ವಿದ್ಯಾರಂಭಂ ಕರಿಷ್ಯಾಮಿ ಸಿದ್ಧಿರ್ಭವತು ಮೇ ಸದಾ || ೧ ||
ಪದ್ಮಪತ್ರವಿಶಾಲಾಕ್ಷಿ ಪದ್ಮಕೇಸರವರ್ಣಿನಿ |
ನಿತ್ಯಂ ಪದ್ಮಾಲಯೇ ದೇವಿ ಸಾ ಮಾಂ ಪಾತು ಸರಸ್ವತೀ || ೨ ||
ಸರಸ್ವತೀಂ ಸತ್ಯವಾಸಾಂ ಸುಧಾಂಶುಸಮವಿಗ್ರಹಾಮ್ |
ಸ್ಫಟಿಕಾಕ್ಷಸ್ರಜಂ ಪದ್ಮಂ ಪುಸ್ತಕಂ ಚ ಶುಕಂ ಕರೈಃ || ೩ ||
ಚತುರ್ಭಿರ್ದಧತೀಂ ದೇವೀಂ ಚಂದ್ರಬಿಂಬಸಮಾನನಾಮ್ |
ವಲ್ಲಭಾಮಖಿಲಾರ್ಥಾನಾಂ ವಲ್ಲಕೀವಾದನಪ್ರೀತ್ಯಾಮ್ || ೪ ||
ಭಾರತೀಂ ಭಾವಯೇ ದೇವೀಂ ಭಾಷಾಣಾಮಧಿದೇವತಾಮ್ |
ಭಾವಿತಾಂ ಹೃದಯೇ ಸದ್ಭಿಃ ಭಾಮಿನೀಂ ಪರಮೇಷ್ಠಿನಃ || ೫ ||
ಚತುರ್ಭುಜಾಂ ಚಂದ್ರವರ್ಣಾಂ ಚತುರಾನನವಲ್ಲಭಾಮ್ |
ಆರಾಧಯಾಮಿ ವಾಣೀಂ ತಾಂ ಆಶ್ರಿತಾರ್ಥಪ್ರದಾಯಿನೀಮ್ || ೬ ||
ಕುಂದಪ್ರಸೂನರದನಾಂ ಮಂದಸ್ಮಿತಶುಭಾನನಾಮ್ |
ಗಂಧರ್ವಪೂಜಿತಾಂ ವಂದೇ ನೀರಜಾಸನವಲ್ಲಭಾಮ್ || ೭ ||
ಯಾ ಕುಂದೇಂದುತುಷಾರಹಾರಧವಳಾ ಯಾ ಶುಭ್ರವಸ್ತ್ರಾವೃತಾ
ಯಾ ವೀಣಾವರದಂಡಮಂಡಿತಕರಾ ಯಾ ಶ್ವೇತಪದ್ಮಾಸನಾ |
ಯಾ ಬ್ರಹ್ಮಾಚ್ಯುತಶಂಕರಪ್ರಭೃತಿಭಿರ್ದೇವೈಃ ಸದಾ ಪೂಜಿತಾ
ಸಾ ಮಾಂ ಪಾತು ಸರಸ್ವತೀ ಭಗವತೀ ನಿಃಶೇಷಜಾಡ್ಯಾಪಹಾ || ೮ ||
ಬುದ್ಧಿಂ ದೇಹಿ ಯಶೋ ದೇಹಿ ಕವಿತ್ವಂ ದೇಹಿ ದೇಹಿ ಮೇ |
ಮೃಡತ್ವಂ ಚ ಹರೇರ್ದೇವಿ ತ್ರಾಹಿ ಮಾಂ ಶರಣಾಗತಮ್ || ೯ ||
ಇತಿ ಶ್ರೀ ಸರಸ್ವತೀ ಸ್ತೋತ್ರಮ್ ||