నలభై ఒక్క రోజులు వ్రతమాచరించాము
ఇరుముడులు కట్టుకోండయ్య స్వాములు
శబరిమలకి చేరరారయ్య అయ్యప్పలు॥
(నీ మాల వేసినాము, నియమాలతో ఉన్నాము॥)
🙏 కార్తీక మాసాన అయ్యప్ప దీక్షలు,నియమ నిష్ఠలతోటి ఘనమైన పూజలు।
శరణుఘోష పలకరేమయ్య స్వాములు,
శరణమంటే పలుకుతాడయ్యా మణికంఠుడు॥
(నీ మాల వేసినాము, నియమాలతో ఉన్నాము॥)
🙏 ఎరుమేలి చేరాలి, వావరికి మొక్కాలి,ఎరుకల కోయ వేషమేసి పేట తుళ్ళి ఆడాలి।
పేట తుళ్ళి ఆడరారయ్య స్వాములు,
కులమతాలు మనకు లేవయ్యా అయ్యప్పలు॥
(నీ మాల వేసినాము, నియమాలతో ఉన్నాము॥)
🙏 పంబలోన స్నానమాడి గణపతికి మొక్కాలి,పద్దెనిమిది మెట్లెక్కి అభిషేకం చేయాలి।
మకర సంక్రాంతి నాడు స్వాములు,
జ్యోతిగా కనిపించెను మణికంఠుడు॥
(నీ మాల వేసినాము, నియమాలతో ఉన్నాము॥)
ఓం శ్రీ స్వామియే శరణం అయ్యప్పా 🙏
