అస్య శ్రీ శనైశ్చర కవచ స్తోత్రస్య కశ్యప ఋషిః, అనుష్టుప్ ఛందః, శనైశ్చరో దేవతా, శం బీజం, వాం శక్తిః యం కీలకం, మమ శనైశ్చరకృతపీడాపరిహారార్థే జపే వినియోగః ||
కరన్యాసః –
శాం అంగుష్ఠాభ్యాం నమః |
శీం తర్జనీభ్యాం నమః |
శూం మధ్యమాభ్యాం నమః |
శైం అనామికాభ్యాం నమః |
శౌం కనిష్ఠికాభ్యాం నమః |
శః కరతలకరపృష్ఠాభ్యాం నమః ||
అంగన్యాసః –
శాం హృదయాయ నమః |
శీం శిరసే స్వాహా |
శూం శిఖాయై వషట్ |
శైం కవచాయ హుమ్ |
శౌం నేత్రత్రయాయ వౌషట్ |
శః అస్త్రాయ ఫట్ |
ధ్యానమ్ –
చతుర్భుజం శనిం దేవం చాపతూణీ కృపాణకమ్ |
వరదం భీమదంష్ట్రం చ నీలాంగం వరభూషణమ్ || ౧ ||
నీలమాల్యానులేపం చ నీలరత్నైరలంకృతమ్ |
జ్వాలోర్ధ్వమకుటాభాసం నీలగృధ్రరథావహమ్ || ౨ ||
మేరుం ప్రదక్షిణం కృత్వా సర్వలోకభయావహమ్ |
కృష్ణాంబరధరం దేవం ద్విభుజం గృధ్రసంస్థితమ్ |
సర్వపీడాహారం నౄణాం ధ్యాయేద్గ్రహగణోత్తమమ్ || ౩ ||
అథ కవచమ్ –
శనైశ్చరః శిరో రక్షేన్ముఖం భక్తార్తినాశనః |
కర్ణౌ కృష్ణాంబరః పాతు నేత్రే సర్వభయంకరః || ౪ ||
కృష్ణాంగో నాసికాం రక్షేత్ కర్ణౌ మే చ శిఖండిజః |
భుజౌ మే సుభుజః పాతు హస్తౌ నీలోత్పలప్రభః || ౫ ||
పాతు మే హృదయం కృష్ణః కుక్షిం శుష్కోదరస్తథా |
కటిం మే వికటః పాతు ఊరూ మే ఘోరరూపవాన్ || ౬ ||
జానునీ పాతు దీర్ఘో మే జంఘే మే మంగళప్రదః |
గుల్ఫౌ గుణాకరః పాతు పాదౌ మే పంగుపాదకః |
సర్వాణి చ మమాంగాని పాతు భాస్కరనందనః || ౭ ||
ఫలశ్రుతిః –
య ఇదం కవచం దివ్యం సర్వపీడాహరం నృణామ్ |
పఠతి శ్రద్ధయా యుక్తః సర్వాన్ కామానవాప్నుయాత్ |
ఇహలోకే సుఖీభూత్వా పఠేన్ముక్తో భవిష్యతి || ౮ ||
ఇతి శ్రీపద్మపురాణే శ్రీ శని కవచమ్ |