అఖిలాండేశ్వరివే - శ్రీ చాముండేశ్వరివే
ఆదిపరాశక్తివే- మా కనకదుర్గాంబికవే. అమ్మా ....
|| అఖి ||
సిరిగల తల్లివి నీవమ్మా - సుందర రూపము నీదమ్మా
వరముల నీయగ రావమ్మా - నిరతము నిను కొలిచెదమమ్మా
|| అఖి ||
పూజకు పూలను తెచ్చాము - పసుపు కుంకుమలిచ్చాము
పరమేశ్వరి నీ దరి చేరి- జయము నిమ్మని కోరాము
|| అఖి ||
మహిషాసుర సంహారిణివి - సింహ వాహినివి నీవమ్మా
మహినే ఏలగ రావమ్మా - అంబ భవాని దుర్గమ్మా
|| అఖి ||
నీ గుడిలోన దివ్వెలము - నీ పదములపై పువ్వులము
నిను నమ్మిన నిరు పేదలము-మా జీవితమే నీకంకితము
|| అఖి ||
శివ మహారాణివి నీవమ్మా - చిరునవ్వుల మా గౌరమ్మా
శరణముకోరితి నీయమ్మా- అప్పన్న దాసుని గనుమమ్మా
|| అఖి ||