గో సూక్తం

 

(ఋ.6.28.1)

ఆ గావో॑ అగ్మన్ను॒త భ॒ద్రమ॑క్రం॒త్సీదం॑తు గో॒ష్ఠే ర॒ణయం॑త్వ॒స్మే ।
ప్ర॒జావ॑తీః పురు॒రుపా॑ ఇ॒హ స్యు॒రింద్రా॑య పూ॒ర్వీరు॒షసో॒ దుహా॑నాః ॥ 1

ఇంద్రో॒ యజ్వ॑నే పృణ॒తే చ॑ శిక్ష॒త్యుపేద్ద॑దాతి॒ న స్వం మా॑షుయతి ।
భూయో॑భూయో ర॒యిమిద॑స్య వ॒ర్ధయ॒న్నభి॑న్నే ఖి॒ల్యే ని ద॑ధాతి దేవ॒యుమ్ ॥ 2

న తా న॑శంతి॒ న ద॑భాతి॒ తస్క॑రో॒ నాసా॑మామి॒త్రో వ్యథి॒రా ద॑ధర్​షతి ।
దే॒వాంశ్చ॒ యాభి॒ర్యజ॑తే॒ దదా॑తి చ॒ జ్యోగిత్తాభిః॑ సచతే॒ గోప॑తిః స॒హ ॥ 3

న తా అర్వా॑ రే॒ణుక॑కాటో అశ్నుతే॒ న సం॑స్కృత॒త్రముప॑ యంతి॒ తా అ॒భి ।
ఉ॒రు॒గా॒యమభ॑యం॒ తస్య॒ తా అను॒ గావో॒ మర్త॑స్య॒ వి చ॑రంతి॒ యజ్వ॑నః ॥ 4

గావో॒ భగో॒ గావ॒ ఇంద్రో॑ మ అచ్ఛా॒న్ గావః॒ సోమ॑స్య ప్రథ॒మస్య॑ భ॒క్షః ।
ఇ॒మా యా గావః॒ స జ॑నాస॒ ఇంద్ర॑ ఇ॒చ్ఛామీద్ధృ॒దా మన॑సా చి॒దింద్ర॑మ్ ॥ 5

యూ॒యం గా॑వో మేదయథా కృ॒శం చి॑దశ్రీ॒రం చి॑త్కృణుథా సు॒ప్రతీ॑కమ్ ।
భ॒ద్రం గృ॒హం కృ॑ణుథ భద్రవాచో బృ॒హద్వో॒ వయ॑ ఉచ్యతే స॒భాసు॑ ॥ 6

ప్ర॒జావ॑తీః సూ॒యవ॑సం రి॒శంతీః॑ శు॒ద్ధా అ॒పః సు॑ప్రపా॒ణే పిబం॑తీః ।
మా వః॑ స్తే॒న ఈ॑శత॒ మాఘశం॑సః॒ పరి॑ వో హే॒తి రు॒ద్రస్య॑ వృజ్యాః ॥ 7

ఉపే॒దము॑ప॒పర్చ॑నమా॒సు గోషూప॑ పృచ్యతామ్ ।
ఉప॑ ఋష॒భస్య॒ రేత॒స్యుపేం॑ద్ర॒ తవ॑ వీ॒ర్యే॑ ॥ 8

ఓం శాంతిః॒ శాంతిః॒ శాంతిః॑ ॥