ಮಲ್ಲೀತಲ್ಲಜಮಾಲತೀಸುಮನಸಾಂ ಸೌಭಾಗ್ಯಪಾಟಚ್ಚರೀ |
ಫುಲ್ಲೇಂದೀವರಬೃಂದಷಟ್ಪದತಮಃಸಂದೋಹಸಂದೇಹಕೃ-
-ದ್ವೇಣೀಕಾ ವಿಧಿಸುಂದರೀ ಮಮ ಭವೇದಾನಂದಸಂದೋಹಿನೀ || ೧ ||
ಯತ್ಪಾದಾಂಬುಜಸೇವಯೈವ ಸಸುರೋ ಲೋಕಃ ಸಮರ್ತ್ಯಾಸುರೋ
ವಾಗೌನ್ನತ್ಯಮಗಾಹತ ಶ್ರುತಿವಚೋವೀಥೀಷು ಯಾ ಗೀಯತೇ |
ಯಾ ಶ್ವೇತಾಂಬುಜಮಧ್ಯವಾಸರಸಿಕಾ ಯಾ ನಮ್ರರಕ್ಷಾಮಣಿಃ
ಧಾತುಃ ಕಾಪಿ ಕುಟುಂಬಿನೀ ವಿತರತಾತ್ ಸಾ ನಿರ್ವೃತಿಂ ನೋಽತುಲಾಮ್ || ೨ ||
ಕಸ್ತೂರೀಘನಸಾರಗಂಧಲಹರೀಸಂವಾಸಿತೋರಃಸ್ಥಲಾ
ಸಂವೀತಾ ಸ್ಫುಟಕಾಶಪುಷ್ಪಸದೃಶಕ್ಷೌಮಾಂಶುಕೇನಾನಿಶಮ್ |
ಪುಸ್ತಂ ಹಸ್ತಚತುಷ್ಟಯೇ ಜಪವಟೀಂ ಶಸ್ತಾಂ ಶುಕೀಂ ವಲ್ಲಕೀಂ
ಬಿಭ್ರಾಣಾ ಗೃಹಿಣೀ ವಿಧಾತುರವತಾನ್ನಃ ಸೇವಯಾ ತೋಷಿತಾ || ೩ ||
ಶುಭ್ರಂ ದಭ್ರವಲಗ್ನಮಭ್ರತನು ತೇಽದಭ್ರಪ್ರಮೋದಪ್ರದಂ
ವಿಭ್ರಾಂತೇ ಭ್ರಮದಂಧಪಸ್ಯ ಸತತಂ ತೈಸ್ತೈರ್ನಿಜೈರ್ವಿಭ್ರಮೈಃ |
ಶಬ್ದಬ್ರಹ್ಮಮಯೇ ಜಗತ್ಯನಿತರಾಪೇಕ್ಷಾಧಿಕಾರಕ್ರಿಯಂ
ಕಿಂಚಿತ್ಕುಂಚಿತಕೇಶಮದ್ಯ ಜಯತಿ ಸ್ರಷ್ಟುರ್ಭುವಿಷ್ಠಂ ಮಹಃ || ೪ ||
ಇತಿ ಶ್ರೀ ಸರಸ್ವತೀ ಸ್ತೋತ್ರಮ್ ||