ಸರೋಜಾಭನೇತ್ರಾಂ ಸ್ಫುರದ್ರತ್ನಮೌಳಿಮ್ |
ಘನಾಕಾರವೇಣೀಂ ನಿರಾಕಾರವೃತ್ತಿಂ
ಭಜೇ ಶಾರದಾಂ ವಾಸರಾಪೀಠವಾಸಾಮ್ || ೧ ||
ಧರಾಭಾರಪೋಷಾಂ ಸುರಾನೀಕವಂದ್ಯಾಂ
ಮೃಣಾಳೀಲಸದ್ಬಾಹುಕೇಯೂರಯುಕ್ತಾಮ್ |
ತ್ರಿಲೋಕೈಕಸಾಕ್ಷೀಮುದಾರಸ್ತನಾಢ್ಯಾಂ
ಭಜೇ ಶಾರದಾಂ ವಾಸರಾಪೀಠವಾಸಾಮ್ || ೨ ||
ದುರಾಸಾರಸಂಸಾರತೀರ್ಥಾಂಘ್ರಿಪೋತಾಂ
ಕ್ವಣತ್ಸ್ವರ್ಣಮಾಣಿಕ್ಯಹಾರಾಭಿರಾಮಾಮ್ |
ಶರಚ್ಚಂದ್ರಿಕಾಧೌತವಾಸೋಲಸಂತೀಂ
ಭಜೇ ಶಾರದಾಂ ವಾಸರಾಪೀಠವಾಸಾಮ್ || ೩ ||
ವಿರಿಂಚೀಂದ್ರವಿಷ್ಣ್ವಾದಿಯೋಗೀಂದ್ರ ಪೂಜ್ಯಾಂ
ಪ್ರಸನ್ನಾಂ ವಿಪನ್ನಾರ್ತಿನಾಶಾಂ ಶರಣ್ಯಾಮ್ |
ತ್ರಿಲೋಕಾಧಿನಾಥಾಧಿನಾಥಾಂ ತ್ರಿಶೂನ್ಯಾಂ
ಭಜೇ ಶಾರದಾಂ ವಾಸರಾಪೀಠವಾಸಾಮ್ || ೪ ||
ಅನಂತಾಮಗಮ್ಯಾಮನಾದ್ಯಾಮಭಾವ್ಯಾ-
-ಮಭೇದ್ಯಾಮದಾಹ್ಯಾಮಲೇಪ್ಯಾಮರೂಪಾಮ್ |
ಅಶೋಷ್ಯಾಮಸಂಗಾಮದೇಹಾಮವಾಚ್ಯಾಂ
ಭಜೇ ಶಾರದಾಂ ವಾಸರಾಪೀಠವಾಸಾಮ್ || ೫ ||
ಮನೋವಾಗತೀತಾಮನಾಮ್ನೀಮಖಂಡಾ-
-ಮಭಿನ್ನಾತ್ಮಿಕಾಮದ್ವಯಾಂ ಸ್ವಪ್ರಕಾಶಾಮ್ |
ಚಿದಾನಂದಕಂದಾಂ ಪರಂಜ್ಯೋತಿರೂಪಾಂ
ಭಜೇ ಶಾರದಾಂ ವಾಸರಾಪೀಠವಾಸಾಮ್ || ೬ ||
ಸದಾನಂದರೂಪಾಂ ಶುಭಯೋಗರೂಪಾಂ
ಅಶೇಷಾತ್ಮಿಕಾಂ ನಿರ್ಗುಣಾಂ ನಿರ್ವಿಕಾರಾಮ್ |
ಮಹಾವಾಕ್ಯವೇದ್ಯಾಂ ವಿಚಾರಪ್ರಸಂಗಾಂ
ಭಜೇ ಶಾರದಾಂ ವಾಸರಾಪೀಠವಾಸಾಮ್ || ೭ ||
ಪರಾತ್ಮಸ್ವರೂಪಾಮವಿದ್ಯಾನಿಹಂತ್ರೀಂ
ಸದಾ ನಿತ್ಯಯುಕ್ತಾಂ ಸದಾ ಶುದ್ಧಬೋಧಾಮ್ |
ತ್ರಿಕಾಲೈಕರೂಪಾಮಶೇಷೈಕಹೃತ್ಸ್ಥಾಂ
ಭಜೇ ಶಾರದಾಂ ವಾಸರಾಪೀಠವಾಸಾಮ್ || ೮ ||
ಇತಿ ಶ್ರೀವಾಲ್ಮೀಕಿ ಕೃತ ಶ್ರೀ ವಾಸರ ಸರಸ್ವತೀ ಸ್ತೋತ್ರಮ್ ||