ప|| చాలదా బ్రహ్మమిది సంకీర్తనం మీకు జాలెల్ల నడగించు సంకీర్తనం ||
చ|| సంతోష కరమైన సంకీర్తనం సంతాప మణగించు సంకీర్తనం
జంతువుల రక్షించు సంకీర్తనం సంతతము దలచుడీ సంకీర్తనం ||
చ|| సామజము గాంచినది సంకీర్తనం సామమున కెక్కుడీ సంకీర్తనం సామీప్య మిందరికి సంకీర్తనం సామాన్యమా విష్ణు సంకీర్తనం ||
చ|| జముబారి విడిపించు సంకీర్తనం సమ బుద్ధి వొడమించు సంకీర్తనం జమళి సౌఖ్యములిచ్చు సంకీర్తనం శమదమాదుల జేయు సంకీర్తనం ||
చ|| జలజాసనుని నోరి సంకీర్తనం చలిగొండ సుతదలచు సంకీర్తనం చలువ గడు నాలుకకు సంకీర్తనం చలపట్టి తలచుడీ సంకీర్తనం ||
చ|| సరవి సంపదలిచ్చు సంకీర్తనం సరిలేని దిదియపో సంకీర్తనం
సరుస వేంకట విభుని సంకీర్తనం సరుగనను దలచుడీ సంకీర్తనం ||🙏🙏🙏