ఓం శ్రీ స్వామియే శరణమయ్యప్పా
15. ఇదే ఇదే ...
ప) ఇదే ఇదే శబరిమలక్షేత్రము
కలియుగవిభుని కర్మక్షేత్రము
శ్రీధర్మశాస్తుని ధర్మక్షేత్రము
పంచగిరులపై వెలసిన పుణ్యక్షేత్రము
అభీష్టములు నెరవేర్చే అయ్యప్పక్షేత్రము
చ) మహిమల మాలను ధరియించండి
మహితాత్ముని దీక్షను పాలించండి
శరణాగతుని శరణాలు ఘోషించండి
చిద్విలాసుని చరణాలు ఆశించండి
చ) నలభై ఎనిమిది దినములు
నియమంగా మెలగండి
నీలివస్త్రధారుని నిష్ఠగా కొలవండి
అరియంగావు అయ్యను
ఆర్తితో పిలవండి
తారకప్రభువును తనివితీర తలవండి
చ) భక్తవిధేయుని భక్తితో భజించండి
కాంతిమలవాసుని కీర్తిని కీర్తించండి
ఇరుముడిప్రియుని ఇరుముడులు కట్టండి
వనయాత్రనుచేసి స్వామి సన్నిధికి చేరండి
చ) అభిషేకప్రియుని అభిషేకించండి
దివ్యమైన అనుభూతితో
కనులారా కాంచండి
మణికంఠునికి ముడుపులు అర్పించండి
అయ్యప్పస్వామి అండను అర్ధించండి
***************