ಜಯಸ್ವ ಸತ್ಯಸಂಭೂತೇ ಧ್ರುವೇ ದೇವಿ ಧರೇಽಕ್ಷರೇ |
ಸರ್ವಗೇ ಸರ್ವಜನನಿ ಸರ್ವಭೂತಮಹೇಶ್ವರಿ || ೧ ||
ಸರ್ವಜ್ಞಾ ತ್ವಂ ವರಾರೋಹೇ ಸರ್ವಸಿದ್ಧಿಪ್ರದಾಯಿನೀ |
ಸಿದ್ಧಿಬುದ್ಧಿಕರೇ ದೇವಿ ಪ್ರಸೂತಿಃ ಪರಮೇಶ್ವರಿ || ೨ ||
ತ್ವಂ ಸ್ವಾಹಾ ತ್ವಂ ಸ್ವಧಾ ದೇವಿ ತ್ವಮುತ್ಪತ್ತಿರ್ವರಾನನೇ |
ತ್ವಮೋಂಕಾರಃ ಸ್ಥಿತಾ ದೇವಿ ವೇದೋತ್ಪತ್ತಿಸ್ತ್ವಮೇವ ಚ || ೩ ||
ದೇವಾನಾಂ ದಾನವಾನಾಂ ಚ ಯಕ್ಷಗಂಧರ್ವರಕ್ಷಸಾಮ್ |
ಪಶೂನಾಂ ವೀರುಧಾಂ ಚಾಪಿ ತ್ವಮುತ್ಪತ್ತಿರ್ವರಾನನೇ || ೪ ||
ವಿದ್ಯಾ ವಿದ್ಯೇಶ್ವರೀ ಸಿದ್ಧಾ ಪ್ರಸಿದ್ಧಾ ತ್ವಂ ಸುರೇಶ್ವರೀ |
ಸರ್ವಜ್ಞಾ ತ್ವಂ ವರಾರೋಹೇ ಸರ್ವಸಿದ್ಧಿವಿಧಾಯಿನೀ || ೫ ||
ಸರ್ವಗಾ ಗತಸಂದೇಹಾ ಸರ್ವಶತ್ರುನಿಬರ್ಹಿಣೀ |
ಸರ್ವವಿದ್ಯೇಶ್ವರೀ ದೇವೀ ನಮಸ್ತೇ ಸ್ವಸ್ತಿಕಾರಿಣಿ || ೬ ||
ಋತುಸ್ನಾತಾಂ ಸ್ತ್ರಿಯಂ ಗಚ್ಛೇದ್ಯಸ್ತ್ವಾಂ ಸ್ತುತ್ವಾ ವರಾನನೇ |
ತಸ್ಯಾವಶ್ಯಂ ಭವೇತ್ ಸೃಷ್ಟಿಸ್ತ್ವತ್ ಪ್ರಸಾದಾತ್ ಪ್ರಜೇಶ್ವರಿ |
ಸ್ವರೂಪಾ ವಿಜಯಾ ಭದ್ರೇ ಸರ್ವಶತ್ರುವಿನಾಶಿನೀ || ೭ ||
ಇತಿ ಶ್ರೀವರಾಹಪುರಾಣೇ ಏಕನವತಿತಮೋಽಧ್ಯಾಯೇ ಬ್ರಹ್ಮ ಕೃತ ಶ್ರೀ ಸರಸ್ವತೀ ಸ್ತುತಿಃ ||