మహాలక్ష్మి నీ మహిమలే గౌరమ్మ చిత్రమై తోచెనమ్మ గౌరమ్మ ||2||
1. భారతీసతివైయి! బ్రహ్మకిల్లాలివై పార్వతిదేవివై, పరమేశురాలివై
పరగ శ్రీలక్ష్మివమ్మొ గౌరమ్మ, భార్యవైతివి హరికివే గౌరమ్మ
||శ్రీలక్ష్మి
2. ఏన్నెన్నిరూపములు, ఏడేడు లోకాల వున్న జనులకు
కొంగుబంగారమై కన్నతల్లీవైతివే గౌరమ్మ కామధేనువైతివే గౌరమ్మ
||శ్రీలక్ష్మి!!
3. ముక్కోటి దేవతలు చక్కానీకాంతలు ఏక్కూవా నీనుగుర్చి
పెక్కునోములు నోమిరి గౌరమ్మ ఈ లోకములందుండిరీ గౌరమ్మ
||శ్రీలక్ష్మి!
4. తమకంటే ఎక్కువ దైవము ఎవ్వరు లేరు తమకింపు గుర్తింప
సకలలోకంబలో క్రమముచే పలించగా గౌరమ్మ కన్నుల పండుగాయే గౌరమ్మ
||శ్రీలక్ష్మి!
5. నిగనిగాయనేటి నగుమోముతోజూపి జగతి పున్నమినటి
చంద్రునిఒడించు సొగసైన నీతిలకమే గౌరమ్మ చూచితే అనందమే గౌరమ్మ
||శ్రీలక్ష్మి
6. రత్నాల జపమాల రాజహరంబులూ ముత్యాల పగడాలు
మణిమాణిక్యాలు దరియిస్తివే గౌరమ్మ ముద్దుమంగళసూత్రమే గౌరమ్మ
||శ్రీలక్ష్మి
7. నల్లవరి బియ్యము మల్లె మొగ్గలవలె తెల్ల వజ్రంబులూ
ముల్లోకములనేలే తల్లినిదంతములే గౌరమ్మ దానిమ్మ బీజంబులే గౌరమ్మ
||శ్రీలక్ష్మి
8. తొమ్మిది దినమూలు నెమ్మనంబునపొంగి అమ్మలక్కలు గూడి
ఆస్తిలో తమకున్న సొమ్ములను దర్శించుగా గౌరమ్మ శోభనంబని పాడిరీ గౌరమ్మ
||శ్రీలక్ష్మి!
9. బంగారు పువ్వులు బతకమ్మలను పేర్చి మంగళంబున నిన్ను మధ్య
నానిలిపీలి రంగు గుమ్మడి పూవులే గౌరమ్మ రాసిగాఅర్పింతుమే గౌరమ్మ
||శ్రీలక్ష్మి!
10. గట్ల పుష్పంబులూ తామరపూవులు కాలగొట్టపుపువ్వూలు గన్నెరూ | పువ్వూలు లిల్లి పువ్వులు జల్లుచూ గౌరమ్మ పొగడ పువ్వులు నింపుచు గౌరమ్మ
||శ్రీలక్ష్మి!!
11. పన్నీరు అత్తారు పచగంధంబును పరిమళంబులు బుక్క
బారైనకస్తూరి పసుపుకుంకుమ గుప్పుచు గౌరమ్మ పాటలెన్నో పాడిరీ గౌరమ్మ
||శ్రీలక్ష్మి!!
12. నూటొక్క పువ్వులు కోటినోములు నోమి నీటుగా కాంతలు
ఆటపాటలతోను మాటికి నిను మెచ్చగా గౌరమ్మ మంగళరతులు పాడిరే గౌరమ్మ
||శ్రీలక్ష్మి
13. కోరి ఈరీతిగా కలిపూజింతురూ చారుసుందరమైన
సౌభాగ్యములనిచ్చి కారున్యములనేలవే గౌరమ్మ కల్పాయు నోసగము గౌరమ్మ
||శ్రీలక్ష్మి!!
14. పారిజాతంబూలు పగిడితంగేడి పువ్వూలు గోరింటపున్నేలు
కురువింద మల్లేలు తీరు రుద్రాక్షపూలే గౌరమ్మ పేరైన కనకాబ్రాలే గౌరమ్మ
||శ్రీలక్ష్మి
15, పాలుమీగడలఅటు పానకంబున జున్ను పోలేలు మరిమడుగు
పూరీలుసేమియాలు మేలు చక్కెర గరిజలే గౌరమ్మ మెప్పుగా అరిపింతుమే గౌరమ్మ
| |శ్రీలక్ష్మి
16. గంగనర్మద యమున కావేరి సరియు తుంగబద్రాది
ముచుకుందనది తీరమున పొంగివేడుకచేయగా గౌరమ్మ పురుషులు స్త్రీలుకూడి గౌరమ్మ
||శ్రీలక్ష్మి
17. నూటక్కపువ్వూలు కోటినోములు నోమి నేరుగా కాంతలు
ఆటలపాటలతోటి ఘనముగా నీ పూజలే గౌరమ్మ భక్తితో మెము సేతుమే గౌరమ్మ
||శ్రీలక్ష్మి
18. పాడినావారికి పాటవినువారికి జోడుపల్లాకీలు మేలుజాతి గుజ్రాల
చూడసొంపగు గజములు గౌరమ్మ వేడుకాతోనిచ్చునూ గైరమ్మ ||శ్రీలక్ష్మి!!