ಹರಿಚಂದನಕುಂಕುಮಪಂಕಯುತಮ್ |
ಮುನಿಬೃಂದಗಜೇಂದ್ರಸಮಾನಯುತಂ
ತವ ನೌಮಿ ಸರಸ್ವತಿ ಪಾದಯುಗಮ್ || ೧ ||
ಶಶಿಶುದ್ಧಸುಧಾಹಿಮಧಾಮಯುತಂ
ಶರದಂಬರಬಿಂಬಸಮಾನಕರಮ್ |
ಬಹುರತ್ನಮನೋಹರಕಾಂತಿಯುತಂ
ತವ ನೌಮಿ ಸರಸ್ವತಿ ಪಾದಯುಗಮ್ || ೨ ||
ಕನಕಾಬ್ಜವಿಭೂಷಿತಭೂತಿಭವಂ
ಭವಭಾವವಿಭಾಷಿತಭಿನ್ನಪದಮ್ |
ಪ್ರಭುಚಿತ್ತಸಮಾಹಿತಸಾಧುಪದಂ
ತವ ನೌಮಿ ಸರಸ್ವತಿ ಪಾದಯುಗಮ್ || ೩ ||
ಭವಸಾಗರಮಜ್ಜನಭೀತಿನುತಂ
ಪ್ರತಿಪಾದಿತಸಂತತಿಕಾರಮಿದಮ್ |
ವಿಮಲಾದಿಕಶುದ್ಧವಿಶುದ್ಧಪದಂ
ತವ ನೌಮಿ ಸರಸ್ವತಿ ಪಾದಯುಗಮ್ || ೪ ||
ಮತಿಹೀನಜನಾಶ್ರಯಪಾದಮಿದಂ
ಸಕಲಾಗಮಭಾಷಿತಭಿನ್ನಪದಮ್ |
ಪರಿಪೂರಿತವಿಶ್ವಮನೇಕಭವಂ
ತವ ನೌಮಿ ಸರಸ್ವತಿ ಪಾದಯುಗಮ್ || ೫ ||
ಪರಿಪೂರ್ಣಮನೋರಥಧಾಮನಿಧಿಂ
ಪರಮಾರ್ಥವಿಚಾರವಿವೇಕವಿಧಿಮ್ |
ಸುರಯೋಷಿತಸೇವಿತಪಾದತಲಂ
ತವ ನೌಮಿ ಸರಸ್ವತಿ ಪಾದಯುಗಮ್ || ೬ ||
ಸುರಮೌಳಿಮಣಿದ್ಯುತಿಶುಭ್ರಕರಂ
ವಿಷಯಾದಿಮಹಾಭಯವರ್ಣಹರಮ್ |
ನಿಜಕಾಂತಿವಿಲೇಪಿತಚಂದ್ರಶಿವಂ
ತವ ನೌಮಿ ಸರಸ್ವತಿ ಪಾದಯುಗಮ್ || ೭ ||
ಗುಣನೈಕಕುಲಸ್ಥಿತಿಭೀತಿಪದಂ
ಗುಣಗೌರವಗರ್ವಿತಸತ್ಯಪದಮ್ |
ಕಮಲೋದರಕೋಮಲಪಾದತಲಂ
ತವ ನೌಮಿ ಸರಸ್ವತಿ ಪಾದಯುಗಮ್ || ೮ ||
ತ್ರಿಸಂಧ್ಯಂ ಯೋ ಜಪೇನ್ನಿತ್ಯಂ ಜಲೇ ವಾಪಿ ಸ್ಥಲೇ ಸ್ಥಿತಃ |
ಪಾಠಮಾತ್ರಾದ್ಭವೇತ್ಪ್ರಾಜ್ಞೋ ಬ್ರಹ್ಮನಿಷ್ಠಃ ಪುನಃ ಪುನಃ ||
ಇತಿ ಶ್ರೀ ಸರಸ್ವತೀ ಸ್ತೋತ್ರಮ್ ||