ಶೃಂಗೇರ್ಯಾಖ್ಯಪುರಸ್ಥಿತೇ ಸುವಿಮಲೇ ಸನ್ಮೌನಿಸಂಸೇವಿತೇ |
ಪೀಠೇ ತಾಂ ರವಿಕೋಟಿದೀಪ್ತಿಸಹಿತಾಂ ರಾರಾಜ್ಯಮಾನಾಂ ಶಿವಾಂ
ರಾಜೀವಾಕ್ಷಮುಖಾಮರಾರ್ಚಿತಪದಾಂ ವಂದೇ ಸದಾ ಶಾರದಾಮ್ || ೧ ||
ಪಾದಾನಮ್ರಜನಾರ್ತಿನಾಶನಿಪುಣಾಂ ನಾದಾನುಸಂಧಾಯಿನೀಂ
ವೇದಾಂತಪ್ರತಿಪಾದ್ಯಮಾನವಿಭವಾಂ ವಾದಾದಿಶಕ್ತಿಪ್ರದಾಮ್ |
ವಿದ್ಯಾಕಲ್ಪಲತಾಂ ಚತುರ್ಮುಖಮುಖಾಂಭೋಜಾತಸೂರ್ಯಾಯಿತಾಂ
ವಿದ್ಯಾತೀರ್ಥಗುರೂತ್ತಮೈರಹರಹಃ ಸಂಸೇವ್ಯಮಾನಾಂ ಭಜೇ || ೨ ||
ಈಷತ್ಸ್ಮೇರಮುಖಾಂಬುಜಾಂ ಕುಚಭರಾನಮ್ರಾಂ ತ್ರಿಲೋಕಾವನೀಂ
ದೈತ್ಯವ್ರಾತವಿನಾಶಿನೀಂ ಕಚಜಿತಪ್ರಾವೃಟ್ಪಯೋದಾಂ ಶಿವಮ್ |
ಸಂಸಾರಾರ್ಣವಮಗ್ನದೀನಜನತಾಸಂತಾಪಸನ್ನಾಶಿನೀಂ
ವಂದೇ ತಾಂ ಶುಭದಾಮನನ್ಯಶರಣಃ ಸ್ವಾಂತೇ ಸದಾ ಶಾರದಾಮ್ || ೩ ||
ಕಾರುಣ್ಯಾಮೃತವಾರಿರಾಶಿಮನಿಶಂ ಕೇಯೂರಹಾರೈರ್ವೃತಾಂ
ಕಾಮಾರೇಃ ಸಹಜಾಂ ಕರಾಬ್ಜವಿಲಸತ್ಕೀರಾಂ ಕುಬೇರಾರ್ಚಿತಾಮ್ |
ಕಾಮಕ್ರೋಧಮುಖಾರಿವರ್ಗಶಮನೀಂ ಕೈವಲ್ಯಸಂಪತ್ಪ್ರದಾಂ
ಕಂಜೋದ್ಭೂತಮನಃಪ್ರಿಯಾಂ ಹೃದಿ ಭಜೇ ಭಕ್ತ್ಯಾ ಸದಾ ಶಾರದಾಮ್ || ೪ ||
ನಿತ್ಯಾಽನಿತ್ಯವಿವೇಕದಾನನಿಪುಣಾಂ ಸ್ತುತ್ಯಾಂ ಮುಕುಂದಾದಿಭಿಃ
ಯತ್ಯಾಕಾರಶಶಾಂಕಮೌಳಿವಿನುತಾಂ ಸತ್ಯಾಪಿತಸ್ವಾಶ್ರವಾಮ್ |
ನತ್ಯಾ ಕೇವಲಮೇವ ತುಷ್ಟಹೃದಯಾಂ ತ್ಯಕ್ತ್ವಾಽನ್ಯದೇವಾನಹಂ
ಭಕ್ತ್ಯಾ ಮೇ ಹೃದಯಾಂಬುಜೇಽನವರತಂ ವಂದೇ ಸದಾ ಶಾರದಾಮ್ || ೫ ||
ಇತಿ ಶ್ರೀ ಶಾರದಾ ಪಂಚರತ್ನ ಸ್ತುತಿಃ |