అనసూయాత్రిసంభూత దత్తాత్రేయ మహామతే |
సర్వదేవాధిదేవ త్వం మమ చిత్తం స్థిరీకురు || ౧ ||
శరణాగతదీనార్తతారకాఖిలకారక |
సర్వపాలక దేవ త్వం మమ చిత్తం స్థిరీకురు || ౨ ||
సర్వమంగళమాంగళ్య సర్వాధివ్యాధిభేషజ |
సర్వసంకటహారింస్త్వం మమ చిత్తం స్థిరీకురు || ౩ ||
స్మర్తృగామీ స్వభక్తానాం కామదో రిపునాశనః |
భుక్తిముక్తిప్రదః స త్వం మమ చిత్తం స్థిరీకురు || ౪ ||
సర్వపాపక్షయకరస్తాపదైన్యనివారణః |
యోఽభీష్టదః ప్రభుః స త్వం మమ చిత్తం స్థిరీకురు || ౫ ||
య ఏతత్ప్రయతః శ్లోకపంచకం ప్రపఠేత్సుధీః |
స్థిరచిత్తః స భగవత్ కృపాపాత్రం భవిష్యతి || ౬ ||
ఇతి శ్రీపరమహంస పరివ్రాజకాచార్య శ్రీమద్వాసుదేవానందసరస్వతీ స్వామీ కృతం శ్రీ దత్త స్తోత్రమ్ ||