అమ్మవారికి గాజులు సమర్పించటం అనే ఆచారం ఈ విధంగా వచ్చింది.

🌹🙏అమ్మవారికి గాజులంటే ఇష్టం..!!🌹🙏

🔥🔥🔥🔥🔥🔥🔥🔥 

🌸🌿🌸🌿🌸🌿🌸🌿🌸🌿🌸🌿

🌸శ్రీ కనకదుర్గమ్మ మహిమలు అనంతం అమోఘం. అమ్మవారికి గాజులు సమర్పించటం అనే ఆచారం ఈ విధంగా వచ్చింది. 

🌿పూర్వం సుల్తానుల పరిపాలనా కాలంలో కొంత కాలం దుర్గమ్మ దేవాలయం పూజలు ఏవీ జరగకుండా నిలిచిపోయాయి.

🌸వారి ప్రభావం తగ్గిన తరువాత, పండితులంతా ఒకచోట చేరి అమ్మవారి మూల విగ్రహాన్ని పునః ప్రతిష్టిస్తేనే గానీ, అర్చన చేయటానికి వీలు కాదని ఒక నిర్ణయానికి వచ్చారు.

🌿ఈ విషయం గురించి పెదకళ్లేపల్లి గ్రామంలో ఉన్న శ్రీ విద్యా పూర్ణదీక్షాపరులైన శ్రీ ఉమాపతి శాస్త్రి, శ్రీ చలపతిశాస్త్రి అనే పండితుల్ని విచారించగా...

🌸మహామంత్ర శాస్త్రవేత్తలైన ఆ వెలనాటి వైదిక బ్రాహ్మణులు, ''దుర్గాదేవి స్వయంభువు ఆ తల్లి తిరిగి పునః ప్రతిష్ట చేయాల్సిన అవసరం లేదు. మంత్ర పూర్వకంగా మహా సంప్రోక్షణ చేస్తే సరిపోతుంది'' అని చెప్పి

🌿వారే స్వయంగా ఈ ఆలయానికి వచ్చి దుర్గాదేవికి సంప్రోక్షణా కార్యక్రమాలు చేసి, కొంతకాలం సకుటుంబంగా ఆ ఆలయంలోనే వుంటూ అమ్మవారి ఉపాసన చేయసాగారు.

🌸అప్పుడొక ఆశ్చర్య సంఘటన జరిగింది. వారి ఇంట్లో ఉన్న నలుగురు ఆడపిల్లలు ఒకరోజు గాజులు అమ్మేవాణ్ణి పిలిచి, తమ చేతులకి గాజులు తొడిగించుకున్నారట.

🌿వారితో పాటు మరొక అమ్మాయి కూడా వచ్చి గాజులు తొడిగించుకుంది. చివరికి గాజులబ్బాయి మొత్తం ఐదుగురికి తొడిగిన గాజులకి డబ్బులివ్వమని అడుగగా, ''అదేంటి మా యింట్లో ఉంది నలుగురమే!

🌸మేము నలుగురమే గాజులు తొడిగించుకున్నాం కదా? మరి ఐదుగురెక్కడున్నారు'' అని గాజులమ్మే

వానిని ప్రశ్నించారు.

🌿''లేదు నేను ఐదుగురికి గాజులు తొడిగాను. ఆ ఐదో పిల్ల ఎక్కడో లోపలకెళ్లి దాక్కుని ఉంటుంది? అని ఆ గాజులవాడు రెట్టించాడు.

🌸వారి వాదన విన్న ఆ పండితులు ఐదో అమ్మాయి ఎవరు ఎక్కణ్ణించి వచ్చింది, ఎక్కడకెళ్లింది, అని ఆలోచిస్తూ ఆలయం చుట్టూ వెతికారు.

🌿చివరికి ఆలయంలోకి వెళ్లి చూడగా వారికి అమ్మవారి చేతులకి గాజులు కనిపించాయట. ఆశ్చర్యం! అద్భుతం! ఆ దృశ్యాన్ని చూసి వారెంతో ఆనందపడి, వెంటనే ఆ విషయాన్ని అందరికీ తెలియజేసారు. 

🌸అది ఆనోటా ఆనోటా చేరి ఊరంతా ప్రచారమైంది. ఆనాటి నుంచి కనకదుర్గమ్మ వారికి గాజులంటే ఎంతో ఇష్టం అనీ, ఆ తల్లికి గాజులు సమర్పిస్తే ఎంతో సంతోషిస్తుందని భావిస్తూ భక్తులందరూ అమ్మవారికి ఆలయంలో గాజులు సమర్పించే సంప్రదాయాన్ని ప్రారంభించారు.

🌿ఈ గాజుల సంప్రదాయం ఆనాటి నుంచి నేటి వరకూ కొనసాగుతూనే ఉంది.

🌸విజయవాడలో కనకదుర్గమ్మ అమ్మవారిని మొట్టమొదటిసారిగా గాజులతో అలంకరించారు...🚩🌞🌹🙏

🌼సర్వేజనాసుఖీ నోభవంతు 🌼