శ్రీ బగలాపంజర స్తోత్రం అథవా శ్రీ పీతాంబరాపంజరస్తోత్రం

 

సూత ఉవాచ –

సహస్రాదిత్యసంకాశం శివం సాంబం సనాతనం .

ప్రణమ్య నారదః ప్రాహ వినమ్రో నతకంధరః .. 1..

శ్రీనారద ఉవాచ –

భగవన్ సాంబ తత్త్వజ్ఞ సర్వదుఃఖాపహారక .

శ్రీమత్పీతాంబరాదేవ్యాః పంజరం పుణ్యదం సతాం .. 2..

ప్రకాశయ విభో నాథ కృపాం కృత్వా మమోపరి .

యద్యహం తవ పాదాబ్జధూలిధూసరితోఽభవత్ .. 3..

వినియోగః –

అస్య శ్రీమద్బగలాముఖీ పీతాంబరా పంజరరూపస్తోత్రమంత్రస్య

భగవాన్ నారదఋషిః, అనుష్టుప్ఛందః,

జగద్వశ్యకరీ శ్రీపీతాంబరా బగలాముఖీ దేవతా,

హ్లీం బీజం, స్వాహా శక్తిః, క్లీం కీలకం,

మమ విపక్షపరసైన్యమంత్ర-తంత్ర-యంత్రాదికృత్యక్షయార్థం

శ్రీమత్పీతాంబరా బగలాముఖీ దేవతాప్రీత్యర్థే చ జపే వినియోగః ..

ఋష్యాది న్యాసః –

భగవాన్ నారదఋషయే నమః శిరసి .

అనుష్టుప్ఛందసే నమః ముఖే .

జగద్వశ్యకరీ శ్రీపీతాంబరా బగలాముఖీ దేవతాయై నమః హృదయే .

హ్లీం బీజాయ నమః దక్షిణస్తనే స్వాహా . శక్త్యై నమః వామస్తనే .

క్లీం కీలకాయ నమః నాభౌ .

మమ విపక్షపరసైన్యమంత్రతంత్రయంత్రాదికృత్యక్షయార్థం

శ్రీమత్పీతాంబరా బగలాదేవ్యాః ప్రీతయే జపే వినియోగః .

కరసంపుటేన కరమూలేన కరశుద్ధిః .

హ్లామితి షట్దీర్ఘేణ షడంగః . మూలేన వ్యాపకన్యాసం కుర్యాత్ ..

కరన్యాసః –

హ్లాం అంగుష్ఠాభ్యాం నమః .

హ్లీం తర్జనీభ్యాం స్వాహా .

హ్లూం మధ్యమాభ్యాం వషట్ .

హ్లైం అనామికాభ్యాం హుం .

హ్లౌం కనిష్ఠికాభ్యాం వౌషట్ .

హ్లః కరతలకరపృష్ఠాభ్యాం ఫట్ ..

అంగన్యాసః –

హ్లాం హృదయాయ నమః .

హ్లీం శిరసే స్వాహా .

హ్లూం శిఖాయై వషట్ .

హ్లైం కవచాయ హుం .

హ్లౌ నేత్రత్రయాయ వౌషట్ .

హ్లః అస్త్రాయ ఫట్ ..

వ్యాపకన్యాసః –

ఓం హ్లీం అంగుష్ఠాభ్యాం నమః .

ఓం బగలాముఖీ తర్జనీభ్యాం స్వాహా .

ఓం సర్వదుష్టానాం మధ్యమాభ్యాం వషట్ .

ఓం వాచం ముఖం పదం స్తంభయ అనామికాభ్యాం హుం .

ఓం జిహ్వాం కీలయ కనిష్ఠికాభ్యాం వౌషట్ .

ఓం బుద్ధిం వినాశయ హ్లీం ఓం స్వాహా కరతలకరపృష్ఠాభ్యాం ఫట్ ..

అంగన్యాసః –

ఓం హ్లీం హృదయాయ నమః .

ఓం బగలాముఖి శిరసే స్వాహా .

ఓం సర్వదుష్టానాం శిఖాయై వషట్ .

ఓం వాచం ముఖం పదం స్తంభయ కవచాయ హుం .

ఓం జిహ్వాం కీలయ నేత్రత్రయాయ వౌషట్ .

ఓం బుద్ధిం వినాశయ హ్లీం ఓం స్వాహా, అస్త్రాయ ఫట్ ..

ధ్యానం –

మధ్యే సుధాబ్ధిమణిమండపరత్నవేద్యాం var మణిమండితరత్నవేద్యాం

సింహాసనోపరిగతాం పరిపీతవర్ణాం .

పీతాంబరాభరణమాల్యవిభూషితాంగీం

దేవీం స్మరామి ధృతముద్గరవైరిజిహ్వాం .. var నమామి

ఇతి ధ్యాత్వా మనసా సంపూజ్య, యోనిముద్రాం ఏవం ముద్గరముద్రాం ప్రదర్శయ,

ఋష్యాదిన్యాసం కృత్వా, పంజరం న్యస్యేత్త్ .

శ్రీపీతాంబరాయై నమః లం పృథివ్యాత్మకం గంధం పరికల్పయామి .

శ్రీపీతాంబరాయై నమః హం ఆకాశాత్మకం పుష్పం పరికల్పయామి .

శ్రీపీతాంబరాయై నమః యం వాయవ్యాత్మకం ధూపం పరికల్పయామి .

శ్రీపీతాంబరాయై నమః వం అమృతాత్మకం నైవేద్యం పరికల్పయామి ..

అథ పంజరస్తోత్రం .

శ్రీశివ ఉవాచ –

పంజరం తత్ప్రవక్ష్యామి దేవ్యాః పాపప్రణాశనం .

యం ప్రవిశ్య చ బాధంతే బాణైరపి నరాః క్వచిత్ .. 1..

ఓం ఐం హ్లీం శ్రీం శ్రీమత్పీతాంబరాదేవీ బగలా బుద్ధివర్ద్ధినీ .

పాతు మామనిశం సాక్షాత్ సహస్రార్కసమద్యుతిః .. 2..

ఓం ఐం హ్లీం శ్రీం శిఖాదిపాదపర్యంతం వజ్రపంజరధారిణీ .

బ్రహ్మాస్త్రసంజ్ఞా యా దేవీ పీతాంబరావిభూషితా .. 3..

ఓం ఐం హ్లీం శ్రీం శ్రీబగలా హ్యవత్వత్ర చోర్ధ్వభాగం మహేశ్వరీ .

కామాంకుశా కలా పాతు బగలా శాస్త్రబోధినీ .. 4..

ఓం ఐం హ్లీం శ్రీం పీతాంబరా సహస్రాక్షా లలాటం కామితార్థదా .

పాతు మాం బగలా నిత్యం పీతాంబరసుధారిణీ .. 5..

ఓం ఐం హ్లీం శ్రీం కర్ణయోశ్చైవ యుగపదాతిరత్నప్రపూజితా .

పాతు మాం బగలాదేవీ నాసికాం మే గుణాకరా .. 6..

ఓం ఐం హ్లీం శ్రీం పీతపుష్పైః పీతవస్త్రైః పూజితా వేదదాయినీ .

పాతు మాం బగలా నిత్యం బ్రహ్మవిష్ణ్వాదిసేవితా .. 7..

ఓం ఐం హ్లీం శ్రీం పీతాంబరా ప్రసన్నాస్యా నేత్రయోర్యుగపద్భ్రువౌ .

పాతు మాం బగలా నిత్యం బలదా పీతవస్త్రధృక్ .. 8.. var బలిదా

ఓం ఐం హ్లీం శ్రీం అధరోష్ఠౌ తథా దంతాన్ జిహ్వాం చ ముఖగాం మమ .

పాతు మాం బగలాదేవీ పీతాంబరసుధారిణీ .. 9..

ఓం ఐం హ్లీం శ్రీం గలే హస్తే తథా బాహ్వోః యుగపద్బుద్ధిదాసతాం .

పాతు మాం బగలాదేవీ దివ్యస్రగనులేపనా .. 10..

ఓం ఐం హ్లీం శ్రీం హృదయే చ స్తనే నాభౌ కరావపి కృశోదరీ .

పాతు మాం బగలా నిత్యం పీతవస్త్రఘనావృతా .. 11..

జంఘాయాం చ తథా చోర్వోర్గుల్ఫయోశ్చాతివేగినీ .

అనుక్తమపి యత్స్థానం త్వక్కేశనఖలోమకం .. 12..

అసృఙ్మాంసం తథాస్థీనీ సంధయశ్చాపి మే పరా .

తాః సర్వా బగలాదేవీ రక్షేన్మే చ మనోహరా .. 13..

ఫలశ్రుతిః .

ఇత్యేతద్వరదం గోప్యం కలావపి విశేషతః .

పంజరం బగలాదేవ్యాః ఘోరదారిద్ర్యనాశనం .

పంజరం యః పఠేద్భక్త్యా స విఘ్నైర్నాభిభూతయే .. 14..

అవ్యాహతగతిశ్చాస్య బ్రహ్మవిష్ణ్వాదిసత్పురే .

స్వర్గే మర్త్యే చ పాతాలే నారయస్తం కదాచన .. 15..

న బాధంతే నరవ్యాఘ్రం పంజరస్థం కదాచన .

అతో భక్తైః కౌలికైశ్చ స్వరక్షార్థం సదైవ హి .. 16..

పఠనీయం ప్రయత్నేన సర్వానర్థవినాశనం .

మహాదారిద్ర్యశమనం సర్వమాంగల్యవర్ధనం .. 17..

విద్యావినయసత్సౌఖ్యం మహాసిద్ధికరం పరం .

ఇదం బ్రహ్మాస్త్రవిద్యాయాః పంజరం సాధు గోపితం .. 18..

పఠేత్స్మరేద్ధ్యానసంస్థః స జయేన్మరణం నరః .

యః పంజరం ప్రవిశ్యైవ మంత్రం జపతి వై భువి .. 19..

కౌలికోఽకౌలికో వాపి వ్యాసవద్విచరేద్భువి .

చంద్రసూర్యసమో భూత్వా వసేత్కల్పాయుతం దివి .. 20..

శ్రీసూత ఉవాచ

ఇతి కథితమశేషం శ్రేయసామాదిబీజం .

భవశతదురితఘ్నం ధ్వస్తమోహాంధకారం .

స్మరణమతిశయేన ప్రాప్తిరేవాత్ర మర్త్యః .

యది విశతి సదా వై పంజరం పండితః స్యాత్ .. 21..

.. ఇతి పరమరహస్యాతిరహస్యే శ్రీపీతాంబరాపంజరస్తోత్రం సంపూర్ణం ..