మరువము నీ ప్రియ నామమును,
విడువము నీ పదపద్మములు.
||మరచితివా ఓ దేవా||
పరమాత్మవని మేము పలు విధముల కొలిచేము,పగలనకా రేయనకా నిను భక్తితో వేడేము.
కరుణామయుడవు నీవయ్యా, కన్నుల చూచగ రావయ్యా.
భక్తితో కొలిచే మానవులకు
ముక్తి నొసగువాడ నీవే కదా.
||మరచితివా ఓ దేవా||
నరహరి నారాయణా, దివ్య పుణ్యమోహనా,అఖిలలోక పాలనా, సకలదేవ వందనా.
మరువక ఎప్పుడు కొలిచే భక్తుల మదిలో
చక్కగా నిలువుమయా.
మునిజన పాలనా, నీ ప్రియ లీలలు
అపురూపమయా భువిలోనా.
||మరచితివా ఓ దేవా||
పద్మావతి ప్రేమలోలా, అలమేలుమంగనాథా,లక్ష్మీధర శ్రీరమణా, చూపించుము నీ కరుణా.
హృదయము నీకు అర్పించితిని,
పూజలు గైకొను ఓ దేవా.
ధరణిలో నిన్ను కొలచిన భక్తుల
నందరిని బ్రోవుము వేంకటరమణా.
||మరచితివా ఓ దేవా||