నమస్తే చితే విశ్వరూపాత్మకాయ |
నమోఽద్వైతతత్త్వాయ ముక్తిప్రదాయ
నమో బ్రహ్మణే వ్యాపినే నిర్గుణాయ || ౧ ||
త్వమేకం శరణ్యం త్వమేకం వరేణ్యం
త్వమేకం జగత్కారణం విశ్వరూపమ్ |
త్వమేకం జగత్ కర్తృపాతృప్రహర్తృ
త్వమేకం పరం నిశ్చలం నిర్వికల్పమ్ || ౨ ||
భయానాం భయం భీషణం భీషణానాం
గతిః ప్రాణినాం పావనం పావనానామ్ |
మహోచ్చైఃపదానాం నియంతృత్వమేకం
పరేషాం పరం రక్షకం రక్షకానామ్ || ౩ ||
పరేశ ప్రభో సర్వరూపాప్రకాశి-
-న్ననిర్దేశ్య సర్వేంద్రియాగమ్య సత్య |
అచింత్యాక్షర వ్యాపకావ్యక్తతత్త్వ
జగద్భాసకాధీశ పాయాదపాయాత్ || ౪ ||
తదేకం స్మరామస్తదేకం జపామ-
-స్తదేకం జగత్సాక్షిరూపం నమామః |
సదేకం నిధానం నిరాలంబమీశం
భవాంభోధిపోతం శరణ్యం వ్రజామః || ౫ ||
పంచరత్నమిదం స్తోత్రం బ్రహ్మణః పరమాత్మనః |
యం పఠేత్ ప్రయతో భూత్వా బ్రహ్మసాయుజ్యమాప్నుయాత్ || ౬ ||
ప్రదోషేఽదః పఠేన్నిత్యం సోమవారే విశేషతః |
శ్రావయేద్బోధయేత్ప్రాజ్ఞో బ్రహ్మనిష్ఠాన్ స్వబాంధవాన్ || ౭ ||
ఇతి మహానిర్వాణతంత్రే తృతీయోల్లాసే శ్రీ బ్రహ్మ పంచరత్న స్తోత్రమ్ ||