#ஶ்ரீக³ங்கா³ஸஹஸ்ரநாமஸ்தோத்ரம்

  

அகாராதி³க்ஷகாராந்த நாமக⁴டிதம்ʼ ஸ்கந்த³புராணாந்தர்க³தம்ʼ

அக³ஸ்த்ய உவாச

வினா ஸ்னானேன க³ங்கா³யாம்ʼ ந்ருʼணாம்ʼ ஜன்ம நிரர்த²கம் .

உபாயாந்தரமஸ்த்யன்யத்³ யேன ஸ்னானப²லம்ʼ லபே⁴த் .. 1..

அஶக்தானாம்ʼ ச பங்கூ³நாமாலஸ்யோபஹதாத்மனாம் .

தூ³ரதே³ஶாந்தரஸ்தா²னாம்ʼ க³ங்கா³ஸ்னானம்ʼ கத²ம்ʼ ப⁴வேத் .. 2..

தா³னம்ʼ வாத² வ்ரதம்ʼ வாத² மந்த்ர꞉ ஸ்தோத்ரம்ʼ ஜபோ(அ)த²வா .

தீர்தா²ந்தராபி⁴ஷேகோ வா தே³வதோபாஸனம்ʼ து வா .. 3..

யத்³யஸ்தி கிஞ்சித் ஷட்³வக்த்ர க³ங்கா³ஸ்னானப²லப்ரத³ம் .

விதா⁴னாந்தரமாத்ரேண தத்³ வத³ ப்ரணதாய மே .. 4..

த்வத்தோ ந வேத³ ஸ்கந்தா³ன்யோ க³ங்கா³க³ர்ப⁴ஸமுத்³ப⁴வ .

பரம்ʼ ஸ்வர்க³தரங்கி³ண்யாம்ʼ மஹிமானம்ʼ மஹாமதே .. 5..

ஸ்கந்த³ உவாச

ஸந்தி புண்யஜலானீஹ ஸராம்ʼஸி ஸரிதோ முனே .

ஸ்தா²னே ஸ்தா²னே ச தீர்தா²னி ஜிதாத்மாத்⁴யுஷிதானி ச .. 6..

த்³ருʼஷ்டப்ரத்யயகாரீணி மஹாமஹிமபா⁴ஞ்ஜ்யபி .

பரம்ʼ ஸ்வர்க³தரங்கி³ண்யா꞉ கோட்யம்ʼஶோ(அ)பி ந தத்ர வை .. 7..

அனேனைவானுமானேன பு³த்³த்⁴யஸ்வ கலஶோத்³ப⁴வ .

த³த்⁴ரே க³ங்கோ³த்தமாங்கே³ன தே³வதே³வேன ஶம்பு⁴னா .. 8..

ஸ்னானகாலே(அ)ன்யதீர்தே²ஷு ஜப்யதே ஜாஹ்னவீ ஜனை꞉ .

வினா விஷ்ணுபதீ³ம்ʼ க்வான்யத் ஸமர்த²மக⁴மோசனே .. 9..

க³ங்கா³ஸ்னானப²லம்ʼ ப்³ரஹ்மன் க³ங்கா³யாமேவ லப்⁴யதே .

யதா² த்³ராக்ஷாப²லஸ்வாதோ³ த்³ராக்ஷாயாமேவ நான்யத꞉ .. 10..

அஸ்த்யுபாய இஹ த்வேக꞉ ஸ்யாத்³ யேனாவிகலம்ʼ ப²லம் .

ஸ்னானஸ்ய தே³வஸரிதோ மஹாகு³ஹ்யதமோ முனே .. 11..

ஶிவப⁴க்தாய ஶாந்தாய விஷ்ணுப⁴க்திபராய ச .

ஶ்ரத்³தா⁴லவே த்வாஸ்திகாய க³ர்ப⁴வாஸமுமுக்ஷவே .. 12..

கத²னீயம்ʼ ந சான்யஸ்ய கஸ்யசித் கேனசித் க்வசித் .

இத³ம்ʼ ரஹஸ்யம்ʼ பரமம்ʼ மஹாபாதகநாஶனம் .. 13..

மஹாஶ்ரேயஸ்கரம்ʼ புண்யம்ʼ மனோரத²கரம்ʼ பரம் .

த்³யுநதீ³ப்ரீதிஜனகம்ʼ ஶிவஸந்தோஷஸந்ததி꞉ .. 14..

நாம்னாம்ʼ ஸஹஸ்ரம்ʼ க³ங்கா³யா꞉ ஸ்தவராஜேஷு ஶோப⁴னம் .

ஜப்யானாம்ʼ பரமம்ʼ ஜப்யம்ʼ வேதோ³பநிஷதா³ம்ʼ ஸமம் .. 15..

ஜபனீயம்ʼ ப்ரயத்னேன மௌனினா வாசகம்ʼ வினா .

ஶுசிஸ்தா²னேஷு ஶுசினா ஸுஸ்பஷ்டாக்ஷரமேவ ச .. 16..

த்⁴யானம் -

ஶைலேந்த்³ராத³வதாரிணீ நிஜஜலே மஜ்ஜத்³ஜனோத்தாரிணீ

பாராவாரவிஹாரிணீ ப⁴வப⁴யஶ்ரேணீ ஸமுத்ஸாரிணீ .

ஶேஷாஹேரனுகாரிணீ ஹரஶிரோவல்லீத³லாகாரிணீ

காஶீப்ராந்தவிஹாரிணீ விஜயதே க³ங்கா³ மனோஹாரிணீ ..

ௐ நமோ க³ங்கா³தே³வ்யை  ..

ஓங்காரரூபிண்யஜரா(அ)துலா(அ)னந்தா(அ)ம்ருʼதஸ்ரவா .

அத்யுதா³ரா(அ)ப⁴யா(அ)ஶோகா(அ)லகனந்தா³(அ)ம்ருʼதா(அ)மலா .. 17..

அநாத²வத்ஸலா(அ)மோகா⁴(அ)பாம்ʼயோநிரம்ருʼதப்ரதா³ .

அவ்யக்தலக்ஷணா(அ)க்ஷோப்⁴யா(அ)னவச்சி²ன்னா(அ)பரா(அ)ஜிதா .. 18..

அநாத²நாதா²(அ)பீ⁴ஷ்டார்த²ஸித்³தி⁴தா³(அ)னங்க³வர்தி⁴னீ .

அணிமாதி³கு³ணா(அ)தா⁴ரா(அ)க்³ரக³ண்யா(அ)லீகஹாரிணீ .. 19..

அசிந்த்யஶக்திரனகா⁴(அ)த்³பு⁴தரூபா(அ)க⁴ஹாரிணீ .

அத்³ரிராஜஸுதா(அ)ஷ்டாங்க³யோக³ஸித்³தி⁴ப்ரதா³(அ)ச்யுதா .. 20..

அக்ஷுண்ணஶக்திரஸுதா³(அ)னந்ததீர்தா²(அ)ம்ருʼதோத³கா .

அனந்தமஹிமா(அ)பாரா(அ)னந்தஸௌக்²யப்ரதா³(அ)ன்னதா³ .. 21..

அஶேஷதே³வதாமூர்திரகோ⁴ரா(அ)ம்ருʼதரூபிணீ .

அவித்³யாஜாலஶமனீ ஹ்யப்ரதர்க்யக³திப்ரதா³ .. 22..

அஶேஷவிக்⁴னஸம்ʼஹர்த்ரீ த்வஶேஷகு³ணகு³ம்பி²தா .

அஜ்ஞானதிமிரஜ்யோதிரனுக்³ரஹபராயணா .. 23..

அபி⁴ராமா(அ)னவத்³யாங்க்³யனந்தஸாரா(அ)கலங்கினீ .

ஆரோக்³யதா³(ஆ)நந்த³வல்லீ த்வாபன்னார்திவிநாஶினீ .. 24..

ஆஶ்சர்யமூர்திராயுஷ்யா ஹ்யாட்⁴யா(ஆ)த்³யா(ஆ)ப்ரா(ஆ)ர்யஸேவிதா .

ஆப்யாயின்யாப்தவித்³யாக்²யா த்வானந்தா³(ஆ)ஶ்வாஸதா³யினீ .. 25..

ஆலஸ்யக்⁴ன்யாபதா³ம்ʼ ஹந்த்ரீ ஹ்யானந்தா³ம்ருʼதவர்ஷிணீ .

இராவதீஷ்டதா³த்ரீஷ்டா த்விஷ்டாபூர்தப²லப்ரதா³ .. 26..

இதிஹாஸஶ்ருதீட்³யார்தா² த்விஹாமுத்ரஶுப⁴ப்ரதா³ .

இஜ்யாஶீலஸமிஜ்யேஷ்டா² த்விந்த்³ராதி³பரிவந்தி³தா .. 27..

இலாலங்காரமாலேத்³தா⁴ த்விந்தி³ராரம்யமந்தி³ரா .

இதி³ந்தி³ராதி³ஸம்ʼஸேவ்யா த்வீஶ்வரீஶ்வரவல்லபா⁴ .. 28..

ஈதிபீ⁴திஹரேட்³யா ச த்வீட³னீயசரித்ரப்⁴ருʼத் .

உத்க்ருʼஷ்டஶக்திருத்க்ருʼஷ்டோடு³பமண்ட³லசாரிணீ .. 29..

உதி³தாம்ப³ரமார்கோ³ஸ்ரோரக³லோகவிஹாரிணீ .

உக்ஷோர்வரோத்பலோத்கும்பா⁴ உபேந்த்³ரசரணத்³ரவா .. 30..

உத³ன்வத்பூர்திஹேதுஶ்சோதா³ரோத்ஸாஹப்ரவர்தி⁴னீ .

உத்³வேக³க்⁴ன்யுஷ்ணஶமனீ ஹ்யுஷ்ணரஶ்மிஸுதாப்ரியா .. 31..

உத்பத்திஸ்தி²திஸம்ʼஹாரகாரிண்யுபரிசாரிணீ .

ஊர்ஜம்ʼ வஹந்த்யூர்ஜத⁴ரோர்ஜாவதீ சோர்மிமாலினீ  .. 32..

ஊர்த்⁴வரேத꞉ப்ரியோர்த்⁴வாத்⁴வா ஹ்யூர்மிலோர்த்⁴வக³திப்ரதா³ .

ருʼஷிவ்ருʼந்த³ஸ்துதர்த்³தி⁴ஶ்ச ருʼணத்ரயவிநாஶினீ .. 33..

ருʼதம்ப⁴ரர்த்³தி⁴தா³த்ரீ ச ருʼக்ஸ்வரூபா ருʼஜுப்ரியா .

ருʼக்ஷமார்க³வஹர்க்ஷார்சிர்ருʼஜுமார்க³ப்ரத³ர்ஶினீ .. 34..

ஏதி⁴தாகி²லத⁴ர்மார்தா² த்வேகைகாம்ருʼததா³யினீ .

ஏத⁴னீயஸ்வபா⁴வைஜ்யா த்வேஜிதாஶேஷபாதகா  .. 35..

ஐஶ்வர்யதை³ஶ்வர்யரூபா ஹ்யைதிஹ்யம்ʼ ஹ்யைந்த³வீத்³யுதி꞉ .

ஓஜஸ்வின்யோஷதீ⁴க்ஷேத்ரமோஜோதௌ³த³னதா³யினீ .. 36..

ஓஷ்டா²ம்ருʼதௌன்னத்யதா³த்ரீ த்வௌஷத⁴ம்ʼ ப⁴வரோகி³ணாம் .

ஔதா³ர்யசஞ்சுரௌபேந்த்³ரீ த்வௌக்³ரீ ஹ்யௌமேயரூபிணீ .. 37..

அம்ப³ராத்⁴வவஹாம்ப³ஷ்டா²ம்ப³ரமாலாம்பு³ஜேக்ஷணா .

அம்பி³காம்பு³மஹாயோநிரந்தோ⁴தா³ந்த⁴கஹாரிணீ .. 38..

அம்ʼஶுமாலா ஹ்யம்ʼஶுமதீ த்வங்கீ³க்ருʼதஷடா³னனா .

அந்த⁴தாமிஸ்ரஹந்த்ர்யந்து⁴ரஞ்ஜனா ஹ்யஞ்ஜனாவதீ .. 39..

கல்யாணகாரிணீ காம்யா கமலோத்பலக³ந்தி⁴னீ .

குமுத்³வதீ கமலினீ காந்தி꞉ கல்பிததா³யினீ .. 40..

காஞ்சனாக்ஷீ காமதே⁴னு꞉ கீர்திக்ருʼத் க்லேஶநாஶினீ .

க்ரதுஶ்ரேஷ்டா² க்ரதுப²லா கர்மப³ந்த⁴விபே⁴தி³னீ  .. 41..

கமலாக்ஷீ க்லமஹரா க்ருʼஶானுதபனத்³யுதி꞉ .

கருணார்த்³ரா ச கல்யாணீ கலிகல்மஷநாஶினீ .. 42..

காமரூபா க்ரியாஶக்தி꞉ கமலோத்பலமாலினீ .

கூடஸ்தா² கருணா காந்தா கூர்மயானா கலாவதீ .. 43..

கமலா கல்பலதிகா காலீ கலுஷவைரிணீ .

கமனீயஜலா கம்ரா கபர்தி³ஸுகபர்த³கா³ .. 44..

காலகூடப்ரஶமனீ கத³ம்ப³குஸுமப்ரியா .

காலிந்தீ³ கேலிலலிதா கலகல்லோலமாலிகா .. 45..

க்ராந்தலோகத்ரயா கண்டூ³꞉  கண்டூ³தனயவத்ஸலா .

க²ட்³கி³னீ க²ட்³க³தா⁴ராபா⁴ க²கா³ க²ண்டே³ந்து³தா⁴ரிணீ  .. 46..

கே²கே²லகா³மினீ க²ஸ்தா² க²ண்டே³ந்து³திலகப்ரியா .

கே²சரீ கே²சரீவந்த்³யா க்²யாதி꞉ க்²யாதிப்ரதா³யினீ .. 47..

க²ண்டி³தப்ரணதாகௌ⁴கா⁴ க²லபு³த்³தி⁴விநாஶினீ .

கா²தைன꞉ கந்த³ஸந்தோ³ஹா க²ட்³க³க²ட்வாங்க³ கே²டினீ .. 48..

க²ரஸந்தாபஶமனீ க²னி꞉ பீயூஷபாத²ஸாம் .

க³ங்கா³ க³ந்த⁴வதீ கௌ³ரீ க³ந்த⁴ர்வநக³ரப்ரியா .. 49..

க³ம்பீ⁴ராங்கீ³ கு³ணமயீ க³தாதங்கா க³திப்ரியா .

க³ணநாதா²ம்பி³கா கீ³தா க³த்³யபத்³யபரிஷ்டுதா .. 50..

கா³ந்தா⁴ரீ க³ர்ப⁴ஶமனீ க³திப்⁴ரஷ்டக³திப்ரதா³ .

கோ³மதீ கு³ஹ்யவித்³யா கௌ³ர்கோ³ப்த்ரீ க³க³னகா³மினீ .. 51..

கோ³த்ரப்ரவர்தி⁴னீ கு³ண்யா கு³ணாதீதா கு³ணாக்³ரணீ꞉ .

கு³ஹாம்பி³கா கி³ரிஸுதா கோ³விந்தா³ங்க்⁴ரிஸமுத்³ப⁴வா .. 52..

கு³ணனீயசரித்ரா ச கா³யத்ரீ கி³ரிஶப்ரியா .

கூ³ட⁴ரூபா கு³ணவதீ கு³ர்வீ கௌ³ரவவர்தி⁴னீ .. 53..

க்³ரஹபீடா³ஹரா கு³ந்த்³ரா க³ரக்⁴னீ கா³னவத்ஸலா .

க⁴ர்மஹந்த்ரீ க்⁴ருʼதவதீ க்⁴ருʼததுஷ்டிப்ரதா³யினீ .. 54..

க⁴ண்டாரவப்ரியா கோ⁴ராகௌ⁴க⁴வித்⁴வம்ʼஸகாரிணீ .

க்⁴ராணதுஷ்டிகரீ கோ⁴ஷா க⁴னானந்தா³ க⁴னப்ரியா .. 55..

கா⁴துகா கூ⁴ர்ணிதஜலா க்⁴ருʼஷ்டபாதகஸந்ததி꞉ .

க⁴டகோடிப்ரபீதாபா க⁴டிதாஶேஷமங்க³லா .. 56..

க்⁴ருʼணாவதீ க்⁴ருʼணிநிதி⁴ர்க⁴ஸ்மரா கூ⁴கநாதி³னீ .

கு⁴ஸ்ருʼணாபிஞ்ஜரதனுர்க⁴ர்க⁴ரா க⁴ர்க⁴ரஸ்வனா .. 57..

சந்த்³ரிகா சந்த்³ரகாந்தாம்பு³ஶ்சஞ்சதா³பா சலத்³யுதி꞉ .

சின்மயீ சிதிரூபா ச சந்த்³ராயுதஶதானனா .. 58..

சாம்பேயலோசனா சாருஶ்சார்வங்கீ³ சாருகா³மினீ .

சார்யா சாரித்ரநிலயா சித்ரக்ருʼச்சித்ரரூபிணீ .. 59..

சம்பூஶ்சந்த³னஶுச்யம்பு³ஶ்சர்சனீயா சிரஸ்தி²ரா .

சாருசம்பகமாலாட்⁴யா சமிதாஶேஷது³ஷ்க்ருʼதா .. 60..

சிதா³காஶவஹா சிந்த்யா சஞ்சச்சாமரவீஜிதா .

சோரிதாஶேஷவ்ருʼஜினா சரிதாஶேஷமண்ட³லா .. 61..

சே²தி³தாகி²லபாபௌகா⁴ ச²த்³மக்⁴னீ ச²லஹாரிணீ .

ச²ன்னத்ரிவிஷ்டபதலா சோ²டிதாஶேஷப³ந்த⁴னா .. 62..

சு²ரிதாம்ருʼததா⁴ரௌகா⁴ சி²ன்னைநாஶ்ச²ந்த³கா³மினீ .

ச²த்ரீக்ருʼதமராலௌகா⁴ ச²டீக்ருʼதநிஜாம்ருʼதா .. 63..

ஜாஹ்னவீ ஜ்யா ஜக³ன்மாதா ஜப்யா ஜங்கா⁴லவீசிகா .

ஜயா ஜனார்த³னப்ரீதா ஜுஷணீயா ஜக³த்³தி⁴தா .. 64..

ஜீவனம்ʼ ஜீவனப்ராணா ஜக³ஜ்ஜ்யேஷ்டா² ஜக³ன்மயீ .

ஜீவஜீவாதுலதிகா ஜன்மிஜன்மனிப³ர்ஹிணீ .. 65..

ஜாட்³யவித்⁴வம்ʼஸனகரீ ஜக³த்³யோநிர்ஜலாவிலா .

ஜக³தா³னந்த³ஜனனீ ஜலஜா ஜலஜேக்ஷணா .. 66..

ஜனலோசனபீயூஷா ஜடாதடவிஹாரிணீ .

ஜயந்தீ ஜஞ்ஜபூகக்⁴னீ ஜனிதஜ்ஞானவிக்³ரஹா .. 67..

ஜ²ல்லரீவாத்³யகுஶலா ஜ²லஜ்ஜா²லஜலாவ்ருʼதா .

ஜி²ண்டீஶவந்த்³யா ஜ²ங்காரகாரிணீ ஜ²ர்ஜ²ராவதீ .. 68..

டீகிதாஶேஷபாதாலா டங்கிகைனோ(அ)த்³ரிபாடனே .

டங்காரந்ருʼத்யத்கல்லோலா டீகனீயமஹாதடா .. 69..

ட³ம்ப³ரப்ரவஹா டீ³னராஜஹம்ʼஸகுலாகுலா .

ட³மட்³ட³மருஹஸ்தா ச டா³மரோக்தமஹாண்ட³கா .. 70..

டௌ⁴கிதாஶேஷநிர்வாணா ட⁴க்காநாத³சலஜ்ஜலா  .

டு⁴ண்டி⁴விக்⁴னேஶஜனனீ ட⁴ணட்³டு⁴ணிதபாதகா .. 71..

தர்பணீ தீர்த²தீர்தா² ச த்ரிபதா² த்ரித³ஶேஶ்வரீ .

த்ரிலோககோ³ப்த்ரீ தோயேஶீ த்ரைலோக்யபரிவந்தி³தா .. 72..

தாபத்ரிதயஸம்ʼஹர்த்ரீ தேஜோப³லவிவர்தி⁴னீ .

த்ரிலக்ஷ்யா தாரணீ தாரா தாராபதிகரார்சிதா .. 73..

த்ரைலோக்யபாவனீ புண்யா துஷ்டிதா³ துஷ்டிரூபிணீ .

த்ருʼஷ்ணாச்சே²த்ரீ தீர்த²மாதா த்ரிவிக்ரமபதோ³த்³ப⁴வா .. 74..

தபோமயீ தபோரூபா தப꞉ஸ்தோமப²லப்ரதா³ .  var  பத³ப்ரதா³

த்ரைலோக்யவ்யாபினீ த்ருʼப்திஸ்த்ருʼப்திக்ருʼத்தத்த்வரூபிணீ .. 75..

த்ரைலோக்யஸுந்த³ரீ துர்யா துர்யாதீதப²லப்ரதா³ .

த்ரைலோக்யலக்ஷ்மீஸ்த்ரிபதீ³ தத்²யா திமிரசந்த்³ரிகா .. 76..

தேஜோக³ர்பா⁴ தபஸ்ஸாரா த்ரிபுராரிஶிரோக்³ருʼஹா .

த்ரயீஸ்வரூபிணீ தன்வீ தபனாங்க³ஜபீ⁴தினுத் .. 77..

தரிஸ்தரணிஜாமித்ரம்ʼ தர்பிதாஶேஷபூர்வஜா .

துலாவிரஹிதா தீவ்ரபாபதூலதனூனபாத் .. 78..

தா³ரித்³ர்யத³மனீ த³க்ஷா து³ஷ்ப்ரேக்ஷா தி³வ்யமண்ட³னா .

தீ³க்ஷாவதீ து³ராவாப்யா த்³ராக்ஷாமது⁴ரவாரிப்⁴ருʼத் .. 79..

த³ர்ஶிதானேககுதுகா து³ஷ்டது³ர்ஜயது³꞉க²ஹ்ருʼத் .

தை³ன்யஹ்ருʼத்³து³ரிதக்⁴னீ ச தா³னவாரிபதா³ப்³ஜஜா .. 80..

த³ந்த³ஶூகவிஷக்⁴னீ ச தா³ரிதாகௌ⁴க⁴ஸந்ததி꞉ .

த்³ருதா தே³வத்³ருமச்ச²ன்னா து³ர்வாராக⁴விகா⁴தினீ .. 81..

த³மக்³ராஹ்யா தே³வமாதா தே³வலோகப்ரத³ர்ஶினீ .

தே³வதே³வப்ரியா தே³வீ தி³க்பாலபத³தா³யினீ .. 82..

தீ³ர்கா⁴யு꞉ காரிணீ தீ³ர்கா⁴ தோ³க்³த்⁴ரீ தூ³ஷணவர்ஜிதா .

து³க்³தா⁴ம்பு³வாஹினீ தோ³ஹ்யா தி³வ்யா தி³வ்யக³திப்ரதா³ .. 83..

த்³யுநதீ³ தீ³னஶரணம்ʼ தே³ஹிதே³ஹநிவாரிணீ .

த்³ராகீ⁴யஸீ தா³க⁴ஹந்த்ரீ தி³தபாதகஸந்ததி꞉ .. 84..

தூ³ரதே³ஶாந்தரசரீ து³ர்க³மா தே³வவல்லபா⁴ .

து³ர்வ்ருʼத்தக்⁴னீ து³ர்விகா³ஹ்யா த³யாதா⁴ரா த³யாவதீ .. 85..

து³ராஸதா³ தா³னஶீலா த்³ராவிணீ த்³ருஹிணஸ்துதா .

தை³த்யதா³னவஸம்ʼஶுத்³தி⁴கர்த்ரீ து³ர்பு³த்³தி⁴ஹாரிணீ .. 86..

தா³னஸாரா த³யாஸாரா த்³யாவாபூ⁴மிவிகா³ஹினீ .

த்³ருʼஷ்டாத்³ருʼஷ்டப²லப்ராப்திர்தே³வதாவ்ருʼந்த³வந்தி³தா .. 87..

தீ³ர்க⁴வ்ரதா தீ³ர்க⁴த்³ருʼஷ்டிர்தீ³ப்ததோயா து³ராலபா⁴ .

த³ண்ட³யித்ரீ த³ண்ட³நீதிர்து³ஷ்டத³ண்ட³த⁴ரார்சிதா .. 88..

து³ரோத³ரக்⁴னீ தா³வார்சிர்த்³ரவத்³த்³ரவ்யைகஶேவதி⁴꞉ .

தீ³னஸந்தாபஶமனீ தா³த்ரீ த³வது²வைரிணீ .. 89..

த³ரீவிதா³ரணபரா தா³ந்தா தா³ந்தஜனப்ரியா .

தா³ரிதாத்³ரிதடா து³ர்கா³ து³ர்கா³ரண்யப்ரசாரிணீ .. 90..

த⁴ர்மத்³ரவா த⁴ர்மது⁴ரா தே⁴னுர்தீ⁴ரா த்⁴ருʼதிர்த்⁴ருவா .

தே⁴னுதா³னப²லஸ்பர்ஶா த⁴ர்மகாமார்த²மோக்ஷதா³ .. 91..

த⁴ர்மோர்மிவாஹினீ து⁴ர்யா தா⁴த்ரீ தா⁴த்ரீவிபூ⁴ஷணம் .

த⁴ர்மிணீ த⁴ர்மஶீலா ச த⁴ன்விகோடிக்ருʼதாவனா .. 92..

த்⁴யாத்ருʼபாபஹரா த்⁴யேயா தா⁴வனீ தூ⁴தகல்மஷா .

த⁴ர்மதா⁴ரா த⁴ர்மஸாரா த⁴னதா³ த⁴னவர்தி⁴னீ .. 93..

த⁴ர்மாத⁴ர்மகு³ணச்சே²த்ரீ த⁴த்தூரகுஸுமப்ரியா .

த⁴ர்மேஶீ த⁴ர்மஶாஸ்த்ரஜ்ஞா த⁴னதா⁴ன்யஸம்ருʼத்³தி⁴க்ருʼத் .. 94..

த⁴ர்மலப்⁴யா த⁴ர்மஜலா த⁴ர்மப்ரஸவத⁴ர்மிணீ .

த்⁴யானக³ம்யஸ்வரூபா ச த⁴ரணீ தா⁴த்ருʼபூஜிதா .. 95..

தூ⁴ர்தூ⁴ர்ஜடிஜடாஸம்ʼஸ்தா² த⁴ன்யா தீ⁴ர்தா⁴ரணாவதீ .

நந்தா³ நிர்வாணஜனனீ நந்தி³னீ நுன்னபாதகா .. 96..

நிஷித்³த⁴விக்⁴னனிசயா நிஜானந்த³ப்ரகாஶினீ .

நபோ⁴(அ)ங்க³ணசரீ நூதிர்னம்யா நாராயணீ நுதா .. 97..

நிர்மலா நிர்மலாக்²யானா நாஶினீ தாபஸம்பதா³ம் .

நியதா நித்யஸுக²தா³ நாநாஶ்சர்யமஹாநிதி⁴꞉ .. 98..

நதீ³ நத³ஸரோமாதா நாயிகா நாகதீ³ர்கி⁴கா .

நஷ்டோத்³த⁴ரணதீ⁴ரா ச நந்த³னா நந்த³தா³யினீ .. 99..

நிர்ணிக்தாஶேஷபு⁴வனா நி꞉ஸங்கா³ நிருபத்³ரவா .

நிராலம்பா³ நிஷ்ப்ரபஞ்சா நிர்ணாஶிதமஹாமலா .. 100..

நிர்மலஜ்ஞானஜனனீ நி꞉ஶேஷப்ராணிதாபஹ்ருʼத் .

நித்யோத்ஸவா நித்யத்ருʼப்தா நமஸ்கார்யா நிரஞ்ஜனா .. 101..

நிஷ்டா²வதீ நிராதங்கா நிர்லேபா நிஶ்சலாத்மிகா .

நிரவத்³யா நிரீஹா ச நீலலோஹிதமூர்த⁴கா³ .. 102..

நந்தி³ப்⁴ருʼங்கி³க³ணஸ்துத்யா நாகா³ நந்தா³ நகா³த்மஜா .

நிஷ்ப்ரத்யூஹா நாகநதீ³ நிரயார்ணவதீ³ர்க⁴னௌ꞉ .. 103..

புண்யப்ரதா³ புண்யக³ர்பா⁴ புண்யா புண்யதரங்கி³ணீ .

ப்ருʼது²꞉ ப்ருʼது²ப²லா பூர்ணா ப்ரணதார்திப்ரப⁴ஞ்ஜனீ .. 104..

ப்ராணதா³ ப்ராணிஜனனீ ப்ராணேஶீ ப்ராணரூபிணீ .

பத்³மாலயா பராஶக்தி꞉ புரஜித்பரமப்ரியா .. 105..

பரா பரப²லப்ராப்தி꞉ பாவனீ ச பயஸ்வினீ .

பரானந்தா³ ப்ரக்ருʼஷ்டார்தா² ப்ரதிஷ்டா² பாலினீ பரா .. 106..  var  பாலனீ

புராணபடி²தா ப்ரீதா ப்ரணவாக்ஷரரூபிணீ .

பார்வதீ ப்ரேமஸம்பன்னா பஶுபாஶவிமோசனீ .. 107..

பரமாத்மஸ்வரூபா ச பரப்³ரஹ்மப்ரகாஶினீ .

பரமாநந்த³நிஷ்யந்தா³ ப்ராயஶ்சித்தஸ்வரூபிணீ .. 108..  var  நிஷ்பந்தா³

பானீயரூபநிர்வாணா பரித்ராணபராயணா .

பாபேந்த⁴னத³வஜ்வாலா பாபாரி꞉ பாபநாமனுத் .. 109..

பரமைஶ்வர்யஜனனீ ப்ரஜ்ஞா ப்ராஜ்ஞா பராபரா .

ப்ரத்யக்ஷலக்ஷ்மீ꞉ பத்³மாக்ஷீ பரவ்யோமாம்ருʼதஸ்ரவா .. 110..

ப்ரஸன்னரூபா ப்ரணிதி⁴꞉ பூதா ப்ரத்யக்ஷதே³வதா .

பினாகிபரமப்ரீதா பரமேஷ்டி²கமண்ட³லு꞉ .. 111..

பத்³மநாப⁴பதா³ர்க்⁴யேண ப்ரஸூதா பத்³மமாலினீ .

பரர்த்³தி⁴தா³ புஷ்டிகரீ பத்²யா பூர்தி꞉ ப்ரபா⁴வதீ .. 112..

புனானா பீதக³ர்ப⁴க்⁴னீ பாபபர்வதநாஶினீ .

ப²லினீ ப²லஹஸ்தா ச பு²ல்லாம்பு³ஜவிலோசனா .. 113..

பா²லிதைனோமஹாக்ஷேத்ரா ப²ணிலோகவிபூ⁴ஷணம் .

பே²னச்ச²லப்ரணுன்னைனா꞉ பு²ல்லகைரவக³ந்தி⁴னீ .. 114..

பே²னிலாச்சா²ம்பு³தா⁴ராபா⁴ ப²டு³ச்சாடிதபாதகா .

பா²ணிதஸ்வாது³ஸலிலா பா²ண்டபத்²யஜலாவிலா .. 115..

விஶ்வமாதா ச விஶ்வேஶீ விஶ்வா விஶ்வேஶ்வரப்ரியா .

ப்³ரஹ்மண்யா ப்³ரஹ்மக்ருʼத்³ ப்³ராஹ்மீ ப்³ரஹ்மிஷ்டா² விமலோத³கா .. 116..

விபா⁴வரீ ச விரஜா விக்ராந்தானேகவிஷ்டபா .

விஶ்வமித்ரம்ʼ விஷ்ணுபதீ³ வைஷ்ணவீ வைஷ்ணவப்ரியா .. 117..

விரூபாக்ஷப்ரியகரீ விபூ⁴திர்விஶ்வதோமுகீ² .

விபாஶா வைபு³தீ⁴ வேத்³யா வேதா³க்ஷரரஸஸ்ரவா .. 118..

வித்³யா வேக³வதீ வந்த்³யா ப்³ருʼம்ʼஹணீ ப்³ரஹ்மவாதி³னீ .

வரதா³ விப்ரக்ருʼஷ்டா ச வரிஷ்டா² ச விஶோத⁴னீ .. 119..

வித்³யாத⁴ரீ விஶோகா ச வயோவ்ருʼந்த³நிஷேவிதா .

ப³ஹூத³கா ப³லவதீ வ்யோமஸ்தா² விபு³த⁴ப்ரியா .. 120..

வாணீ வேத³வதீ வித்தா ப்³ரஹ்மவித்³யாதரங்கி³ணீ .

ப்³ரஹ்மாண்ட³கோடிவ்யாப்தாம்பு³ர்ப்³ரஹ்மஹத்யாபஹாரிணீ .. 121..

ப்³ரஹ்மேஶவிஷ்ணுரூபா ச பு³த்³தி⁴ர்விப⁴வவர்தி⁴னீ .

விலாஸிஸுக²தா³ வஶ்யா வ்யாபினீ ச வ்ருʼஷாரணி꞉ .. 122..

வ்ருʼஷாங்கமௌலிநிலயா விபன்னார்திப்ரப⁴ஞ்ஜனீ .

வினீதா வினதா ப்³ரத்⁴னதனயா வினயான்விதா .. 123..

விபஞ்சீ வாத்³யகுஶலா வேணுஶ்ருதிவிசக்ஷணா .

வர்சஸ்கரீ ப³லகரீ ப³லோன்மூலிதகல்மஷா .. 124..

விபாப்மா விக³தாதங்கா விகல்பபரிவர்ஜிதா .

வ்ருʼஷ்டிகர்த்ரீ வ்ருʼஷ்டிஜலா விதி⁴ர்விச்சி²ன்னப³ந்த⁴னா .. 125..

வ்ரதரூபா வித்தரூபா ப³ஹுவிக்⁴னவிநாஶக்ருʼத் .

வஸுதா⁴ரா வஸுமதீ விசித்ராங்கீ³ விபா⁴வஸு꞉ .. 126..

விஜயா விஶ்வபீ³ஜம்ʼ ச வாமதே³வீ வரப்ரதா³ .

வ்ருʼஷாஶ்ரிதா விஷக்⁴னீ ச விஜ்ஞானோர்ம்யம்ʼஶுமாலினீ .. 127..

ப⁴வ்யா போ⁴க³வதீ ப⁴த்³ரா ப⁴வானீ பூ⁴தபா⁴வினீ .

பூ⁴ததா⁴த்ரீ ப⁴யஹரா ப⁴க்ததா³ரித்³ர்யகா⁴தினீ .. 128..

பு⁴க்திமுக்திப்ரதா³ பே⁴ஶீ ப⁴க்தஸ்வர்கா³பவர்க³தா³ .

பா⁴கீ³ரதீ² பா⁴னுமதீ பா⁴க்³யம்ʼ போ⁴க³வதீ ப்⁴ருʼதி꞉ .. 129..

ப⁴வப்ரியா ப⁴வத்³வேஷ்ட்ரீ பூ⁴திதா³ பூ⁴திபூ⁴ஷணா .

பா⁴லலோசனபா⁴வஜ்ஞா பூ⁴தப⁴வ்யப⁴வத்ப்ரபு⁴꞉ .. 130..

ப்⁴ராந்திஜ்ஞானப்ரஶமனீ பி⁴ன்னப்³ரஹ்மாண்ட³மண்ட³பா .

பூ⁴ரிதா³ ப⁴க்தஸுலபா⁴ பா⁴க்³யவத்³த்³ருʼஷ்டிகோ³சரீ .. 131..

ப⁴ஞ்ஜிதோபப்லவகுலா ப⁴க்ஷ்யபோ⁴ஜ்யஸுக²ப்ரதா³ .

பி⁴க்ஷணீயா பி⁴க்ஷுமாதா பா⁴வா பா⁴வஸ்வரூபிணீ .. 132..

மந்தா³கினீ மஹானந்தா³ மாதா முக்திதரங்கி³ணீ .

மஹோத³யா மது⁴மதீ மஹாபுண்யா முதா³கரீ .. 133..

முநிஸ்துதா மோஹஹந்த்ரீ மஹாதீர்தா² மது⁴ஸ்ரவா .

மாத⁴வீ மானினீ மான்யா மனோரத²பதா²திகா³ .. 134..

மோக்ஷதா³ மதிதா³ முக்²யா மஹாபா⁴க்³யஜநாஶ்ரிதா .

மஹாவேக³வதீ மேத்⁴யா மஹா மஹிமபூ⁴ஷணா .. 135..

மஹாப்ரபா⁴வா மஹதீ மீனசஞ்சலலோசனா .

மஹாகாருண்யஸம்பூர்ணா மஹர்த்³தி⁴ஶ்ச மஹோத்பலா .. 136..

மூர்திமன்முக்திரமணீ மணிமாணிக்யபூ⁴ஷணா .

முக்தாகலாபனேபத்²யா மனோநயனனந்தி³னீ .. 137..

மஹாபாதகராஶிக்⁴னீ மஹாதே³வார்த⁴ஹாரிணீ .

மஹோர்மிமாலினீ முக்தா மஹாதே³வீ மனோன்மனீ .. 138..

மஹாபுண்யோத³யப்ராப்யா மாயாதிமிரசந்த்³ரிகா .

மஹாவித்³யா மஹாமாயா மஹாமேதா⁴ மஹௌஷத⁴ம் .. 139..

மாலாத⁴ரீ மஹோபாயா மஹோரக³விபூ⁴ஷணா .

மஹாமோஹப்ரஶமனீ மஹாமங்க³லமங்க³லம் .. 140..

மார்தண்ட³மண்ட³லசரீ மஹாலக்ஷ்மீர்மதோ³ஜ்ஜி²தா .

யஶஸ்வினீ யஶோதா³ ச யோக்³யா யுக்தாத்மஸேவிதா .. 141..

யோக³ஸித்³தி⁴ப்ரதா³ யாஜ்யா யஜ்ஞேஶபரிபூரிதா .

யஜ்ஞேஶீ யஜ்ஞப²லதா³ யஜனீயா யஶஸ்கரீ .. 142..

யமிஸேவ்யா யோக³யோநிர்யோகி³னீ யுக்தபு³த்³தி⁴தா³ .

யோக³ஜ்ஞானப்ரதா³ யுக்தா யமாத்³யஷ்டாங்க³யோக³யுக் .. 143..

யந்த்ரிதாகௌ⁴க⁴ஸஞ்சாரா யமலோகநிவாரிணீ .

யாதாயாதப்ரஶமனீ யாதனாநாமக்ருʼந்தனீ .. 144..

யாமினீஶஹிமாச்சோ²தா³ யுக³த⁴ர்மவிவர்ஜிதா .

ரேவதீ ரதிக்ருʼத்³ ரம்யா ரத்நக³ர்பா⁴ ரமா ரதி꞉ .. 145..

ரத்னாகரப்ரேமபாத்ரம்ʼ ரஸஜ்ஞா ரஸரூபிணீ .

ரத்னப்ராஸாத³க³ர்பா⁴ ச ரமணீயதரங்கி³ணீ .. 146..

ரத்னார்சீ ருத்³ரரமணீ ராக³த்³வேஷவிநாஶினீ .

ரமா ராமா ரம்யரூபா ரோகி³ஜீவானுரூபிணீ .. 147..

ருசிக்ருʼத்³ ரோசனீ ரம்யா ருசிரா ரோக³ஹாரிணீ .

ராஜஹம்ʼஸா ரத்னவதீ ராஜத்கல்லோலராஜிகா .. 148..

ராமணீயகரேகா² ச ருஜாரீ ரோக³ரோஷிணீ .  var  ரோக³ஶோஷிணீ

ராகா ரங்கார்திஶமனீ ரம்யா ரோலம்ப³ராவிணீ .. 149..

ராகி³ணீ ரஞ்ஜிதஶிவா ரூபலாவண்யஶேவதி⁴꞉ .

லோகப்ரஸூர்லோகவந்த்³யா லோலத்கல்லோலமாலினீ .. 150..

லீலாவதீ லோகபூ⁴மிர்லோகலோசனசந்த்³ரிகா .

லேக²ஸ்ரவந்தீ லடபா⁴ லகு⁴வேகா³ லகு⁴த்வஹ்ருʼத் .. 151..

லாஸ்யத்தரங்க³ஹஸ்தா ச லலிதா லயப⁴ங்கி³கா³ .

லோகப³ந்து⁴ர்லோகதா⁴த்ரீ லோகோத்தரகு³ணோர்ஜிதா .. 152..

லோகத்ரயஹிதா லோகா லக்ஷ்மீர்லக்ஷணலக்ஷிதா .

லீலா லக்ஷிதநிர்வாணா லாவண்யாம்ருʼதவர்ஷிணீ .. 153..

வைஶ்வானரீ வாஸவேட்³யா வந்த்⁴யத்வபரிஹாரிணீ .

வாஸுதே³வாங்க்⁴ரிரேணுக்⁴னீ வஜ்ரிவஜ்ரநிவாரிணீ .. 154..

ஶுபா⁴வதீ ஶுப⁴ப²லா ஶாந்தி꞉ ஶந்தனுவல்லபா⁴ .  var  ஶாந்தனு

ஶூலினீ ஶைஶவவயா꞉ ஶீதலாம்ருʼதவாஹினீ .. 155..

ஶோபா⁴வதீ ஶீலவதீ ஶோஷிதாஶேஷகில்பி³ஷா .

ஶரண்யா ஶிவதா³ ஶிஷ்டா ஶரஜன்மப்ரஸூ꞉ஶிவா .. 156..

ஶக்தி꞉ ஶஶாங்கவிமலா ஶமனஸ்வஸ்ருʼஸம்மதா .

ஶமா ஶமனமார்க³க்⁴னீ ஶிதிகண்ட²மஹாப்ரியா .. 157..

ஶுசி꞉ ஶுசிகரீ ஶேஷா ஶேஷஶாயிபதோ³த்³ப⁴வா .

ஶ்ரீநிவாஸஶ்ருதி꞉ ஶ்ரத்³தா⁴ ஶ்ரீமதீ ஶ்ரீ꞉ ஶுப⁴வ்ரதா .. 158..

ஶுத்³த⁴வித்³யா ஶுபா⁴வர்தா ஶ்ருதானந்தா³ ஶ்ருதிஸ்துதி꞉ .

ஶிவேதரக்⁴னீ ஶப³ரீ ஶாம்ப³ரீரூபதா⁴ரிணீ .. 159..

ஶ்மஶானஶோத⁴னீ ஶாந்தா ஶஶ்வச்ச²தத்⁴ருʼதிஸ்துதா .

ஶாலினீ ஶாலிஶோபா⁴ட்⁴யா ஶிகி²வாஹநக³ர்ப⁴ப்⁴ருʼத் .. 160..

ஶம்ʼஸனீயசரித்ரா ச ஶாதிதாஶேஷபாதகா .

ஷட்³கு³ணைஶ்வர்யஸம்பன்னா ஷட³ங்க³ஶ்ருதிரூபிணீ .. 161..

ஷண்ட⁴தாஹாரிஸலிலா ஸ்த்யாயன்னத³நதீ³ஶதா .

ஸரித்³வாரா ச ஸுரஸா ஸுப்ரபா⁴ ஸுரதீ³ர்கி⁴கா .. 162..

ஸ்வ꞉ ஸிந்து⁴꞉ ஸர்வது³꞉க²க்⁴னீ ஸர்வவ்யாதி⁴மஹௌஷத⁴ம் .

ஸேவ்யா ஸித்³தி⁴꞉ ஸதீ ஸூக்தி꞉ ஸ்கந்த³ஸூஶ்ச ஸரஸ்வதீ .. 163..

ஸம்பத்தரங்கி³ணீ ஸ்துத்யா ஸ்தா²ணுமௌலிக்ருʼதாலயா .

ஸ்தை²ர்யதா³ ஸுப⁴கா³ ஸௌக்²யா ஸ்த்ரீஷு ஸௌபா⁴க்³யதா³யினீ .. 164..

ஸ்வர்க³நி꞉ஶ்ரேணிகா ஸூமா ஸ்வதா⁴ ஸ்வாஹா ஸுதா⁴ஜலா .  var  ஸூக்ஷ்மா

ஸமுத்³ரரூபிணீ ஸ்வர்க்³யா ஸர்வபாதகவைரிணீ .. 165..

ஸ்ம்ருʼதாக⁴ஹாரிணீ ஸீதா ஸம்ʼஸாராப்³தி⁴தரண்டி³கா .

ஸௌபா⁴க்³யஸுந்த³ரீ ஸந்த்⁴யா ஸர்வஸாரஸமன்விதா .. 166..

ஹரப்ரியா ஹ்ருʼஷீகேஶீ ஹம்ʼஸரூபா ஹிரண்மயீ .

ஹ்ருʼதாக⁴ஸங்கா⁴ ஹிதக்ருʼத்³தே⁴லா ஹேலாக⁴க³ர்வஹ்ருʼத் .. 167..

க்ஷேமதா³ க்ஷாலிதாகௌ⁴கா⁴ க்ஷுத்³ரவித்³ராவிணீ க்ஷமா .

க³ங்கே³தி நாமஸாஹஸ்ரம்ʼ க³ங்கா³யா꞉ கலஶோத்³ப⁴வ .  var  இதி நாமஸஹஸ்ரம்ʼ ஹி

கீர்தயித்வா நர꞉ ஸம்யக்³க³ங்கா³ஸ்னானப²லம்ʼ லபே⁴த் .. 168..

ஸர்வபாபப்ரஶமனம்ʼ ஸர்வவிக்⁴னவிநாஶனம் .

ஸர்வஸ்தோத்ரஜபாச்ச்²ரேஷ்ட²ம்ʼ ஸர்வபாவனபாவனம் .. 169..

ஶ்ரத்³த⁴யாபீ⁴ஷ்டப²லத³ம்ʼ சதுர்வர்க³ஸம்ருʼத்³தி⁴க்ருʼத் .

ஸக்ருʼஜ்ஜபாத³வாப்னோதி ஹ்யேகக்ரதுப²லம்ʼ முனே .. 170..

ஸர்வதீர்தே²ஷு ய꞉ ஸ்னாத꞉ ஸர்வயஜ்ஞேஷு தீ³க்ஷித꞉ .

தஸ்ய யத்ப²லமுத்³தி³ஷ்டம்ʼ த்ரிகாலபட²னாச்ச தத் .. 171..

ஸர்வவ்ரதேஷு யத்புண்யம்ʼ ஸம்யக்சீர்ணேஷு வாட³வ .

தத்ப²லம்ʼ ஸமவாப்னோதி த்ரிஸந்த்⁴யம்ʼ நியத꞉ பட²ன் .. 172..

ஸ்னானகாலே படே²த்³யஸ்து யத்ர குத்ர ஜலாஶயே .

தத்ர ஸந்நிஹிதா நூனம்ʼ க³ங்கா³ த்ரிபத²கா³ முனே .. 173..

ஶ்ரேயோ(அ)ர்தீ² லப⁴தே ஶ்ரேயோ த⁴னார்தீ² லப⁴தே த⁴னம் .

காமீ காமானவாப்னோதி மோக்ஷார்தீ² மோக்ஷமாப்னுயாத் .. 174..

வர்ஷம்ʼ த்ரிகாலபட²னாச்ச்²ரத்³த⁴யா ஶுசிமானஸ꞉ .

ருʼதுகாலாபி⁴க³மநாத³புத்ர꞉  புத்ரவான் ப⁴வேத் .. 175..

நாகாலமரணம்ʼ தஸ்ய நாக்³னிசோராஹிஸாத்⁴வஸம் .

நாம்னாம்ʼ ஸஹஸ்ரம்ʼ க³ங்கா³யா யோ ஜபேச்ச்²ரத்³த⁴யா முனே .. 176..

க³ங்கா³நாமஸஹஸ்ரம்ʼ து ஜப்த்வா க்³ராமாந்தரம்ʼ வ்ரஜேத் .

கார்யஸித்³தி⁴மவாப்னோதி நிர்விக்⁴னோ கே³ஹமாவிஶேத் .. 177..

திதி²வாரர்க்ஷயோகா³னாம்ʼ ந தோ³ஷ꞉ ப்ரப⁴வேத்ததா³ .

யதா³ ஜப்த்வா வ்ரஜேதே³தத் ஸ்தோத்ரம்ʼ க்³ராமாந்தரம்ʼ நர꞉ .. 178..

ஆயுராரோக்³யஜனனம்ʼ ஸர்வோபத்³ரவநாஶனம் .

ஸர்வஸித்³தி⁴கரம்ʼ பும்ʼஸாம்ʼ க³ங்கா³நாமஸஹஸ்ரகம் .. 179..

ஜன்மாந்தரஸஹஸ்ரேஷு யத்பாபம்ʼ ஸம்யக³ர்ஜிதம் .

க³ங்கா³நாமஸஹஸ்ரஸ்ய ஜபனாத்தத்க்ஷயம்ʼ வ்ரஜேத் .. 180..

ப்³ரஹ்மக்⁴னோ மத்³யப꞉ ஸ்வர்ணஸ்தேயீ ச கு³ருதல்பக³꞉ .

தத்ஸம்ʼயோகீ³ ப்⁴ரூணஹந்தா மாத்ருʼஹா பித்ருʼஹா முனே .. 181..

விஶ்வாஸகா⁴தீ க³ரத³꞉ க்ருʼதக்⁴னோ மித்ரகா⁴தக꞉ .

அக்³னிதோ³ கோ³வத⁴கரோ கு³ருத்³ரவ்யாபஹாரக꞉ .. 182..

மஹாபாதகயுக்தோ(அ)பி ஸம்ʼயுக்தோ(அ)ப்யுபபாதகை꞉ .

முச்யதே ஶ்ரத்³த⁴யா ஜப்த்வா க³ங்கா³நாமஸஹஸ்ரகம் .. 183..

ஆதி⁴வ்யாதி⁴பரிக்ஷிப்தோ கோ⁴ரதாபபரிப்லுத꞉ .

முச்யதே ஸர்வது³꞉கே²ப்⁴ய꞉ ஸ்தவஸ்யாஸ்யானுகீர்தனாத் .. 184..

ஸம்ʼவத்ஸரேண யுக்தாத்மா பட²ன் ப⁴க்திபராயண꞉ .

அபீ⁴ப்ஸிதாம்ʼ லபே⁴த்ஸித்³தி⁴ம்ʼ ஸர்வை꞉ பாபை꞉ ப்ரமுச்யதே .. 185..

ஸம்ʼஶயாவிஷ்டசித்தஸ்ய த⁴ர்மவித்³வேஷிணோ(அ)பி ச .

தா³ம்பி⁴கஸ்யாபி ஹிம்ʼஸ்ரஸ்ய சேதோ த⁴ர்மபரம்ʼ ப⁴வேத் .. 186..

வர்ணாஶ்ரமபதீ²னஸ்து காமக்ரோத⁴விவர்ஜித꞉ .

யத்ப²லம்ʼ லப⁴தே ஜ்ஞானீ ததா³ப்னோத்யஸ்ய கீர்தனாத் .. 187..

கா³யத்ர்யயுதஜப்யேன யத்ப²லம்ʼ ஸமுபார்ஜிதம் .

ஸக்ருʼத்பட²னத꞉ ஸம்யக்தத³ஶேஷமவாப்னுயாத் .. 188..

கா³ம்ʼ த³த்த்வா வேத³விது³ஷே யத்ப²லம்ʼ லப⁴தே க்ருʼதீ .

தத்புண்யம்ʼ ஸம்யகா³க்²யாதம்ʼ ஸ்தவராஜஸக்ருʼஜ்ஜபாத் .. 189..

கு³ருஶுஶ்ரூஷணம்ʼ குர்வன் யாவஜ்ஜீவம்ʼ நரோத்தம꞉ .

யத்புண்யமர்ஜயேத்தத்³பா⁴க்³வர்ஷம்ʼ த்ரிஷவணம்ʼ ஜபன் .. 190..

வேத³பாராயணாத்புண்யம்ʼ யத³த்ர பரிபட்²யதே .

தத்ஷண்மாஸேன லப⁴தே த்ரிஸந்த்⁴யம்ʼ பரிகீர்தனாத் .. 191..

க³ங்கா³யா꞉ ஸ்தவராஜஸ்ய ப்ரத்யஹம்ʼ பரிஶீலனாத் .

ஶிவப⁴க்திமவாப்னோதி விஷ்ணுப⁴க்தோ(அ)த²வா ப⁴வேத் .. 192..

ய꞉ கீர்தயேத³னுதி³னம்ʼ க³ங்கா³நாமஸஹஸ்ரகம் .

தத்ஸமீபே ஸஹசரீ க³ங்கா³தே³வீ ஸதா³ ப⁴வேத் .. 193..

ஸர்வத்ர பூஜ்யோ ப⁴வதி ஸர்வத்ர விஜயீ ப⁴வேத் .

ஸர்வத்ர ஸுக²மாப்னோதி ஜாஹ்னவீஸ்தோத்ரபாட²த꞉ .. 194..

ஸதா³சாரீ ஸ விஜ்ஞேய꞉ ஸ ஶுசிஸ்து ஸதை³வ ஹி .

க்ருʼதஸர்வஸுரார்ச꞉ ஸ கீர்தயேத்³ய இமாம்ʼ ஸ்துதிம் .. 195..

தஸ்மிம்ʼஸ்த்ருʼப்தே ப⁴வேத் த்ருʼப்தா ஜாஹ்னவீ நாத்ர ஸம்ʼஶய꞉ .

தஸ்மாத்ஸர்வப்ரயத்னேன க³ங்கா³ப⁴க்தம்ʼ ஸமர்சயேத் .. 196..

ஸ்தவராஜமிமம்ʼ கா³ங்க³ம்ʼ ஶ்ருʼணுயாத்³யஶ்ச வை படே²த் .

ஶ்ராவயேத³த² தத்³ப⁴க்தான் த³ம்ப⁴லோப⁴விவர்ஜித꞉ .. 197..

முச்யதே த்ரிவிதை⁴꞉ பாபைர்மனோவாக்காயஸம்ப⁴வை꞉ .

க்ஷணாந்நிஷ்பாபதாமேதி பித்ரூʼணாம்ʼ ச ப்ரியோ ப⁴வேத் .. 198..

ஸர்வதே³வப்ரியஶ்சாபி ஸர்வர்ஷிக³ணஸம்மத꞉ .

அந்தே விமானமாருஹ்யம்ʼ தி³வ்யஸ்த்ரீஶதஸம்ʼவ்ருʼத꞉ .. 199..

தி³வ்யாப⁴ரணஸம்பன்னோ தி³வ்யபோ⁴க³ஸமன்வித꞉ .

நந்த³நாதி³வனே ஸ்வைரம்ʼ தே³வவத்ஸ ப்ரமோத³தே .. 200..

பு⁴ஜ்யமானேஷு விப்ரேஷு ஶ்ராத்³த⁴காலே விஶேஷத꞉ .

ஜபன்னித³ம்ʼ மஹாஸ்தோத்ரம்ʼ பித்ரூʼணாம்ʼ த்ருʼப்திகாரகம் .. 201..

யாவந்தி தத்ர ஸிக்தா²னி யாவந்தோ(அ)ம்பு³கணா꞉ ஸ்தி²தா꞉ .

தாவந்த்யேவ ஹி வர்ஷாணி மோத³ந்தே ஸ்வபிதாமஹா꞉ .. 202..

யதா² ப்ரீணந்தி பிதரோ ப்ரீணந்தி க³ங்கா³யாம்ʼ பிண்ட³தா³னத꞉ .

ததை²வ த்ருʼப்னுயு꞉ ஶ்ராத்³தே⁴ ஸ்தவஸ்யாஸ்யானுஸம்ʼஶ்ரவாத்  .. 203..

ஏதத்ஸ்தோத்ரம்ʼ க்³ருʼஹே யஸ்ய லிகி²தம்ʼ பரிபூஜ்யதே .

தத்ர பாபப⁴யம்ʼ நாஸ்தி ஶுசி தத்³ப⁴வனம்ʼ ஸதா³ .. 204..

அக³ஸ்தே கிம்ʼ ப³ஹூக்தேன ஶ்ருʼணு மே நிஶ்சிதம்ʼ வச꞉ .

ஸம்ʼஶயோ நாத்ர கர்தவ்ய꞉ ஸந்தே³க்³த⁴ரி ப²லம்ʼ நஹி .. 205..

யாவந்தி மர்த்யே ஸ்தோத்ராணி மந்த்ரஜாலான்யனேகஶ꞉ .

தாவந்தி ஸ்தவராஜஸ்ய கா³ங்கே³யஸ்ய ஸமானி ந .. 206..

யாவஜ்ஜன்ம ஜபேத்³யஸ்து நாம்நாமேதத்ஸஹஸ்ரகம் .

ஸ கீகடேஷ்வபி ம்ருʼதோ ந புனர்க³ர்ப⁴மாவிஶேத் .. 207..

நித்யம்ʼ நியமவானேதத்³யோ ஜபேத்ஸ்தோத்ரமுத்தமம் .

அன்யத்ராபி விபன்ன꞉ ஸ க³ங்கா³தீரே ம்ருʼதோ ப⁴வேத் .. 208..

ஏதத்ஸ்தோத்ரவரம்ʼ ரம்யம்ʼ புரா ப்ரோக்தம்ʼ பினாகினா .

விஷ்ணவே நிஜப⁴க்தாய முக்திபீ³ஜாக்ஷராஸ்பத³ம் .. 209..

க³ங்கா³ஸ்னானப்ரதிநிதி⁴꞉ ஸ்தோத்ரமேதன்மயேரிதம் .

ஸிஸ்னாஸுர்ஜாஹ்னவீம்ʼ தஸ்மாதே³தத்ஸ்தோத்ரம்ʼ ஜபேத்ஸுதீ⁴꞉ .. 210..

.. இதி ஶ்ரீஸ்கந்த³புராணே ஏகாஶீதிஸாஹஸ்ர்யாம்ʼ

ஸம்ʼஹிதாயாம்ʼ சதுர்தை²காஶீக²ண்டே³பூர்வார்தே⁴

க³ங்கா³ஸஹஸ்ரநாமகத²னம்ʼ நாமைகோனத்ரிம்ʼஶத்தமோ(அ)த்⁴யாய꞉ ..

ஸிதமகரநிஷண்ணாம்ʼ ஶுப்⁴ரவர்ணாம்ʼ த்ரிநேத்ராம்ʼ

    கரத்⁴ருʼதகலஶோத்³யத்ஸோபலாபீ⁴த்யபீ⁴ஷ்டாம் .

விதி⁴ஹரிரூபாம்ʼ ஸேந்து³கோடீரஜூடாம்ʼ

    கலிதஸிதது³கூலாம்ʼ ஜாஹ்னவீ தாம்ʼ நமாமி ..

Encoded and proofread by DPD, Kirk Wortman