీర్చయ్య
జిల్లేడాకుల దండలు మా అంజన్న
మనసుతో నీకేతుము మా అంజన్న
ఘనఘన గంటలు నీ గుడిలో మోగంగా
లక్షల భక్తులు నీ పూజ చేసేరు
భక్తుల కాపాడే భగవంతుడవు నీవే
సిరి గల దేవుడవే మా అంజన్న
చింతలు తీర్చావయ్య మా అంజన్న
వారవారం నాడు.. మంగళవారం నాడు
మరువకుండా నిన్ను కొలుచుకుంటామే
ఒక్కపొద్దులతోని పూజల్ని జరిపేము
కోటొక్క భక్తులంత మా అంజన్న
నిను కొలిచే భక్తులంత మా అంజన్న