ஸ்பு²ரத்³வித்³யுத்³வல்லீவலயிதமகோ³த்ஸங்க³வஸதிம்
ப⁴வாப்பித்தப்லுஷ்டாநமிதகருணாஜீவநவஶாத் ।
அவந்தம் ப⁴க்தாநாமுத³யகரமம்போ⁴த⁴ர இதி
ப்ரமோதா³தா³வாஸம் வ்யதநுத மயூரோ(அ)ஸ்ய ஸவிதே⁴ ॥ 1 ॥
ஸுப்³ரஹ்மண்யோ யோ ப⁴வேஜ்ஜ்ஞாநஶக்த்யா
ஸித்³த⁴ம் தஸ்மிந்தே³வஸேநாபதித்வம் ।
இத்த²ம் ஶக்திம் தே³வஸேநாபதித்வம்
ஸுப்³ரஹ்மண்யோ பி³ப்⁴ரதே³ஷ வ்யநக்தி ॥ 2 ॥
பக்ஷோ(அ)நிர்வசநீயோ த³க்ஷிண இதி தி⁴யமஶேஷஜநதாயா꞉ ।
ஜநயதி ப³ர்ஹீ த³க்ஷிணநிர்வசநாயோக்³யபக்ஷயுக்தோ(அ)யம் ॥ 3 ॥
ய꞉ பக்ஷமநிர்வசநம் யாதி ஸமவலம்ப்³ய த்³ருஶ்யதே தேந ।
ப்³ரஹ்ம பராத்பரமமலம் ஸுப்³ரஹ்மண்யாபி⁴த⁴ம் பரம் ஜ்யோதி꞉ ॥ 4 ॥
ஷண்முக²ம் ஹஸந்முக²ம் ஸுகா²ம்பு³ராஶிகே²லநம்
ஸந்முநீந்த்³ரஸேவ்யமாநபாத³பங்கஜம் ஸதா³ ।
மந்மதா²தி³ஶத்ருவர்க³நாஶகம் க்ருபாம்பு³தி⁴ம்
மந்மஹே முதா³ ஹ்ருதி³ ப்ரபந்நகல்பபூ⁴ருஹம் ॥ 5 ॥
இதி ஜக³த்³கு³ரு ஶ்ருங்கே³ரீபீடா²தி⁴ப ஶ்ரீசந்த்³ரஶேக²ரபா⁴ரதீ ஶ்ரீபாதை³꞉ விரசிதா ஶ்ரீஷண்முக²பஞ்சரத்நஸ்துதி꞉ ।